مني تعرف مجبوس دجاج

[منار الزهراء]

السلام عليكم ورحمة الله وبركاته
شلونكم يابنات ممكن مساعدة
ارجوكم حبايبي اللي تعرف طريقة عمل مجبوس الدجاج تحطلياهة وية الصور مهمة الصور الطريقة اريدهة بالترتيب لاني مرة شفت منال العالم سوتهة واعتمدت على الذاكرة وسويتهة وتعالو شوفو الرز صار حبة مستوية وحبة مامستوية واظطريت آكلهة وحدي لان محد قبل من العائلة ياكلهة ظلو يضحكون علي
اخواتي كلمن ظابطتهة تكلي ها مع التجربة موتنقلهة نقل
يالة خلي نشوف ياطباخة ماهرة راح تساعدني

[عبير الزهــــــــراء]

يعطيك الف عافيه

[نور الولاية علي]

اللهم صل على محمد وال محمد
السلام على الزهراء البتول الطاهره وعلى ابيها وبعلها وبنيها
اختي منار الزهراء
جئت لك بهذا الطبق ان شاء الله يعجبك
واذا ما عجبك
اعطيك طريقه اخرى
المهم انك تعملينه
طريقة عمل مجبوس الدجاج بالصور


اولا نبدأ بتقطيع الدجاج و غسله و نغسل الرز و نخليه في ماء ينقع
و نخليهم على برد نبدأ بتفريم البصل و نخليه في القدر مع زيت ينقلى
لين ما يصير هاللون غامق





عقب ما يصير هاللون نحط كوبين ماء مبدئياً مع ثوم مبشور و فلفيلة و طماط مقطعين (اختياري) احنا ما حطينا فيه






عقب نزيد الماء و نضيف الدجاج و البهارات و الملح و لسبنت
و التابل و الفلفل الحاار








و ألحين نخليه على النار لين ما ينضج الدجاج (( يطبخ ))






اذا استوى الدجاج نشيله على برد و نخلي الرز مكانه






اهني اضفنا الرز و حطينا كمية ملح تقريبا نص ملعقة ( لأن هو فيه من قبل ملح و هذا للعيش احين







و نخلي العيش ينشف على راحة و لازم قبل نحاسب من كمية الماء عشان لا يصير العيش خشن و لا لين واجد





هذا اني شلت شوي منه لاحظوا انه استوى عجيب و العيش صايرة حبة حبة )





و في هذي الصورة نلاحظ انه نشف تماماًً يمـــــــــــي





بالنسبة للدجاج خليناه فوق العيش بدون قلاي
و هذا طبق التقديم :





صورة طايرة:





وبالعافية عليكم