تجهيزاتنا لعيالنا في المواليد والأخص النص من شعبان

[عنوني]

شخباركم يا احلى وارق واعذب واحن امهات على وجه الأرض

حبيت افتح هذا المووضوع عشان التجهيزات إلي بتسوونها لعيالكم في المواليد والأخص النص من شعبان مولد الحجه عجل الله وجهه الشريف

واتمنى يكون تفاعل

واي وحده تبي استفسار وله اي شي تطرحه هنيه عشان نتبادل الأفكار

ولاني كنت بفتح موضوع استفسر فيه عن حاجه بس قلت ليش ما يكون شامل للتجهيزات لنا كامل

ها شرايكم


وسؤالي ،، ابي مكان يسوي طبع الصور على القماش وين ،، اتمنى وحده تعرف وتخبرني وتره ضروري

[أم حسين]

موضوع حلو .. وراح تستفيد منه الأمهات كثير ..

و هذا الموضوع في بالي من كم يوم خصوصاً التجهيز للقرقاعون ..

فالف شكر لكِ أختي " عنوني " على الموضوع و يعطيج العافية ..

بالنسبة لسؤالج ما عندي فكرة عنه .. ان شاء الله باقي الأمهات يفيدونج ..

[ام زهراء]

:d20::d20::d20:السلام عليكم موضوع مهم وحان وقته

[عنوني]

مشكورات خواتي على الردود والمشرفه على التثبيت

اني اخذت كم حاجه من الأنوار حلوين الوانهم حلوه بس اخذت كم قطعه وناويه اشتري كم قطعه ثانيه

شفته مهفات صغار حلوين في مجمع البحرين في نوع البسطه خخخخخخ في المجمع تبيع اشياء قديمه بس صراحه استغليتهم

وقلت يمكن اشوف في اماكن ثانيه وارخص ،، بس لانهم في مجمع فيكون السعر كبير

[رياحين]

موضوع جميل وفكرة حلوة مشكورة اختي على الموضوع

عنوني اذا تبين مهفات او مراوح صغار بتلاقينهم في محل الدنيا الصغيرة في الدمام الحبة بريال

[أم حسين]

عنوني ..

أنا نفس الشي أخذت أكياس توزيعات من الأنوار صغيرة و شكلها حلووو عجبتني ..

و كنت مترددة آخذها أو انتظر لقريب الناصفة لأن ينزلون في الطابق الثاني أشكال متنوعة و حلوووة ..

بس زوجي شجعني آخذ منها كمية الحين لأن يمكن بعدين ما احصل منها ..

فأخذت كمية و إن شاء الله لي جولة على بقية المحلات حتى اكمل التوزيعات و إذا ما حصلت برجع الأنوار !!!

[أم حسين]

رياحين ..

خاطري أروح محلات أبو ريال اللي عندكم !!!

و محل الدنيا الصغيرة واجد اسمع فيه .. وين يصير بالضبط ؟؟؟

[رياحين]

المشاركة الأصلية كتبت بواسطة أم حسين

رياحين ..

خاطري أروح محلات أبو ريال اللي عندكم !!!

و محل الدنيا الصغيرة واجد اسمع فيه .. وين يصير بالضبط ؟؟؟

هلا والله اختي ام حسين

ابو ريال وابو ريالين في كل مكان بس اشهر شي واللي يجيب البضاعة الزينة محل المبارك ابو ريال وجنبه بالضبط الدنيا الصغيرة من ريال وطالع

هذول يصيروا في حي المحمدية الدمام مقابل الهرم بلازا جنب الاشارة على طول

[عنوني]

ام حسين يريت تحطين الصور يمكن اقلد عليش خخخخخخ

اني إلي اخذتهم حلوين بس خذت جم حبه ويكن اخليهم لشي ثاني ما ادري الصراحه

بصورهم وبخليهم

ورياحين دلينه على المحل يمكن نروح قايله لزوجي ابي اروح السعوديه بس مو عاطني وجه

والحمد لله اللبس رحت لمحرق وشفت اشياء حلوه وبعضها صراحه سعرها كلش مو فيها وايد مغليين

وشفت شي احسه سعرها فيه واخذته احس الخلق مو حار وايد يعني زين

وإن شاء الله اصوره واخليه

بس عاد شجعوني انتو بعد بالمشاركات والأفكار

[أم فاتي زيزي]

مووضوع حلووووو ومناسب لهي الايام وانا للحين افكر شنو التوزيعة وكل مرة تضرب في راسي شي وارد اغير راي كنت مفكرة اخذ مباخر فخار وازينهم والبطايق اشتغلت عليهم باقي علي الطباعة والتقصيص وبخلي كم توزيعة سويتهم السنوات الي طافت