الزواج؟؟؟؟؟؟؟؟

[أم محمـد]

السلام عليكم

أختي العزيزة وان كنت الى هسة ما فهمت الفرق بين الزواج التقليدي والشخصي؟؟
بس راح اجاوبج على النقاط اللي ذكرتيها
بالنسبة أل ماكو أفضل من الزواج التقليدي !!
لان شنو الفائدة أفكر بفلان من الاقارب او فلان من الشخصيات اللي اعرفهم وجائز جدا ووراد ما يكون من نصيبي
وبعدين مو كل شخص تكون شخصيته الظاهرة للناس هي الواقعية ممكن تنصدمين بشخصيته الحقيقية
مو شرط الدين والاخلاق ممكن يكون شكاك ممكن يكون بخيل هواي صفات مراح تعرفيها من الظاهر الا بالمعاشرة
ممكن دكوليلي وشنو الفرق اذا اني اختار او زواج تقليدي نفس الاحتمالية موجودة ؟؟ طبعا بس الفرق من أخلي
شخص ابالي واتمنى يكون من نصيبي راح اغمض عيوني عن كل سلبياته
غير راح ابدي افكر بيه ويجوز التفكير يجر لمواضع بيها حرام واشكال شرعي
بعدين بالعكس الكلام الحلو ورا الزواج يزيد
لان راح يصير اكبر من الحب بين المخطوبين راح يصير مودة ورحمة وألفة وأطفال وعشرة
والزواج التقليدي مو أجباري ,, كون بعض العوائل تجبر بناتها فهذا غلط من هاي العوائل مو
غلط فكرة الزواج التقليدي
هواي ناس اتزوجوا زواج تقليدي ومن اسعد الناس وحياتهم ناجحة برضا الله وطاعته

فيا عزيزتي لا تخلين التفكير الغربي والافكار الغربية تدخل وتغير تفكيرج
ودائما توجهي لرب العباد يسخرلج الزوج الصالح الغني بدينه واخلاقه
اللي يعينج على شبهات الدنيا وشهواتها ويساعدج وحتى توصلين للاخرة بسلام

موفقة عزيزتي واعتذر أن طولت كلامي عليج أو ضايقج كلامي
نسألكم الدعاء