كلمات قديمه كنا نقوله اول

[تراتيل الحزن]

قديمك نديمك لو الجديد اغناك

نبدأ

..............






سيارة حمرا......وراها ماطور
عجل عجل يادكتور........(يد)أمك هالطول




دور دور ياعصفور.......فاطمة بنت الرسول
عندها ورق حنا.........تكتب على باب الجنة
والجنة ماأحلاها........ربي إعطيني إياها






أبويه راح المكة.......شرى لي ثوب العكة
حطيته في صندوقي.....وصندوقي ماله مفتاح
والمفتاح عند الحداد.........والحداد يبي افلوس
والفلوس عند العروس......والعروس تبي اعيال
والعيال يبون حليب...........والحليب عند البقر
والبقر يبون حشيش .........والحشيش فوق الجبل
والجل يبي مطر .................والمطر من الله
الله يسلم عبد الله




غزالة غزلوكي.........في الماي دعبلوكي
قاعدة على الشط............قاعدة اتمشط
جاها الرومي ............قال لها قومي
قالت ماقومه..............إلا بحصاني
أشده واركب..........تحت السكركب
سكركب البرية.......سكركب البرية




سيايير خربانة..........جا بوحمود ودانه
عزمنا بوكشة............ولاجا يتعشى




كروز أومليته ........خذته ودعدعيته
في غرفة المملية.........هذا حسن عطية
عطية بطة بطة..........والله يلعن من حطه
ماحطته إلا اسويرة........واسويرة راحت البر
اتجيب عيش الخضر........واتحطه في الصواني
خوالي يادلالي...........يامضيعدي وهلالي
بيت العجوز احترق......صبوا عليه جدر مرق
أمي تناديني.............تبقي تحنيني
في ملة الصيني............صيني على صيني
ياربي تعطيني...........وأزور بيت الله
واشوف حبيب الله





صابونة وردية ......اتغسل ابنية
مب راضي أبوها........إلا بألف ومية
راحت الجمعية........ وعطوها ببسيه




يافاطمة ........ياعائشة
اش تأكلي .......حب الذرة
اش تشربي .......ماء الهنا
عندك عروسة ....حلوة ومروسة



بطة يابطة.......شيلي الشنطة
شنطة خفيفة ......زي الريشة
تلعب كورة......في راس تنورة



شعري طويل ياماما........شعري طويل
بيطلع ليمون ياماما.......بيطلع ليمون
خالي فواز ياماما .........خالي فواز
عطا الفقير ياماما........عطى الفقير



طيارة طارت في السما العالي.......فيها أبلة جميلة البلادي
طلت عليا من ورى السلة......حلوة وجميلة والشعر فلة

.....



سنبوسه ياسنوبسه وين انتي محبوسه
محبوسه في العماره
نطت علي الفاره والفاره هندي هندي والليله تتعشى عندي


......


شبت حريقه بيت خديجه

جاو المطافي الله يكافي




....

اكريز امي مليته خذته ودعدعيته
في حجرة مليه فيها حسن عطيه
عطيه وش حملته حملته براس بطه بطه
الله يلعن من حطه ماحطته ألا قريعه
وقريعه راحت البر تلقط حب الاحمر
الا بجيت خوالي خوالي يادلالي
دق الفرس بالناقه وعبيد بوطرباقه
شرب حليب الناقه ودبيبته منفوخه
ياربي تسلم روحه

.........

واحد اثنين..........عمي حسين
ثلاثة أربعة..........في المزرعة
خمسة سته.........حامل بنته
سبعة ثمانية.........ياكل بامية
تسعة عشرة..........عد للعشرة

[جنة المشتاق]

عــجــيــبــه -ههههههههههههههههههه-

في جم وحده عندنا بالكويت انقولها

هههههههههههههههههههههههه

يعطيج العافية >_*

[تراتيل الحزن]

اجل انتِ مثلنا احنا اهل القطيف
يعافيج ويسلمج
اشكركـ ع تواجدكـ نورتي
اسعدني مروركـ وطلتك
تحياااااااااااااتي

[رحيق مختوم]

المشاركة الأصلية كتبت بواسطة تراتيل الحزن

دور دور ياعصفور.......فاطمة بنت الرسول

عندها ورق حنا.........تكتب على باب الجنة
والجنة ماأحلاها........ربي إعطيني إياها

صابونة وردية ......اتغسل ابنية
مب راضي أبوها........إلا بألف ومية
راحت الجمعية........ وعطوها ببسيه

يافاطمة ........ياعائشة
اش تأكلي .......حب الذرة
اش تشربي .......ماء الهنا
عندك عروسة ....حلوة ومروسة

واحد اثنين..........عمي حسين
ثلاثة أربعة..........في المزرعة
خمسة سته.........حامل بنته
سبعة ثمانية.........ياكل بامية
تسعة عشرة..........عد للعشرة

هذه كنا نقولهم لما كنا صغار

أما الباقي أول مرة أسمع فيهم

مشكورة و الله يعطيكِ العافية

بإنتظار جديدكِ

[~|*|الوردة الهاشميه|*|~]

كح كح كح كح كح
قدييييييييييميييين
يسلموو
بقول وش اتذكر
كان في ارنب
قاعد يلعب
شاف ارنوبه
كلا بسكوته
لالالا لالالا لالالا لالالا
--
طاح المطر على قطر وتلايموا في العشه واكلوا خبيصه وانشا ولا عطاني كمشه
---
انا في الروضه
ويا اصحابي
ساعه اللعب
ساعه كتاب
اعرف اصور
وارسم صوره
فيها شجره
والعصفوره
ماما تسمعني
وبابا فرحان
زي الورده في البستان

[نجمة الصبح]

مرة حلوين رجعتينا لايام اول تسلمين يالغالية

[**( نور رقيه )**]

السلام عليكم ورحمة الله وبركاته

يسلمووووووو حبيبتي والله رجعتينا الايام زمان بس احنا بالعراق عدنا مختلف الكلام
بس اكو تشابه اشويه عاشت الايادي ع الانتقاء المميز
اكولج وحده (( يافاطمه بنت النبي اخذي كتابج انزلي ع قبر محمد وعلي ))
لكِ مني جـــــــل التحيه والاحترام الفاطمي

[شوق العيون]

هااااي اغاني ايااااااااام زمااان
عجيب صج كااان
مشكووره
ويعطيج العافيه

[نور الزهراء]

يعطيك العااااااافيه

[ام الفضل]

الله وناسه اهل لول للحين الأجيال تتناقلها
مشكوره خيه