تهنئة بقدوم ميلاد الامام علي عليه السلام يعسوب الدين

[المرتجيه]

اللهم صل على محمد وال محمد

الكعبة اشرف محل وتشرفت من وصُل
للدنيا حامي الحمة وبحبه كصًّت وصِل
متعوف حب الوصي لو كطعوهة وصل

مو حبة حتى الحجر من شاف سيفة أحد
عالشرك وبحملته تشهدله عملة أحد
يوم التحزم علي بالقل هو الله أحد

كرار لا مايفر المرتضى شيمَّتّة
الكعبة زادة شرف وبلهة أهي شمتّة
مو حقة من ينحسد وتمد لسن شمّاتة

من حيث طينة علي خلطة ملاك او بشَر
تلكاه وجه يشع خير وسلام او بِشر
وعدوانة من شافتّة طاحت ابشدة او بشر

يا صاح طبعا نحب مو احنه دم والحمة
وهنياله من شايعّة وبحيدر اسمه الحمة
ومأجور كلمن حضر ميلاد حامي الحمة
ويالسامع اعلى النبي والآله سلم وصل.

كاظم الوائلي
متباركين مولد ذو الفقار حيدرا الكرار امير المؤمنين ثبتنا الله على ولايته ولا حرمنا شفاعته

يا علي يا علي يا علي