حصرياً .. حلا الفيمتو

[درة الشيعة]

هلا وغلا
اليوم باقدم لكم حلااا ولا احلى
عجيب ولذيذ وشكله فن وينفع حق العزايم خصوصا حزه العصر
ويا القهوه


يلا نبتدي بالشرح والصور والشسمه


اول شئ المقادير كلها


زبده + بسكويت قهوة الصباح + روبه + 8 فناجين حليب نيدو بودره +
3 فناجين سكر + ظرف كريم كراميل + 1فنيال ماء + 1 فنيال فيمتو





هو الحلا يتكون من 3 طبقات فبعطيكم بالتفصيل
كل طبقه وخطوتها شلون نسوويها


اول طبقه
بسكويت قهوة الصباح + الزبدة





نطحن البسكويت ونضيف عليه الزبده ونلعوزة زين مازين وعقب
نرصه بالبايركس









الحين الطبقة الثانية


8 فناجين حليب بودره + 3 فناجين سكر + روبه





نحطهم في خلاط العصيرر وطررراااااخ قصدي ورورورورورو يعني نشغل
الخلاط لين يتجانس الخليط عندنا عقب نصبه فووق البسكويت في البايركس









الحين ندخله الفرررن من فووق لمده عشر دقايق تقريبا يعني
ع حسب حراره الفرن عندكم
تحاسبون له لين يتجمد الخليط اللي فوق يصير لكم نفس الكيك





الحين نسوي الطبقة الاخيرررة واللذيذه


1 فنجان فيمتو + 1 فنجان ماء + ظرف كريم كراميل





نحطهم في الجدر الصغير الشسمه ع النار الهادئه واحنا نخلط نخلط
لين يصير هلون خلكم مع الصور











عقب نصب الخليط في البايركس ع البسكويت والكريمة





وهاذي الشكل النهائي








عقب ندخله الثلاجه لاطول وقت ممكن
ااناا خليته 12 ساعه تقريبا


وعقب قطعته وحطيته في ذي مادري شسمه
مال الحلاوه حق التقديم









وبالعافيهـ


تقييماتكم .. مروركم .. ردودكم .. ارائكم .. يهموني


تحياتي لكمـ
منقول