الــقــشــد "من الأطباق الشتوية السعودية " ... بالصور

[محبة النوراء]

الــقــشــد "من الأطباق الشتوية السعودية " ... بالصور

المقادير:

¾ أصبع زبدة إلى أصبع

كاس ونص طحين بر

كاس أو أقل (حسب الرغبة) تمر كنيز بدون القمع والنوى ..

يعني شيلي النواة والقمع منه

أنا أحط تمر خلاص

نقطة مهمة: لا تحطين تمر معبوط أو اللي يسمونه معجون التمر

½ علبة زبادي

فيه ناس يحطون لبن .. لكن عندي الزبادي ألذ

الطريقة:


نذوب الزبدة

ثم نضيف الدقيق ونحرك بالملعقة الخشب باستمرار

الين تطلع ريحة الدقيق .. موب ريحة حرق .. بس ريحة تحميص


بعدين نضيف التمر


ونحركه بسرعه ونخلطه مع بعض .. والتحريك يكون كأنك (تدقين)

يعني شفتي لما تدقين شيء في النجر (الهاون = الجرن)

كذا تسوين تدقين التمر عشان يتجانس وبعدين تقلبينه شوي وبعدين تدقين وتقلبينه

إلين تحسين ان التمر تجانس مع الدقيق ..

والأفضل تكون بعض قطع التمر باينة يعني مايصير معجون تماماً

(هنا مابانت قطع التمر .. التصوير كان بالجوال إضافة إلى أن التمر اللي عندي كان لين فتجانس أغلبه مع الدقيق)


بعدين أضيفي الزبادي وقلبيه بسررررعة قلبتين بس ..

وارفعيه من على النار .. وقلبيه شوي

وبعدين حطيه في الحافظة



يقدم مع القهوة

أو الحليب السااااااخن المخلوط بالسكر و الزنجبيل والهيل والفلفل





تحياتي: محبة النوراء

[ام كوثر العيسى]

يعطيج الف عافيه اختي تسلم ايدك

[تفاحة الجنان]

اللهم صل على محمد وآل محمد
ما شاء الله روعه
تسلم ايدك
وربي يعطيك العافيه

[براءةْ فآطمةُ الزهرآءْ]

عافيك الله تسلمين رووووعة وشهيه

[منار الزهراء]

روووعة هذه الحلا اني كلش احبهة بس تدرين احنة بالعراق شنسميهة حلاوة تمر بالطحين
ودائمآ نسويهة ثواب لامواتنا
ونوزعة على ارواحهم وهذه عادة عندنا بالعراق تكول الناس اثوب
لكن كلش طيبة
يلاا اتحفينا بعد بالحلا الخليجي
عاشت ايدك ياعمري

[محبة النوراء]

اللهم صل على محمد وال محمد

تـوآجدكم الرائــع ونــظره منكم لموآضيعي هو الأبداع بــنفسه ..

يــســعدني ويــشرفني مرووركم الحاار وردكم وكلمااتكم
الأرووع
لاعــدمت الطلــّـه الـعطرهـ

تحياتي : محبة النوراء