يا بخت من نام وهو مظلوم ولا نام // ظالم

[درة الشيعة]

شو شعورك وانت محول حياة الناس إلى جحيم ...!!!

شو شعورك ،، وانت تصرخ بهم وتعيشهم في حالة من الرعب

لسبب تافه ،، وسبب ما بينقص من رجولتك لو استمريت عليه ؟

شو شعورك .. ودمعة أمك تنزل بكل حسره على قطعه من قلبها ...

/

\

/

\

ليش ///////

ليش تظن بأن اللي حولك يكرهونك ...؟؟

ليش تحس بأن اللي حولك ما يهتمون بك ,,,؟؟

ليش تكسر بخاطر أمك وابوك اللي يتريون اللحظة اللي بتكبر فيها وبترفع راسهم ...؟؟

التفت وشوف ///

العيشة اللي عايشها ///

يعني معقول إذا ما كنّا تحبك نقعد نجاملك ...؟؟

معقول ... إذا كنا نعتبرك غريب بنضحك ولا نمزح معاك ...؟

التفت وشوف /////

تصرفات أمك وابوك ///

إذا ما كانوا يعتبرونك قطعه منهم ... ليش يستانسون ع شوفتك ...؟؟

إذا تحس إنهم يفرقون بينك وبين اخوانك ,,,

عيل شو معناته إنهم يشترولك شراتهم .. ويمكن أكثر منهم ..

التفت وشوف ////

اخوانك وخواتك ///

إذا مايحبونك ... ليش يشاورونك في أمورهم ويطلبون رأيك ..

تتوقع إنهم إذا مايحبونك بيسولفون وياك أو يسمعون لك من الأساس ..؟؟

التفت وشوف /////

كل هذا ومحد يحبّك ؟؟
/

\

ليش تجبر الناس تعاملك على غير حاسيتها ..؟؟؟

ليش تجبرنا نختار الكلمات المناسبة عسب ندخل في نقاش معاك ...

ولانكون على طبيعتنا وسجيتنا ..

ليش ماتتمالك أعصابك معانا مثل مانحن نتمالكها معاك ...

/

\

/

\

تصدق //

أتمنى أكون بمكانك ،،

أظلم وأعصّب واكسّر وفي النهايه القى اللي يباني ويحبني

لكني ما اتمنى أكون بمكانك ...

اكون ظالمة ..

سمعت باللي يقولون : " يا بخت من نام وهو مظلوم ولا كان ظالم "

أتمنى أنام وأنا مظلومه ولا أنام وانا ظالمه

أمي وابوي

اخواني واخواتي

اهلي وقرايبي

ودموعهم تنزل على شاني

بسألك ،، واتمنى إنك تجاوب بكل صراااحهـ ////

هالمشاكل اللي تفتعلها ،، تفتعلها لأنك متأزم في الواقع ..

ولا عشان تثبت وجودك ....

وتقول أنا هنا ...؟؟

/

\

وفي الحقيقة أنت هنا ......

بدون مشاكل وتنغيص لعيشة الآخرين ...!!

\

/

\

يمكن ما يعجبك موضوعي ،،

أو تحسها ثقيله شوي ؛

لكن فكّر و

" عامِل الناس كما تحب أن يعاملوك "

انتظر آرائكم ،،
ومداخلاتكم