معجزة بدينارين و350فلس

[جنة المشتاق]

كانت البنت صغيرة ما تجاوز عمرها الست سنوات تلعب بلعبتها بالغرفة المشتركة اللي ينامون فيها أمها وأبوها وأخوها الصغير اللي كله نايم وقليل ما يقعد أو يلعب..

هالغرفة اللي بابها يوصل للصالة اللي قاعد فيها الأب يتكلم مع الأم بصوت خفيف ولكنه يوصل لمسمع البنت..البيت اللي يسكنونه حاليا صغير..

عكس بيتهم قبل الكبير اللي كانت البنت تنام فيه بغرفة لحالها ولها ألعابها وخصوصياتها وما كانت تسمع سوالف أمها وأبوها إلا بالصدفة وكان صراخ وبجي أخوها يرن بالبيت ولكن مثل ما يقولون دوام الحال من المحال..

المهم لأول مرة البنت تركز على الكلام اللي تسمعه من أبوها وأمها فكان الأب يقول للأم بصوت فيه حرحشة وبجي فقال لها: والله يا مرة مدري شسوي بعنا كل شي، البيت، السيارة وتسلفت من معارفي وكل واحد رضا يسلفني، ولكن تكاليف العلاج وايد لازم يسوون العملية له ولا ماله أمل يعيش طبيعي..

إذا ربنا ما اخذ أمانته وبحالتنا هذه ما أعتقد له أمل.. فترد عليه الأم وهي تبجي.. ليش صارت حالتنا جذيه يا ربي أنت الوحيد القادر على شفاء ولدي.. الزوج: الله كريم

فتقول الأم: حنا نحتاج لمعجزة عشان يطيب ولدي ويعيش ولكن من وين لنا هالمعجزة..

والبنت تسمع.. وفجأة قامت البنت وراحت لكرتون فيه شوي من أغراضها وطلعت الأغراض من الكرتون وبينهم علبة صغيرة فتحتها وطلعت منها خردة وجم ربع دينار مصفط وعدتهم وإلا هم دينارين و350 فلس فخلتهم بالعلبة وشالتها وفتحت الباب شوي شوي وشافت أبوها يحضن أمها وهم غير منتبهين لها فمشت للباب وطلعت للسكة

وراحت للصيدلية اللي بالعمارة الثانية القريبة منهم ودخلت ولكن الصيدلي ما انتبه لها لأنه كان واقف يرحب بشخص ويسولف معاه قربت البنت يمهم ولكن هم مندمجين فحاولت تناديه لتلفت انتباهه ولكنه مو معبرها إلا لما طقت بالعلبة اللي بيدها على الزجاج فخانقها وقال لها أش تبين ما تشوفيني أتكلم مع صديقي؟


فطلعت الفلوس من العلبة وحطتها جدامه.. وقالت أبي تعطيني معجزة.. فالتفت لها الصيدلي وقال لها ومن قال لج أنا أبيع معجزات يالله روحي.. فخافت، ولكن الثاني حط أيده على جتفها وقال لها بعد ما انحنى لها: يا حلوة أنتي ليش تبين معجزة؟..

فقالت: اخوي عنده مشكلة برأسه وأمي تقول هو محتاج معجزة قول لي بجم تبيعون المعجزة أبيها لأخوي.. فقال لها بنيتي ممكن توديني لمكان اخوج.. وراح الرجل معاها

وطلع الريال طبيب جراح بالمخ وعرض على أهلها يسوي العملية للولد مجانا ونجحت العملية وبعد أشهر كانت البنت الصغيرة تلعب مع أخوها بعد ما الله كتب له الشفاء بالصالة في بيتهم الجديد..

فطالعتها الأم وقالت جم كلفتنا هالمعجزة يا حبيبتي.. فقالت البنت فلوس حصالتي دينارين و350 فلس..

وأنا أزيدهم بإيمان هالطفلة وبراءة الطفولة..اللي اختفت هالأيام لان اطفال هالأيام ثلاث سنوات يعرفون المكياج ويروحون الصالونات مع امهاتهم وو.. ومو باقي الا يزوجونهم.. والله يستر على الجميع؟

منقول من جريدة الدار الكويتية

[رياض الجنة]

السلام عليكم ورحمة الله وبركاته

اللهم صلي على محمد وال محمد

اشكرك اختي الفاطمية على هذه القصة الرااااااائعة والمأثرة

يارب تسهل للجميع مطالبهم امين رب العالمين

تحياتي لك

ولك مني اطيب التحية

رياض الجنة

[زينبية محمدية]

بِسْمِ اللّهِ الرَّحْمـَنِ الرَّحِيمِ
شـكــ وبارك الله فيكِ ـــراً لك ... لكِ مني أجمل تحية .

[معصومة اهل البيت]

مشكوره خيتوة ع الخبريه
تحياتي الولائيه..

[الزاهرة]

شـكــ وبارك الله فيكِ ـــراً لك ... لكِ مني أجمل تحية .

[جنة المشتاق]

أسعدني مروركن أخواتي الفاطيميات

و وفقكن الله

>_*

[النوراء]

وطلع الريال طبيب جراح بالمخ وعرض على أهلها يسوي العملية للولد مجانا ونجحت العملية وبعد أشهر كانت البنت الصغيرة تلعب مع أخوها بعد ما الله كتب له الشفاء بالصالة في بيتهم الجديد..

فطالعتها الأم وقالت جم كلفتنا هالمعجزة يا حبيبتي.. فقالت البنت فلوس حصالتي دينارين و350 فلس..

قصة مؤثرة

تسلمي /

جنة المشتاق ..

على القصة الرائعة ^_^

ننتظر جديدكـِ بشوق

تحياتي /

النورآآء

[جنة المشتاق]

هلا وغلا فيج عزيزتي .. نورت الصفحة بمرورج

>_*

[لؤلؤة الزهراء]

مشكورة ..

يسلمو ..

جزاك الله خير الجزاء خيو ..

[جنة المشتاق]

العفو عزيزتي .. موفقة >_*