دجاج مع الخضار على الطريقه الصينيه

[رحيق مختوم]

بسم الله الرحمن الرحيم
اللهم صل على محمد و آل محمد
السلام عليكم ورحمة الله وبركاته



دجاج مع الخضار على الطريقه الصينيه




المقادير حسب ذوقك ورغبتك وعدد افراد اسرتك

الخضار حسب اللي تحبينه والاغلب هي مثل مو موجود




بالصوره ( فاصوليا _ كوسا _ جزر _ فلفل رومي _ بصل ابيض _ كرنب _بيبي كورن

والافضل يكون طازج بس ما كان متوفر واستخدمت المعلب ما طلع حلو مره _ زنجبيل طازج

_ ثوم _ فلفل اخضر حار للي تحبه سبايسي عاد انا ما حطيته ما يتحملونه اللي عندي

الله يشفيهم )

تكون الخضار مقطعه حسب الرغبه ومجهزه ..




صدور دجاج مقطع مكعبات ومغمسه بنشاء بودره مخلوط معاه فلفل اسود وشوي كمون وملح ونتركها على جنب .

جهزنا كل شئ الحين نبدأ في وصفتنا بسم الله .

نحط زيت في مقلاه وما يكون كثير مره ونخليه يحمى شوي ونحط مكعبات الدجاج




نقلب على نار هادئه حتى تبدأ تتحمر مكعباتنا



نشيل الدجاج ونحطه على جنب وناخذ نفس الصينيه ونحط فيها الثوم بعد ما هرسناه مع الزنجبيل الطازج ونقلب بسرعه وتكون النار وسط وهنا ممكن تضيفي الفلفل الحار اذا تحبينه .



بعد كذا نبدأ نضيف الخضار بالتدريج اولا الفاصوليا



ثم الجزر



ثم الكوسا والبصل



ونحط الصوص وهو عباره عن ( ملعقه كبيره صلصة محار _ ملعقتين صلصة صويا حلوه _ ملعقتين كبار كاتشب _ ملعقه صغيره ملح صيني اجيني موتو _فلفل اسود وكمون _ ملح )


تخلط مع بعض وتصب على خليط الخضار .



نضيف مقدار نص كاس ماء ساخن ونخليه خمس دقائق يغلي بعدين نضيف الدجاج وممكن تزيدين الماء اذا تحبين ..



واخر شئ نضيف الكرنب والبيبي كورن



ونقلب دقيقتين ونطفي النار انا احب الخضار تكون نصف استواء واحبها تكون مقرمشه .



ويقدم مع الارز الابيض وتمتعي بالطعم...





تحيـ رحيق مختوم ـاتي

منقول