(ليش بعض البنات يرفضون الزواج من الرجل الا ماعنده سكن)
 

http://img692.imageshack.us/img692/9696/b39.gif





بسم الله الرحمن الرحيم




في الاونه الاخيرة بتديت الاحظ من بعض البنات اول ماتنخطب تطلب بيت وكثير من ربعي اسمعهم في الاونه الاخيره يقولون هالكلام عندي صديق توهم بانيين بيتهم جديد وهو بناله ملحق غرفتين تكرمون وحمام سمعت كثير يقولونله من بترضا بملحق هل هالكلام صحيح وبعدين انا اخبر قبل في فترة الثمانينات والتسعينات كانت البنت ترضى تعيش مع وزجها في بيت اهله غرفه وتكرمون وحمام والحمدلله ربي وفقهم بعدبن وطلعو في بيوت ولو تسالون الجيل الي قبل راح يفيدونكم اكثر بس استغرب انه وحده توها بتعرس تشترط بيت معليش الرجال توه طالعتله ارض ارضي اول شي بالميسور وبعدها لاجبتي ياهل ياهلين الله بيكتبلج الرزق من حيث لاتحتسبين الي نبي نوصله اخواني خواتي انه مو كل شي في الحياه الماده ترى كل شي يزول العشره الطيبه صعب انها تروح من قلب الانسان لين مايموت واحنا نقول ان شاء الله البعض وفيه الي ماتفرق معاهم ملحق او بيت اهم شي انها تتزوج وتعيش حياتها مثل الناس والله يوفق كل بنت قنوعه بالي يكتب لها ربي ان شاء الله وتقبلوا يالغاليين اطيب تحياتي


من حق اي بنت تطلب لها بيت بروحها بس مب فالبدايه
فالبدايه تقدر تقتنع بالي يقدر عليه زوجها
عقب مايتزوجون وتجيب ياهل يبتدي الزوج يفكر ان يطلع له بيت
لانه مب عدله ينامون عياله معاه لما يكبرون ..
وكل زوجه تاخذ راحتها فبيت خاص فيها وتكون هي المسؤوله عن كل شي فيه ..
بس البيت مب سبب لرفض البنت للي متقدم لها يعني فالبدايه تقدر ضروفه وتقتنع باللي عنده وعقبها ان شاء الله تتسهل الامور ..





lمن تواضعه لله رفعه

مابعد الصبر الا الفرج





انتظر نقاشكم اخواتي وارئكم بالصراحة




نسألكم الدعاء وبرائة الذمه والتقصير

رد: (ليش بعض البنات يرفضون الزواج من الرجل الا ماعنده سكن)
 

رد: (ليش بعض البنات يرفضون الزواج من الرجل الا ماعنده سكن)
 

بصراحه
انا من منطقه المدينه وفي منطقتي من ايام امي وجدتي وقبل
من يتزوجون يكون لهم شقه بروحهم
ومآفي من شروط البنت هالشي لانه مضمون انها بتكون في بيت لحالها
وشروطهم عندنا غير انها تكمل دراستها والتعدد لا هيك
بس بيت ماافي وحده كتبت بلقد بيت او شي زي ماقلت لكم
هالشي متعارف عليه وشي طبيعي عندها بيت مستقل ولو كان ماعنده بيت
مايخطب اساساً
لان الفكره براسه زواج = استقرار = بيت بروحي
عموما البيت المستقل افضل للزوجين
يرتاحون من المشاكل والخلافات ويتفادونها
وخلينآ بعاد وسعاد = )
موفقه غناتي

رد: (ليش بعض البنات يرفضون الزواج من الرجل الا ماعنده سكن)
 

بسم الله الرحمن الرحيم
بصارحه البيت حق من حقوق الزوجه بس هذا مو معناه انها تضغط ع الزوج بهذا الشي المفروض ترضه بليسير وبعدين الله يرزقه ومو شرط بيت يعني ملحق او شقه او حتى غرفه ودور مياه تكفي حتى الله يسهل لهم وتسيييير الحياه بسعاده


اللهم لا تذرني فردا وانت خير الوارثين

رد: (ليش بعض البنات يرفضون الزواج من الرجل الا ماعنده سكن)
 

اللهم صل على محمد وعلى آله وصحبه أجمعين

اخواتي *طاوووس*حجازيه*زهرة الريف

بارك الله فيكم ومشكورين على مشاركتكم بالنقاش وابداء ارئكم بكل صراحة


دمتم بخير

رد: (ليش بعض البنات يرفضون الزواج من الرجل الا ماعنده سكن)
 

السلام عليكم
الاخت براءة فاطمه الزهراء
للمشكله اسباب متعدده منها ان بعض البنات للاسف تربين على الفرديه والانانيه وبتشجيع من الاهل فيرغبن بالاستحواذ على الزوج وتملكه وابعاده عن اهله
هذا من جهه ومن جهة اخرى الخوف من تسلط اهل الزوج وعدم امتلاك الزوجه الوعي بالتعامل مع اهل زوجها وكسب ودهم فتفضل الهروب من اول مشكله تواجهها معهم
وهناك سبب اخر وهو ان بعض الازواج حين يسكن في بيت اهله يتكل عليهم ماديا ومعنويا ولا يكلف نفسه تطوير نفسه وعمله كي يملا عين زوجته ويكفيها فسكنه في بيت مستقل يجعله يعيد التفكير في تصرفاته
لاشك ان الزوجه من حقها ان تسكن في بيت مستقل يكون مملكتها السعيده لكن حسب مقدرة زوجها لا ان ان تضغط عليه والزوج ايضا ان استطاع عليه ا ن يوفر لزوجته السكن المستقل

رد: (ليش بعض البنات يرفضون الزواج من الرجل الا ماعنده سكن)
 

بسم الله الرحمن الرحيم
السلام عليكم ورحمة الله وبركاته
حسب امكانية الشخص والشروط الكثيره ليس مصدرا للسعاده
فاذا كان الرجل يستحق التضحيه
فالافضل ان توافق عليه حتى لوكان لايملك ملحق
لان في هذه الايام يوجد من يملك فلا ولا يملك قلب طاهر
ويوجد من يملك قلب طاهر ولا يملك ملحق فمن الافضل
اختي بارك الله فيك يستحق النقاش

رد: (ليش بعض البنات يرفضون الزواج من الرجل الا ماعنده سكن)
 

اللهم صل على محمد وعلى آله وصحبه أجمعين

اشكركم اخواتي على المشاركة بالنقاش وابداء ارئكم بارك الله فيكم نورتوا

دمتم بخير