[بقلمي] بمناسبة قرب شهر رمضااااااان نبي تجهيزاتكم ...اتفضلي بالدخووول

[أم حسين]

مشكووورة " أحلى ولاء " على الموضوع ..

و الله يعطيج العافية على وضع قائمة المشتريات ..

و إن شاء الله تستفيد منها الأخوات ..

بس حبيت أنوه لشي ..

في الكثير من الأخوات اللي يغالون في شراء أغراض الشهر الكريم ..

و ينتهي الشهر و كثير من الأغراض ما استخدموها و تكون نهايتها ـ تكرمون ـ الزبالة !!!

بالنسبة لي تعلمت درس من السنوات اللي راحت كنت اشتري جميع أنواع الطحينات و بما إني أطبح لوحدي يعني أطبخ لي و لزوجي بس ..

فمعظم الطحينات ما استخدم منها إلا القليل و بالنهاية تسوس و تنزمي و أنا ما استخدمتها فحرام !!

فالسنة قررت إني ما أخذ إلا سميد لأني من محبي البسبوسة و الخنفروش و طحين عادي للقيمات و المعجنات ..

اما الكباب و الهريس أمي و عمتي ما يقصرون كل مرة وحدة تطرش لينا ..

و أكثر شي كثرت من اغراض الحلويات ( قيمر ، دريم ويب ، بسكوت قهوة الصباح ، جبن كيري ، حليب مركز ،... ) ..

لأني راح استخدمهم كثير خصوصاً أوقات التجمعات مع أهل زوجي أو أهلي ..

فخلاصة الكلام إنّا نحاسب في الشراء فنأخذ على قدر الكمية اللي راح نستخدمها خلال الشهر الكريم ..

و بلغنا الله و إياكم جميعاً لصيام الشهر الفضيل و قيامه ..