دجاج مغربي بنكهة مميزه بالصور 2013

[تفاحة الجنان]

= المقادير .. ~



* كوب ونص بصل مبشور ..

* كوب فلفل رومي مفروم ..



* جزره مقطعه شرايح دآئريه ..

* كوب زيتون .. [ دون نوآه أفضل ]



* نص كوب بقدونس + كزبره مفرومين

* 2 م ك صلصة طماط ..

* ليمونه مفرومه مع قشرها [ يعني القشره تفرمينها مع اللي دآخل ]

* م ص من كل من [ كركم + كاري + كمون + بهارات دجاج + ملح
+ فلفل أسود + زنجبيل بودره + زعفران بودره ]



* م ك زعفرآن خيوط .. ~



* كوبين عصير طماط ..

* نص كوب سمن أو زبده ..

* م ك ثوم مهروس ..



* و سر طبختي اللذيذه .. حبتين أشآر ليمون




= الطريقه ~




سخني السمن بجدر قاعدته سميكه .. و أحمسي البصل فيه لين يشقر لونه



بعد ما يشقر لونه ضيفي الفلفل الرومي ..


لمآ يستوي الفلفل الرومي عدل .. ضيفي الثوم .. وقلبي لين تطلع ريحته ,,
على فكره آنا دوم أزيد مقدار الثوم لأني أحبه مووت .. وحتى أهلي ..
أذا نتي ما تحبينه قللي .. رغم أني ما أحس بطعمه كثير .. ~




بعدها ضيفي البهارات ..
فيه طريقه أنا دايما و أبدا أسويها عشان تعطيني نكهه أقوى
ما أرمي البهارات عالخضروات على طول .. لأ .. أضيفها فجهه ما فيها ألا زيت
وأحمسها بالزيت ثواني قبل لا أخلطها بباقي الخضار ..

هالحركه تعلمتها من صغري و أنا أراقب أمي تطبخ ..
كنت دآيما اجيب كرسي و أطالعها و هي تطبخ .. حيآتي ماماتي ..

بس عن جد تفرق .. جربوها . .
[ حتى صلصة الطمام .. أحمسيها بالزيت أول ]



بعد البهارات .. نضيف الزعفران .. و نفس الشي أحمسه عالجنب بالأول ..



لمآ نحس البصل أستوى عدل وصار مثل البيوريه .. نضيف الليمونه المفرومه ..
ترى يمكن تقولون شلون بناكل قشرة الليمون !!? .. بس أنا أفرمها عدل
.. بحيث أن بعدين ما تحسين فيها بالأكل .. لكن تعطي طعم جنآن .. ~



وهذي هي بعد مآ أضفنآ كل البهارات و الخضار ..




الحين نضيف آشار الليمون .. حبتين تكفي ..
هي بتجي مقصوصه من النصين .. هالأضافه كانت من عندي
عطت الطبخه نكهه رووعه و مختلفه عن الأكل اللي معتادين عليه ..
يعني اللي يآكل دجاجتي اللزيزه ما يعرف سر نكهتها

وترى مو حآر أبدا ..



بعدها نضيف عصير الطماط و نخليه يفور شوي .. تقريبا 5 دقايق بس .. ~



بعد ما تجهز نضيف الدجاج .. بعد ما نكون نضفناه و غسلناه طبعا ,,



وهنيه لما أستوت الدجاجه .. خذت تقريبا ساعه ألا ربع على نار متوسطه
شايفين شلون أنتفخت و تضاعف حجمها .. !! والدهن طفى فوق .. يمييي ~




نضيف نص كمية الجزر و نطلع الدجاجه على صينية فرن ..





أحب أضيف للصينيه بصل حلقات و ليمون شرايح و جزر و بطاط أقصصه طولي ..
و أخر شي أرشه زيت زيتون خفيف و فلفل أسود .. ~
ويدخل الفرن لين تتحمر الدجاجه وتستوي الخضار .. ~




نكمل مع المرق .. نضيف الزيتون و البقدونس و الكزبره .. ~
الزيتون أنا ما أستخدم المعلب ,. أشتري من اللي يعبونه بقوآطي
أقعد أذوق و أختار اللي أبيه .. عموما أنا أحب الأخضر الحامض .. ~

نخليها تفور 5 دقايق و نطفي عليها .. هالمرق بنصب شوي منه فوق الدجاجه
والباقي بيتقدم فصحن جمب الدجاجه للي يبي يضيف صالونه .. ~
الريحه شي يعذب



هذي هي الدجاجه الحليوه .. ~



حطيتها بطآجين .. بس مو اللي ينطبخ فيه
هو بس للتقديم ..



و قدمت معاها رز بالشبث.. وصبيت فوقها شوي من الصالونه ,,,



و وزعت حولها شوي من الخضار اللي شويناها معاها
الخضار طعمها جنااان , خصوصا البطآط.. أحبه موت ., والبصل بعد


جربوها بنآت بتدمنونها..

وصحتين وهنا

[عبير الزهــــــــراء]

اللهم صل على محمد وعلى آله وصحبه أجمعين

مشكوووووورة
والله يعطيك الف عافيه

[محبة النوراء]

تسلمين خيتووو