[بقلمي] وين تحبين تأخذين عيالج للترفيه ؟؟!!!

[أم حسين]

فترة الترفيه و اللعب هي من أسعد اللحظات لدى أطفالنا الصغار ..

فترى البسمة و البهجة تعلو وجوههم الصغيرة و هم يركبون هذه اللعبة او يسارعون لتلك ..

و ترى البعض ينتظر لعبته المفضلة بفارغ الصبر ..

و ممّا لا ريب فيه إن قلوبنا تغمرها السعادة و نحن نرى ملائكتنا الصغار و قد مّلئت قلوبهم بالفرح و السرور ..

و من هنا أحببتُ أن أفتح موضوعي هذا من أجل أن نتبادل الخبرات في أماكن الترفيه للأطفال الموجودة في بلدنا ..

و التي نحب ان نأخذ اولادنا لها ..

و اتمنى أن أجد تفاعل من قبل الأمهاااات ..

و حتى غير المتزوجات يمكنهم المشاركة أيضاً .. فيخبرونا عن الأماكن الترفيهية التي يأخذوا لها أخوانهم أو أخواتهم الصغار أو أولاد أخوانهم أواخواتهم ..

و أنا بإنتظار تفاعلكم و سأتكلم بعدها عن الأماكن الترفيهية اللي أخذ ولدي لها ..

[أم فاتي زيزي]

موضوع حلو لانه انا وايد احتار وين اودي عيالي


بعدد الاماكن الي حسيتها مناسبة لهم واستانسوا فيها طبعا الحدائق كلها بدون استثناء بتكون مناسبة لانه فيها نحانه= مرجيحة ويه زلاحة اما الاماكن المغلقة عندش شيكوزولوا و ماجك بلانيت ونيمو بارك هي وايد مناسب للاعمار الاقل من 3 او 2 سنوات

امم لما اوديهم مكان جديد راح اخبركم فيه

[أم حسين]

أم فاتي زيزي ..

اشكر لكِ الحضور و المشاركة ..

انا بعد احياناً اتحير وين آخذه لأن مو كل مكان فيه العاب تناسب سنه ..

عشان جذي فتحت هالموضوع عشان نتبادل خبرات ..

و فعلاً الحدائق تفرح الأطفال لأنها فيها الالعاب الخفيفة و المناسبة لهم و خصوصاً المرجيحة ..

ولدي يحب شي اسمه بحر و مرجيحة و ما يمر اسبوع الا يوديه ابوه البحر لانه يستانس بالماي و السمك و يحب يأكلّهم .. احياناً حتى جبس يعطيهم :d27:

و اكثر شي نوديه ساحل ابو صبح يستانس بالمرجيحة هناك رغم ان في هذا الجو الرطب ما تسوى الطلعة هناك بس شنسوي عشان خاطره ..

اما صالات الألعاب ناخذه مملكة الأطفال نلعبه في الألعاب اللي داخل المملكة لانها هي المناسبة لسنه ..

و مملكة الصغار في الرفاع احس اغلب الالعاب اللي فيها مناسبة له حتى الالعاب اللي ترتفع فوق لانها ترتفع ارتفاع بسيط ..

بس ابوه ما رضى يخليه بروحه فيهم من جذي اخذنا معاه اختي الصغيرة تركب معاه حتى يتشجع و ما يخاف..

و هذا اللي في بالي الحين ..


و ننتظر باقي الامهات ..

[عنوني]

مووضوع حلو ام حسين ومفيد

ودامه يخص عيالنا اكيد مهم

عن نفسي تقريبا بشكل يومي اوديها حديقه الألعاب العاديه إلي في الديره وتستانس الحمد لله من تشوفها ما نشوف إله الصرخات والشهقات

واحاول اني حتى لو اروح اشتري اغراض البيت وبوديها ويايه يكون مكان فيه العاب ولاني اروح رامز إلي في الرفاع فيه محل العاب اخليها تلعب شويه ونطلع

اوديها شكزولو إلي في الدانه لانه بالنسبه لي ولوزوجي هادئ احبه مافي ناس وايد على عكس مجك آيلاند

والحين في الصيف نستفيد من روحه البحر فتستانس حدها

وطبعا مره اخذت بنتي عين عذاري والعابهم عجبوني لانه مثل الكبار بس مصغره وحدها ستانست وقلت بوديها مره ثانيه

وطبعا الحلو فيه انه فيه مركز خاص يعني ما يحتاج ندفع 500 فلس الدخول لو حبينه ما ندخل اني وابوها

وبس سلامتكم

وطبعا اتفقت اني وزوجي اني اوديها محميه العرين احسه بتستانس بس قال مو الحين لانه حر لين ما يعتدل الجو إن شاء الله

تحياتي

[نور فاطمة]

بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ

يعطيك العافية أختي على طرح الموضوع ..
عادتاً نأخذ فطوم لمنتزة عين عذاري..,
اللعاب مناسبة سنها و صالة اللعاب مكيفة و تناسب أجواء الصيف ,,

تحيااااتي

[أم حسين]

مشكورة " عنوني " على المشاركة ..

و صالة الألعاب اللي في رامز مرة ودينا ولدي .. و الالعاب اللي تحت حلوة بس اغلبها اللي تتحرك في مكانها ...

شكازولو و عين عذاري ما جربناهم للحين انشاء الله نوديه قريب ..

و محمية العرين فكرة حلوووة خصوصاً للأطفال اللي يحبووون الحيوانات ..

[أم حسين]

أم فاطمة ..

أشكر لكِ الحضور و المشاركة ..

و شوقتوني أروح عين عذاري .. لأن حتى أني ما شفتها بعد التطوير :d19:

[عاشقة العتره الطاهره]

بِـسْـمِ اللّهِ الـرَّحْـمـنِ الـرَّحِـيـمِ

اَللّـهُمَّ صَلِّ عَلى مُحَمَّد وَآلِهِ الاْوصياءِ الْمَرْضِيِّينَ، وَاكْفِني ما اَهَمَّني مِنْ اَمْرِ الدُّنْيا وَالاخِرَةِ يا اَرْحَمَ الرّاحِمينَ

يسلموو خيتوو و يعطيك ربي الف عافيه







دًٍمًتُِِّْمً بٌَِخٌِيَرٌٍ ،،



نْسٌِِّآلكَمً خٌِآلصٍْ آلدًٍعًٍآء

تحيـــــــــــــــــــ عاشقة آل البيت(ع) ــــــــــــــــــاتي

[أم حسين]

عاشقة آل البيت ..

اشكر حضوركِ .. و ننتظر مشاركتي بالموضوع ..

لكِ خالص دعواتي ..

[أم حسين]

احد فيكم راح " أرض السنافر " اللي في الرفاع ؟؟

شنو نوعية العابهم ؟؟

هل هو بمستوى أرض الصغار ؟؟ يعني تصلح لسن أولادنا لفوق السنة و النص ؟؟!!

و إذا ما عليكم أمر أبي الوصف 11