(ليش بعض البنات يرفضون الزواج من الرجل الا ماعنده سكن)

[براءةْ فآطمةُ الزهرآءْ]

بسم الله الرحمن الرحيم




في الاونه الاخيرة بتديت الاحظ من بعض البنات اول ماتنخطب تطلب بيت وكثير من ربعي اسمعهم في الاونه الاخيره يقولون هالكلام عندي صديق توهم بانيين بيتهم جديد وهو بناله ملحق غرفتين تكرمون وحمام سمعت كثير يقولونله من بترضا بملحق هل هالكلام صحيح وبعدين انا اخبر قبل في فترة الثمانينات والتسعينات كانت البنت ترضى تعيش مع وزجها في بيت اهله غرفه وتكرمون وحمام والحمدلله ربي وفقهم بعدبن وطلعو في بيوت ولو تسالون الجيل الي قبل راح يفيدونكم اكثر بس استغرب انه وحده توها بتعرس تشترط بيت معليش الرجال توه طالعتله ارض ارضي اول شي بالميسور وبعدها لاجبتي ياهل ياهلين الله بيكتبلج الرزق من حيث لاتحتسبين الي نبي نوصله اخواني خواتي انه مو كل شي في الحياه الماده ترى كل شي يزول العشره الطيبه صعب انها تروح من قلب الانسان لين مايموت واحنا نقول ان شاء الله البعض وفيه الي ماتفرق معاهم ملحق او بيت اهم شي انها تتزوج وتعيش حياتها مثل الناس والله يوفق كل بنت قنوعه بالي يكتب لها ربي ان شاء الله وتقبلوا يالغاليين اطيب تحياتي


من حق اي بنت تطلب لها بيت بروحها بس مب فالبدايه
فالبدايه تقدر تقتنع بالي يقدر عليه زوجها
عقب مايتزوجون وتجيب ياهل يبتدي الزوج يفكر ان يطلع له بيت
لانه مب عدله ينامون عياله معاه لما يكبرون ..
وكل زوجه تاخذ راحتها فبيت خاص فيها وتكون هي المسؤوله عن كل شي فيه ..
بس البيت مب سبب لرفض البنت للي متقدم لها يعني فالبدايه تقدر ضروفه وتقتنع باللي عنده وعقبها ان شاء الله تتسهل الامور ..





lمن تواضعه لله رفعه

مابعد الصبر الا الفرج





انتظر نقاشكم اخواتي وارئكم بالصراحة




نسألكم الدعاء وبرائة الذمه والتقصير

[طاووس اهل الجنة]

موضوع شائك وحساس جدا جدا

لي عودة للنقاش

احسنت غاليتي ننتظر جديدك بكل شوق

[حجآزية]

بصراحه
انا من منطقه المدينه وفي منطقتي من ايام امي وجدتي وقبل
من يتزوجون يكون لهم شقه بروحهم
ومآفي من شروط البنت هالشي لانه مضمون انها بتكون في بيت لحالها
وشروطهم عندنا غير انها تكمل دراستها والتعدد لا هيك
بس بيت ماافي وحده كتبت بلقد بيت او شي زي ماقلت لكم
هالشي متعارف عليه وشي طبيعي عندها بيت مستقل ولو كان ماعنده بيت
مايخطب اساساً
لان الفكره براسه زواج = استقرار = بيت بروحي
عموما البيت المستقل افضل للزوجين
يرتاحون من المشاكل والخلافات ويتفادونها
وخلينآ بعاد وسعاد = )
موفقه غناتي

[زهرة الريف]

بسم الله الرحمن الرحيم
بصارحه البيت حق من حقوق الزوجه بس هذا مو معناه انها تضغط ع الزوج بهذا الشي المفروض ترضه بليسير وبعدين الله يرزقه ومو شرط بيت يعني ملحق او شقه او حتى غرفه ودور مياه تكفي حتى الله يسهل لهم وتسيييير الحياه بسعاده


اللهم لا تذرني فردا وانت خير الوارثين

[براءةْ فآطمةُ الزهرآءْ]

اللهم صل على محمد وعلى آله وصحبه أجمعين

اخواتي *طاوووس*حجازيه*زهرة الريف

بارك الله فيكم ومشكورين على مشاركتكم بالنقاش وابداء ارئكم بكل صراحة


دمتم بخير

[لهيب العراقية]

السلام عليكم
الاخت براءة فاطمه الزهراء
للمشكله اسباب متعدده منها ان بعض البنات للاسف تربين على الفرديه والانانيه وبتشجيع من الاهل فيرغبن بالاستحواذ على الزوج وتملكه وابعاده عن اهله
هذا من جهه ومن جهة اخرى الخوف من تسلط اهل الزوج وعدم امتلاك الزوجه الوعي بالتعامل مع اهل زوجها وكسب ودهم فتفضل الهروب من اول مشكله تواجهها معهم
وهناك سبب اخر وهو ان بعض الازواج حين يسكن في بيت اهله يتكل عليهم ماديا ومعنويا ولا يكلف نفسه تطوير نفسه وعمله كي يملا عين زوجته ويكفيها فسكنه في بيت مستقل يجعله يعيد التفكير في تصرفاته
لاشك ان الزوجه من حقها ان تسكن في بيت مستقل يكون مملكتها السعيده لكن حسب مقدرة زوجها لا ان ان تضغط عليه والزوج ايضا ان استطاع عليه ا ن يوفر لزوجته السكن المستقل

[رباب الساعدي]

بسم الله الرحمن الرحيم
السلام عليكم ورحمة الله وبركاته
حسب امكانية الشخص والشروط الكثيره ليس مصدرا للسعاده
فاذا كان الرجل يستحق التضحيه
فالافضل ان توافق عليه حتى لوكان لايملك ملحق
لان في هذه الايام يوجد من يملك فلا ولا يملك قلب طاهر
ويوجد من يملك قلب طاهر ولا يملك ملحق فمن الافضل
اختي بارك الله فيك يستحق النقاش

[براءةْ فآطمةُ الزهرآءْ]

اللهم صل على محمد وعلى آله وصحبه أجمعين

اشكركم اخواتي على المشاركة بالنقاش وابداء ارئكم بارك الله فيكم نورتوا

دمتم بخير