لا تخاف باچر بتاكل عشاها وعشاك

[جنة المشتاق]

كم كيلو يزداد المتزوجون في الوزن خلال السنوات الأولى من الزواج.. اليوم (المستحية) مها وزوجها أحمد.. من الواقع..
أول اسبوع من الزواج:
- يا عمتي بنتچ مها ما تاكل صار لنا اسبوع من ملچنا وكل يوم انروح السوق عشان انأثث حق شقتنا، ولما اسألها ما يعتي؟ تقول لأ.. وإذا وديتها المطعم غصباً عنها.. ماتشرب غير الماي
- ياوليدي يا أحمد تدري عروس وتستحي
- مايصير عمتي چذيه، شوفيها اش ضعفها مثل العود.. لا تنكسر علي
- شسوي يا وليدي أنا قاعده انصحها.. بس الظاهر وايد تستحي منك وان شاء الله بعد فترة تتعود عليك.. وبعدين بتاكل عشاها وعشاك هههه
- جان زين ياخالتي.. بس اهي خل تاكل.. أنا ارتاح.
بعد أسبوعين:
- حبيبتي مها هذا المطعم يبيع خوش سندويشات.. شنو تبين أطلب لچ؟.. تكفين قولي يوعانه.. اشتري لچ المطعم باللي فيه.
- صدقني أحمد قاعده اقول لك من مساع مو يوعانه.. اطلب لك انت عليك بالعافيه.
- لا عاد لي متى چذيه.. صارت الساعه عشر.. متى بنتعشى؟
- ميخالف بعد عمري أنا ماچذب عليك لو يوعانه بقول.
- تكفين عشان خاطري.. إذا تحبيني طلبي أي شي.. بس المهم تاكلين.
- مممم بس عشان خاطرك.. اطلب لي صمونه وحده.
- وحده بس؟!.. امري لله.. انزين شنو تبين فيها.
- صمونه خاليه بدون شي.. هذا بس عشان خاطرك.
- آه.. يارب تفتح شهيتها للأكل.. مليت وانا آكل وهي اتطالعني.. تقبل دعوتي ارجوك يارب.
بعد شهرين:
- مها.. تذكرين هالمطعم شرينا منه خوش سندويشات من فتره.
- أي أذكر.
- انزين شنو تبين اطلب لچ حياتي؟
- مممم.. سندويشتين فلافل !
- وشنو تبين تشربين معاهم.. بيبسي والا سڤن؟
- لا مابي شي.. أخاف يطلع لي كرش!!
بعد سنوات:
- أحمد.. أحمد وقف عند هالمطعم.
- ليش اشتبين بعد؟
- يوعانه أبي أطلب سندويش.
- توج.. لافه الأخضر واليابس وقت الغدا.. وماصار لنا ساعه من طلعنا.
- اعوذ بالله من الحسد.. انت مستكثر علي هالفلسين اللي بتدفعهم للصمونه؟
- مو انتي اللي كل يوم تقولين بسوي ريچيم.. تحملي يامعوده اشوي.
- اوووه.. انت مالك شغل متى ابدي بالريچيم.. خلصني أوقف عند المطعم تراني حدي يوعانه.
- خلاص وقفت.. خل افتك من حنتج لا تاكليني بعد آنا.. شنو تبين تطلبين؟
- سندويشتين وحده كباب ووحده شيش طاووق، وواحد شبس وواحد حلقات بصل، وواحد سفن وواحد ميرندا.. وانت ماتبي شي؟!
- آنا.. أذكر كلام امچ الله يرحمها يوم قالت لي.. لا تخاف باچر بتاكل عشاها وعشاك.. وهذا اللي آنا أشوفه اليوم.
- چذيه يعني؟!.. مو انت اللي دعيت لي تنفتح شهيتي للأكل
- مو هذا الدعاء اللي كل يوم استغفر عليه ربي !!
شي ماشفتوه:
- أحمد شوف صورنا يوم زواجنا.. اتصدق بين فتره وفتره أحب أطالعهم.
- ايه زمان راح.
- عاد ليش تنهت چذيه.
- تذكرت ذيك الأيام الحلوه.. لا يهال ولا بامبرز ولا مدارس ولا معاملات ولا عمات عين.
- هذي الحياة.. ولازم نحمد ربنا عالعافيه..اتصدق عاد.. أنا للحين محتفظه افبدلة عرسي؟
- هاا؟.. تكفييين لبسيها بشوفها عليچ.
- اممم.. عندي خوش دراعة توني شاريتها.. اشرايك ألبسها لك؟! (من المتن الخاتم مايدش كاااااااااااااااااااااك)

[النوراء]

- آنا.. أذكر كلام امچ الله يرحمها يوم قالت لي.. لا تخاف باچر بتاكل عشاها وعشاك.. وهذا اللي آنا أشوفه اليوم.
- چذيه يعني؟!.. مو انت اللي دعيت لي تنفتح شهيتي للأكل
- مو هذا الدعاء اللي كل يوم استغفر عليه ربي !!

ههههههههه

الحين يعظ أصابيعه ندم خخخ

(من المتن الخاتم مايدش كاااااااااااااااااااااك)

مسكينة

تسلمي اختي :

جنة المشتاق

على الموضوووع ^_*

تحياتي:

النورآآْء

[أنفاس البتول]

هههههههههههههه
يسلموا جنة المشتاق مرة عجبتي

[جنة المشتاق]

نورتي الصفحة (نوراء) أسعدني مرورج عزيزتي ^_^

شكراً لج أخت (أنفاس البتول) أهم شي انها عجبتج

موفقات >_*

[لؤلؤة الزهراء]

هههههه ..

جزاك الله خير الجزاء ..

ربي يعطيك الف عافية ..

بارك الله فيك خيو ..

[جنة المشتاق]

الله يعافيج عزيزتي لؤلؤة الزهراء شكراً عالمرور >_*

[جنة المشتاق]

هههههههههههههههههههههههههههه
هههههههههههههههههههههههههههه
يعطيج ألف عاااااااااااااااااااافية حورعين ومشكوره عالمرور والتكمله الروعة .. هههههههههههههههه