امثال بحرينية قديمة

[نوماس]

أمثال بحرينية قديمة
1-أبو طبيع مايجوز عن طبعه.
2-اذا بغيت صاحبك دوم حاسبه كل يوم.
3- إذا حبتك عيني ما ضامك الدهر.

4- إذا حجت البقر على قرونها.

5- إذا حضر الماء بطل التيمم.

6- إذا صار رفيجك حلو لا تاكله كله.

7- إذا طاح الجمل كثرت سكاكينه.

8- إذا طبع دوس على تريجه.

9- إذا فات الفوت ما ينفع الصوت.

10- إسأل مجرب ولا تسأل طبيب.

11- إش حادك يا المسمار ؟ قال المطرقه.

12- إصرف ما في الجيب يأتيك ما في الغيب.

13- أضبط من ساعة الملا.

14- اقبض من دبش.
15- أقضب مجنونك لا يجيك أجن منه.

16- إكل ما تشتهي وإلبس ما يعجب الناس.

17 إما طلعه ولا طبعه.
18- إن طاعك الزمن وإلا طيعه.

19- إنطر يا حمار لما يجيك الربيع.

20- إنفخ يا شريم قال ماكو برطم.

21 -الباب اللي يجيك منه الريح سده وإستريح.

22- بات مظلوم ولا تبات ظالم.

23 -بغاها طرب صارت نشب.
24 -بغى يكحلها عماها.

25 -بغيناه عون صار فرعون.

26-تجيك التهايم وإنت نايم.

27- ثوب أطول منك يعتك.

28 -جارك ثم دارك.

29 -حاميها حراميها.
30 -حشر مع الناس عيد.

31- حط راسك بين رجليك وإشهد على والديك.

32- حط فلوسك بالشمس وإقعد بالذلال (إجلس بالظل).

33 -خبز خبزتيه يا الرفله إكليه.

34 -خربان من البيضه.

35- دابة الله بأرض الله.
36- الذيب ما يهرول عبث.

37- راعي النصيفة سالم.

38 -رزق القطاوه على الخاملات.

39- زرع الميانين (المجانين) يطلعه رب العالمين.

40 -شبعونا طراقات وشبعناهم شتايم.

41شمامها لمامها.

42 طارت الطيور بأرزاقها.

43طقاق روحه ما يصيح .

44 الطقعه بسوق الصفافير ضايعه.

45 الطقعه بسوق الصفافير ضايعه.

46 الطول طول نخله والعقل عقل صخله.

47عتيج الصوف ولا جديد البريسم.

48 عقب ما طقعت صكَت فخوذها.

49 عمره ما تبخر ، تبخر وإحترق.

50عومه مأكوله ومذمومه.

51 غصيت فيك يا ماي ، شدفعك في.

52 فال الله ولا فالك.

53الفرخ يجوجي في البيضه.

54 قال عندك تاكل ؟ قال لأ . قال عندك تغرم ؟ قال إي .




55 قراقيع صيف.

56 قطو وطقيته بمصير.

57 كثر الدق يفك اللحام.

58 كلٍ بقلبه شيقاليله (شقاء له).

59 كوم حجار ولا هالجار.

60 لي بغيب الخبر يشيع عطه (أعطه) أم بزيع.

61 لو جريت جري الوحوش غير رزقك ما تحوش.

62 لي طار طيرك قول سبيل.

63 لي فات الفوت ما ينفع الصوت.

64اللي في الجدر يطلعه الملاس.

65 اللي ما يرضى بجزَه ، يرضى بجزَه وخروف.

66 اللي ما يستحي منك لا تستحي منه.
67 اللي ما يطول العنقود يقول حامض.

68 اللي ما يطيع يضيع.
68اللي ما يعرف الصقر يشويه.

70اللي ماله أول ماله تالي.

71اللي مو على دينك ما يعينك.

72 اللي هذا أوله ينعاف تاليه.

73 اللي يجي من الله حياه الله.

74 ما تعينك إلا يمينك.

75 ما لك إلا خشمك لو كان عوي (أعوج).

76 مال عمك لا يهمك.

77 مخروش طاح بكروش.

78 مد رجولك على قد لحافك.

79 مداح نفسه يبي له رفسه.

80 مكسورة و تبرَد.

81 من طمع طبع.

82نصيبك يصيبك.

83 هذا سيفوه وهذي خلاجينه (ملابسه).

84 الوجه من الوجه أبيض.

85يا شين شيء ما شابه هله (أهله).

86 يا من شرا له من حلاله علَه.

87 يفوتك من الجذاب صج وايد.

88 يمدح السوق من ربح فيه.

89 (أمسك) الحبَه وفلَت (أفلت) الدبَه.

[البسمات الفاطميه]

....يعطيك العافيهـ ....

[سيدتي الحوراء]

مشكورة على هالامثال الروعة وتقريبا هي متداولة بينا جميعا سكان الخليج

[جرح الطف]

يسلموووو
يعطيك الف عافيه
تحياتي لك

[أنفاس البتول]

يعطيج العافية ع المجهود
يسلموا في امثال اول مرة اسمع فيها

[فرقان]

يعطيج العافية اختي على الامثال
تحيااتي

[عبير الزهــــــــراء]

عن جد امثال حلوه ونقولها كل يوم

يسلموووو

[نور من اهل البيت]

يسسلموا

حليوون البرحينين

[حفيدة فاطمة]

يعطيج العافية ع المجهود
يسلموا في امثال اول مرة اسمع فيها

[نوماس]

بارك فيكم يااخواتي لمروركم
وانتم في اتم الصحة والعافية
وان شاء الله منصورين باذن سبحانه وتعالي
اطلبوا الانتصار ياشيعة علي علية السلام