دجاج بالزبدة مع رز بالزعفران بالصور 2013

[تفاحة الجنان]

وحدة من البنات طلبت مني أحط طريقة عمل رز بالتفصيل ..
وسوينا اللي تبي =)




| الطريقة والمقادير مع بعض | :


نسلق دجاجة كاملة مع :


- ربع حبة فلفل أخضر بارد


- 5 حبات مسمار " قرنفل "


- 5 حبات هيل


- 5 حبات فلفل أسود


- عود قرفة , متوسط الحجم


- فص ثوم


- مكعب واحد ماجي


- شوي كزبره مفرومه


- ورقتين غار


- شوي زعفران




نسلقها لمدة 40 إلى 45 دقيقة .







بعد ما تنسلق نشيل الدجاجه ونحطها بصينية للفرن وندهنها بهالخلطة :


[ ملعقة كبيرة زبدة نذوبها | ملعقة كبيرة صوص الـ hp | نص ملعقة صغيرة بهارات مشكلة | شوي من البقدونس المجفف ]


* البقدونس اختياري


مثل كذا :









وندخلها الفرن تتحمر


الحين نروح نغسل الرز وننقعة في موية مدة 20 دقيقة .


بعد هالخطوه نروح لموية السلق اللي سلقنا فيها الدجاج ونشيل منها الفلفل والقرفة والهيل .. وباقي البهارات الصحيحة الثانية اللي حطيناها .




ونحط الرز عليها - طبعاً بعد مانصفية من الماي اللي نقعناه فيه -


ونضيف عليه موية لما يبدى يغطي الرز شوي مثل كذا :










هنا الماي ماتحسونه مغطي الرز لأنه كان يغلي .. بس هو مغطيه شوي .


ونخليه لما يستوي وينشف الماي منه .


ونقدمة مع الدجاج والبطاطس المقلي .

[محبة النوراء]

ما شاء الله ... بارك الله فيك أختي .... طرح رائع ومميز

لا حرمنا الله من مواضيعك القيمة

دمتي بكل الود

تقبلي مروري

[زهرة الياسمين]

شكله لذيذ

الله يعطيك العافية

تحياتي

[عبير الزهــــــــراء]

اللهم صل على محمد وعلى آله وصحبه أجمعين

طبق متميز كتميزك اختاه
لاحرمنا الله جديدك