مهام مسئول المبيعات

[B@business]

كلمة التسويق بقينا بنسمعها كتير وفي كتير مننا لسه ميعرفش يعني ايه تسويق؟؟!!
طب يعني ايه كلمة التسويق عامة ؟؟ .. التسويق بكل بساطه هو انك تقدر تحدد عميلك محتاج ايه علشان تسوقله المنتج بتاعك اة خدمتك , طب ازاي هقدر ارضي احتياجاته دي .. دا هيبقى عن طريق اني هقدمله او ابيعله منتج او خدمه
ودا ممكن يكون بطرق كتير جدا هنتكلم عن واحده منهم واللي هتكون عن طريق مندوب المبيعات
كلنا اكيد بنسمع الاسم دا كتير طب خلينا نتكلم عنه بالتفصيل اكتر
الاول مين هو مندوب المبيعات؟
هو همزة الوصل بين العميل والشركة لان العميل بيثق ف المندوب اللي بيتعامل معاه أكتر من المدير أو المشرف.
.
طب هل ليه اسامي تانيه ؟
اه ممكن نسمع ليه مسميات تانيه
الاسماء البديله ليه
مسؤل شؤون العملاء, مندوب مبيعات, رحال تجاري, تاجربائع

التبعيه؟
ايه الكلام الكبير دا بص التبعيه دي يعني انتمائه بيكون لمين وتبعيته بتكون
لادارة التسويق والمبيعات

ايه هى وظيفته بظبط برضو؟
- اول حاجه بيعرض المنتجات الجديدة ويشرحها للعميل .
- بيعقد إتفاقيات البيع ويبعتها إلى القسم المسؤول .
- بينظيم تسليم البضايع ومواعيد التسليم .
- بيستلم الشكاوي وبيحاول يوصل لحل ليها .
- بيتابع حركة المنتج في السوق على كل كبيرة وصغيرة .
- بيجمع المعلومات المهمه لوضع الاستراتيجية التسويقية .

ايه السمات اللي لازم تكون متوفرة فيه؟
- ملتزم فى مواعيده .
- التركيز والمنطقيه في التفكير .
- يكون لبق فى كلامه وبشوش الوجه .
- يقدر يواجه المواقف المحرجة بحكمه .

المهارات ؟
- حفظ واستدعاء الوثائق .
- مهارات الاتصال الفعال وتوصيل المعلومه للمتخصصين وغير المتخصصين .
- مهارات التفاوض والقدرة على الاقناع .

طيب ازاي بقى تكون مندوب مبيعات ناجح؟
- اول حاجه لازم تتمتع بالمرح والحس الاجتماعي .
- متمهتمش بسخرية الاخرين ورفضهم ليك وحولها دايما ميزه لصالحك .
- اسعى دايما انك يكون ليك شبكة علاقات قوية وكويسه من العملا .
- اسعى انك تكسب ثقة العميل .
- عزز نفسك بثقتك وقوي من قدراتك.

لمتابعة موقعنا الاليكترونى يرجى زيارة
http://www.btime-s.com/