** الدجاج المشوي بصوص الليمون و الزنجبيل **

[تفاحة الجنان]

= مقادير خلطة الروب ~




* علبتين روب ..

* ربع كوب زيت دوار الشمس ..



* م ص من كل : { زنجبيل بودره + فلفل أسود + بابريكا + بهارات دجاج
.+ بهارات برياني + كاري + بصل بودره + كركم + قرفه }

* 4 م ك ملح [ مآ أحب الملح عشان كيذا قللته ]




* 4 - 5 حبات ثوم مهروسه ..



= الطريقه ~



تنخلط البهارات بالزيت ..



يضاف الروب ..




بعد ما ننضف الدجاج نغرقه بالخلطه ..
فيه حركه دوم أسويها لمآ أنقع دجاج .. أدخل الدجاجه بكيس طعام كبير
وأضيف له الخلطه . . وأحطه بصحن عميق و آدخله الثلاجه
هالطريقه تسهل علي قلب الدجاج بين فتره وفتره
حتى يتنقع من كل الجهات .. ~


* الدجاج يتنقع ليله كآمله فالثلاجه .. ~


= المقادير الباقيه ~

* حبة بصل مقطعه أرباع ..

* حبة ليمو مقطعه أرباع

* 4 أكواب مرق ..

* نص قالب زبده [ 50 g ]

* 3 م ك طحين أبيض

* نص م ص زنجبيل بودره + رشة فلفل أسود

* عصير نص ليمونه ..

* للرز { زركش ,, بهارات صحيحه قرفه هيل ينسون جوزة الطيب
., أوراق كآري .. زبده .. شبث .. زعفرآن بودره }




بعد ما نقع الدجاج ليله كامله .. نحشيها بالبصل والليمون ..




أذا ما عندج مرق دجاج فوري الماي بحبتين ماجي !!
أحنا عادتا لما نسلق الدجاج نحتفظ بالمرق ونثلجه بالفريزر ,,
لما نحتآجه نطلعه و نستخدمه .. بس ممكن تستبدلينه بالماجي
لكن لآزم مقدار الملح يقّل كون الماجي مآلح جدا . . ~


سخني الفرن على 220 .. فرني كهربه ..
وجيبي صينيه للفرن و حطي عليها شبك ..

زيدي تحت الشبك مقدار المرق ,. المرق بيساعد الدجاحه
على النضج بالبخار .. وبنفس الوقت الخلطه اللي بتطيح على الصينيه ما راح تحترق ..



حتى ما يرطب قاع الدجاجه من البخار سوي لها مربع من القصدير
وحطيه تحتها .. ~

تدخل الفرن لين تستوي !!




بنص المده أقلبي الدجاجه على وجهها الثاني ,,


بعد ما تستوي الدجاجه .. لفيها على جنب بقصدير
وخليها لين نخلص من الصوص ,,



بيتجمع مرق تحت الدجاجه .. اللي تسوينه هو أنج تحطينها بصحن عميق



وتشيلين الزيت من الوجه و ترجعينه للصينيه



ونحط الصينيه على الفرن من فوق .. ونسخنه لين الزيت يحترق والسوائل تقل



لما يحترق الزيت نضيف الطحين



و نقلبه لين يتغير لونه




بعدها نرجع المرق اللي شلناه عالجمب ونحركه لين يثقل ..
نضيف البهارات و عصير الليمون .. ونخليه لين يفور شوي و بعدها نصفيه و الصوص يكون جاهز .. ~




بقى لنآ طريقة الرز .. سهله ! سريعه ! ولذيذه
تآبعوآ معاي .. ~


في مقلى عميقه يتسخن السمنأو الزبده .. تقريبا 3 م ك ..

نضيف البهارات الصحيحه .. ونقلبها لين تطلع ريحتها ,,
تكونين مجهزه رز أبيض مسلوق و تقلبينه مع البهارات الصحيحه ,,

هالرز بنقسمه 3 أقسآم ..
أنا بما أني سويت 3 طبقات فالطبقه الأولى كآنت رز أبيض .. ساده



الطبقه الثانيه رز بالزعفران ,, رشيت عليه زعفران بودره بس ..



الطبقه الأخيره رز بالشبث.. قلبته مع السمن و شبث ,,

والزركش سخنته في م ك زيت ..

وهذي هي طبختنا بعد التقديم يا حلوين ~















وصحتين وهنا

[ام ملاك الحلوه]

عاشت ايدك الفكره كلش حلوه واحلى شي الرز من خليتي ثلاث طبقات سلمتي

[محبة النوراء]

يسلموووووووووووووو اختي

[ورود الرحمن]

اعزمينه على طبخه من طبخاتك يسلمو الايادي

[عبير الزهــــــــراء]

اللهم صل على محمد وعلى آله وصحبه أجمعين

سلمت اناملك
لاعدمناجمال ابداعك