تجهيزات سفركِ مع أطفالكِ .. هنا ..و بالصور

[أم حسين]

و قبل لا نجهز شنطة الطفل للسفر تأكدي من صلاحية جوازات السفر و التأشيرات .. و خليهم جاهزين ليوم السفر ..

و الحين نجي إلى تجهيز أغراض الطفل للسفر .. جهزي شنطة صغيرة و راعي إنها تكون واسعة بحيث تحمل أغراض طفلك و في نفس الوقت سهلة الحمل ..

و هذي راح تكون معاك داخل الطائرة <<< راح اتكلم هني عن السفر مع الأطفال في الطائرة لأنه في رايي أكثر و أفضل خصوصاً إذا كانوا في السنوات الأولى من عمرهم .. و إذا كان سفرك براً بالسيارة أو الباص ممكن تكثري من العدد أو تضيفي أغراض ثانية ضرورية ..

نجي لمحتويات هذي الشنطة :

ـ حفاظات .. خذي كمية كافية لساعات السفر و زيادة تحسباً لظروف قد تطوول عليك ساعات السفر ..

ـ الحليب الخاص بطفلك ..

ـ ترمس ماء ساخن للحليب.

ـ 3 مراضع على الأقل .. أريح لك من الغسيل كل شوي.. أو كاس للشرب إذا كان طفلك فوق السنة..

ـ ماء صحة ..

ـ لبستين داخلية..

ـ بجامتين للنوم..

ـ بدلة خارجية ..

ـ لحاف دافئ و خفيف..

خليج معاي لا تسكرين الشنطة في بعد أغراض ,,,,

[أم حسين]

ـ مناديل تغيير ..

ـ أكياس معطرة للتخلص من الحفاظ ..

ـ كريم لمنطقة الحفاظ..

ـ فوطة صغيرة ..

ـ مشط ..

ـ وجبة خفيفة مثل الأكل الجاهز أو زيادي أو بسكوت

أو حتى موزة

يعني أي شي تقدري تأكليه طفلك بحيث ما يوسخ روحه و يوسخك..

ـ لعبة مسلية لطفلك..

أو قصة أو دفتر تلوين ..

يعني اي شي يتسلى به طفلك على حسب عمره .. عشان لا يتملل و يمللج..

ـ بعض الأدوية الضرورية مثل خافض الحرارة ، دواء الترجيع و الاسهال ، قطرات الأذن..

ـ ترمومتر لقياس درجة الحرارة ..

يلا الحين سكري الشنطة .. و روحي جيبي الشنطة الكبيرة اللي راح نخلي فيها كل احتياجات الطفل في البلد اللي راح تسافرين له.. بسرعة لا تتأخري:d10:

[أم حسين]

يلا افتحي الشنطة و جهزي الأغراض .. راح نذكر الأغراض بدون تحديد الكمية .. يعني انتي حددّي الكمية على حسب المدة اللي راح تقضينها في البلد المسافرة له..

ـ أول شي الحفاضات و الحليب الخاص بطفلك .. و خذي كمية كافية و زيادة لمدة السفرة لأن يمكن ما تتوافر في البلاد المسافر لها بنفس الجودة أو السعر ..

ـ فرش تنظيف المراضع ..و مراضع طبعاً..

ـ ملابس داخلية / بجايم نوم / بدلات للطلعات .. مثل ما ذكرنا .. و حددّي نوعيتهم على حسب جو البلد المسافر له..

ـ جاكيت .. و هذا مهم جداً خصوصاً إذا كان البلد اللي بتسافري له جوه بارد..

ـ أواني و ملاعق بلاستيكية للأكل ..

ـ جوارب و أحذية ... و في رايي يكفي حذائين و راعي انهم يكونوا مريحين في المشي ..

ـ قبعات أو كبس .. على حسب جو البلد المسافر له..

ـ صدريات ..

ـ أدوات النظافة .. الشامبو / صابونة / مقص أظافر / .... الخ..

ـ فوط صغيرة و فوطتين للإستحمام ..

ـ مفرش صغير و خفيف ..

ـ عربة .. راعي إنها تكون خفيفة و سهلة الطّي .. و هي ضرورية في السفر لأنها راح تريحك من حمل طفلك خصوصاً وقت التسوق :d10: و الرحلات الداخلية ..

بس خلاص سكري الشنطة انتهينا .. و اتمنى إنا وفقنا لتجهيز طفلك للسفر ...

تمنياتنا لكِ برحلة سعيدة ..

و لا تنسينا من الدعوات ..

ملاحظة : الموضوع من تنسيقي و جهدي الشخصي بعد الإطلاع على بعض المواضيع في النت المتعلقة بالموضوع ..