(( طريقة رز سهله ))

[ǎňḟāŝ ♥♥ Ăℓḟẳĵř]

السلام عليكم ورحمة الله وبركاته
اول مره اعرض حاااجه من طبخي
وان شاء الله الجايات اكثثررر يارب
بنآآت جبت لكم طريقة رز سهله وان شاء الله تعجبكم يااارب..

اول حاااجه..

خذوا رز اي شي عندكم المهم تجيبين اثنين كاس او حسب الاشخاص الكميه تكفي ثلاث اشخاص تغسلينه جيدا ثم تضعين فيه مويه تكون فوق الرز باصبعين وتحطينه على النارعلى طول بدون ماتنقعينه وحطي فوقه ست حبات هيل عدل وست حبات مسمار عدل وثنعش حبه فلفل اسود عدل وثلاث ملاعق كبار زيت وملح حسب الرغبه وملعقه صغيره ماجي ابيض او نص حبه ماجي اصفر وممكن حبه صغيره قرفه عدل وسكري عليه الغطى وخلي النار قويه لحد مايبدى ينشف الماء بعدين قصري له مره وشيلي البهارات العدله تكون في الوسط مجتمعه وحطي عليه الكشنه وهي بصله مقطوعه بالنص ثم مقصصه شرايح تحمسيها بشوي زيت وبعد ماتتحمرحطي عليها ذره كركم وذرة بهارات وملعقتين زبيب عادي وحركيه شوي وحطيه فوق الرز وغطيه خمس دقايق وحطيه في صحن وحطي جنبه سلطه وياليت تسوون معه دجاج محمر بالفرن انا طبعا ماسويت لانو بسرعه بسرعه للسحور وماصار لي وقت اسوي دجاج خخخخخخخ
وعليكم بألف عاافيه حبيبات قلبي ..

وبكذا الشكل رآآآح يكون بأذن الله..