لوحة العقاب والمكافات .. تجربتي الناجحة

[أم سامراء]

السلام عليكم ورحمة الله وبركاته

اللهم صلي على محمدآ وآل محمد وعجل فرجهم والعن عدوهم

اليوم بعرض عليكم طريقة لمعاملة طفلكم المشاغب بس بأسلوب نفسي

اسلوب يخلي هالطفل هو من عمره يبى يتأدب و يسمع لج

شو الطريقة ؟؟

هي عبارة عن لوحة العقاب والمكافأت

طريقة عملها:

اولا : اجلسي مع طفلك وناقشي معه:

- التصرفات الغير مستحبه منه (دونيها )
- التصرفات المستحبة منه (دونيها)
- التصرفات الى تبينه يسويها (دونيها)


مثال:

التصرفات غير المستحبة :
= الصراخ
= رمي الالعاب في الارض وعدم ترتيبها
= السب

التصرفات المستحبة :
= الصلاة
= السلام على الام والاب قبل الذهاب للمدرسة

التصرفات الى تبينه يسويها:
= تنظيف حجرته وترتيب ملابسه
= عدم شرب البيبسي (لأن غير مفيد)
= وغيرة

بعد ماتحددي انتي وطفلج (حاولي تخليه يشارك معاج وشوفي الرمسه الى بتسمعينها)

الحين لازم نجهز اللوحه

ماذا نحتاج:

= لوحة بيضاء
= اقلام ملونة
= نجوم بأحجام والوان مختلفة

طريقة اعدادها :

= ارسمي جدول اكتبي فيه التصرفات جميعا .. واكتبي الايام للشهر كله

= حاولي تزين اللوحة قدر الامكان وخذي راي طفلج خليه يتحمس للموضوع


القوانين:

= يوميا على نهاية اليوم تبدون في اللوحة .
= تحطي له نجوم على الاقسام المستحبة وحاولي تحطي له نجمه اكبر اذا كان ملتزم اكثر
= تحددي له جوائز (مثلا اذا جمعت 10 نجوم بشتري لك دونات او ايس كريم) كل ماكانت النجوم اكثر كل ماكان الجوائز اكثر
= لازم تحددين له عقاب معين لك تصرف يسويه


بنات هالمشروع سويته عن تجربة لعيال اخواني الصغار .. وكانت المنافسة بينهم قوية

لدرجة انهم صار هم هو اللوحة وانهم يسمعون الكلام عسب تكون نتائجهم احسن

جربوها مابا تندمون

[حور عين]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله
الطهر المطهرين

طرح نافع وهادف
أختي المؤمنة والطيبّة أم سامراء

تجربة جديرة بالأهتمام وعسى أن يوّفق
الجميع للعناية بها

مما يجدر ذكره أن المشرفة على التجربة
لابد من أن تكون ملّمة بأتقان بكل مفردات اللوحة
وأن تتحلى بالصبر وطول البال والهدوء
وهي تراقب وبدراية تصرفات الأولاد
في البيت
إذ أن مسألة وضع العلامات قد تبدو غير عادلة
برأي الأطفال
فيما لودخلت المقارنة وأحتدم النقاش بين الأطفال

يٌفضل أن تكون الجوائز عينية أحياناً ك رحلة
لمكان يختاره الأولاد
ومما لاتتضمنه دوماً الحلوى أو الشوكلاته
طرح جميل ....

[^ريحــانـــــــــة^]

يعطيك العااااااااافيه

على الموضوع الرائع

[عبير الزهــــــــراء]

لوحه وتجربه جميله جدا

فكره تتضمن الاشياء الهادفه وهي السلوك الجيد

وترك العادات السلبيه السيئه

يعطيك العافيه خيتي ام سامراء

ودمتي بسعاده