كريم كراميل بالفرن بالصور 2013

[تفاحة الجنان]

| الطريقه والمقادير مع بعض | :

نخلط بالمضرب اليدوي :
[ 3 بيضات | فنجانين سكر ( =7 ملاعق كبيره تقريبا ) | شوي فانيلا ]


بعدين نضيف عليهم ,
- كاس ونص حليب بودرة .. - مثل النيدو وغيره -
- كاس ونص ماي ..
بحيث تكون كمية الحليب مساوية للمويه .

ونخلطهم ,
لين تصير الخلطه سائله مايله للثقل شوي مو ثقيله مره ,

الحين عشان نسوي الكراميل ..
نجيب فنجانين سكر - ممكن اكثر لو حبيتي - .ونحطهم ع نار هاديه لما تذوب وتصير سايله ,
بس مانخليه يصير بني مره عاد .


- كل ماصار أغمق كل ما صار مر -


الحين نصب الكراميل بصينية الفرن ونحرك الصينية لما تتغطا من تحت كلها وعلى الجوانب .
ونحطها في صينية أكبر منها فيها ماي مغلي عشان بنسوي حمام مائي


الحين نصب على الصينية اللي فيها الكراميل خليط الكريمه اللي سويناها شوي شوي .

ونخليها بالفرن ساعه الا ربع على درجة حرارة 350

المفروض بعد نص ساعه تدخلين السكين وتشوفين .
لأن ممكن تستوي معك قبل الساعه الا ربع - حسب الفرن -

عاد لما تستوي
نطلعها من الفرن ونخليها تبرد شوي , وندخلها الثلاجه اقل شي 4 ساعات والأفضل انها تطول أكثر .

ونقلبها ونقدمها .

[محبة النوراء]

تسلمين خيتووو

[تفاؤل و أمل]

رووووووووووووعة جربت الى ام اسيل

وان شاءلله بنزلها لكم قريب

[نور الولاية علي]

اللهـم صـل على مـحـمـد وال مـحـمـد

الـسـلام على الـزهــراء الـبـتـول الـطـاهـره وعلى أبـيـهـا وبـعـلهـاوبـنـيـهـاوالـسـرالـمُـستودع فـيهـا

الـسـلام علـيكـم ورحـمة الله وبـركـاتـة

يعطيك العافيه

كيكه رائعه

يسلموااا