|
وين تحبين تأخذين عيالج للترفيه ؟؟!!!
فترة الترفيه و اللعب هي من أسعد اللحظات لدى أطفالنا الصغار .. فترى البسمة و البهجة تعلو وجوههم الصغيرة و هم يركبون هذه اللعبة او يسارعون لتلك .. و ترى البعض ينتظر لعبته المفضلة بفارغ الصبر .. و ممّا لا ريب فيه إن قلوبنا تغمرها السعادة و نحن نرى ملائكتنا الصغار و قد مّلئت قلوبهم بالفرح و السرور .. و من هنا أحببتُ أن أفتح موضوعي هذا من أجل أن نتبادل الخبرات في أماكن الترفيه للأطفال الموجودة في بلدنا .. و التي نحب ان نأخذ اولادنا لها .. و اتمنى أن أجد تفاعل من قبل الأمهاااات .. و حتى غير المتزوجات يمكنهم المشاركة أيضاً .. فيخبرونا عن الأماكن الترفيهية التي يأخذوا لها أخوانهم أو أخواتهم الصغار أو أولاد أخوانهم أواخواتهم .. و أنا بإنتظار تفاعلكم و سأتكلم بعدها عن الأماكن الترفيهية اللي أخذ ولدي لها .. |
موضوع حلو لانه انا وايد احتار وين اودي عيالي بعدد الاماكن الي حسيتها مناسبة لهم واستانسوا فيها طبعا الحدائق كلها بدون استثناء بتكون مناسبة لانه فيها نحانه= مرجيحة ويه زلاحة اما الاماكن المغلقة عندش شيكوزولوا و ماجك بلانيت ونيمو بارك هي وايد مناسب للاعمار الاقل من 3 او 2 سنوات امم لما اوديهم مكان جديد راح اخبركم فيه |
أم فاتي زيزي .. اشكر لكِ الحضور و المشاركة .. انا بعد احياناً اتحير وين آخذه لأن مو كل مكان فيه العاب تناسب سنه .. عشان جذي فتحت هالموضوع عشان نتبادل خبرات .. و فعلاً الحدائق تفرح الأطفال لأنها فيها الالعاب الخفيفة و المناسبة لهم و خصوصاً المرجيحة .. ولدي يحب شي اسمه بحر و مرجيحة و ما يمر اسبوع الا يوديه ابوه البحر لانه يستانس بالماي و السمك و يحب يأكلّهم .. احياناً حتى جبس يعطيهم :d27: و اكثر شي نوديه ساحل ابو صبح يستانس بالمرجيحة هناك رغم ان في هذا الجو الرطب ما تسوى الطلعة هناك بس شنسوي عشان خاطره .. اما صالات الألعاب ناخذه مملكة الأطفال نلعبه في الألعاب اللي داخل المملكة لانها هي المناسبة لسنه .. و مملكة الصغار في الرفاع احس اغلب الالعاب اللي فيها مناسبة له حتى الالعاب اللي ترتفع فوق لانها ترتفع ارتفاع بسيط .. بس ابوه ما رضى يخليه بروحه فيهم من جذي اخذنا معاه اختي الصغيرة تركب معاه حتى يتشجع و ما يخاف.. و هذا اللي في بالي الحين .. و ننتظر باقي الامهات .. |
مووضوع حلو ام حسين ومفيد
ودامه يخص عيالنا اكيد مهم عن نفسي تقريبا بشكل يومي اوديها حديقه الألعاب العاديه إلي في الديره وتستانس الحمد لله من تشوفها ما نشوف إله الصرخات والشهقات واحاول اني حتى لو اروح اشتري اغراض البيت وبوديها ويايه يكون مكان فيه العاب ولاني اروح رامز إلي في الرفاع فيه محل العاب اخليها تلعب شويه ونطلع اوديها شكزولو إلي في الدانه لانه بالنسبه لي ولوزوجي هادئ احبه مافي ناس وايد على عكس مجك آيلاند والحين في الصيف نستفيد من روحه البحر فتستانس حدها وطبعا مره اخذت بنتي عين عذاري والعابهم عجبوني لانه مثل الكبار بس مصغره وحدها ستانست وقلت بوديها مره ثانيه وطبعا الحلو فيه انه فيه مركز خاص يعني ما يحتاج ندفع 500 فلس الدخول لو حبينه ما ندخل اني وابوها وبس سلامتكم وطبعا اتفقت اني وزوجي اني اوديها محميه العرين احسه بتستانس بس قال مو الحين لانه حر لين ما يعتدل الجو إن شاء الله تحياتي |
بِسْمِ اللّهِ الرَّحْمـَنِ الرَّحِيمِ اللَّهُمَّ صَلِّ عَلَى مُحَمَّدٍ وآلِ مُحَمَّدٍ يعطيك العافية أختي على طرح الموضوع .. عادتاً نأخذ فطوم لمنتزة عين عذاري.., اللعاب مناسبة سنها و صالة اللعاب مكيفة و تناسب أجواء الصيف ,, تحيااااتي |
مشكورة " عنوني " على المشاركة .. و صالة الألعاب اللي في رامز مرة ودينا ولدي .. و الالعاب اللي تحت حلوة بس اغلبها اللي تتحرك في مكانها ... شكازولو و عين عذاري ما جربناهم للحين انشاء الله نوديه قريب .. و محمية العرين فكرة حلوووة خصوصاً للأطفال اللي يحبووون الحيوانات .. |
أم فاطمة .. أشكر لكِ الحضور و المشاركة .. و شوقتوني أروح عين عذاري .. لأن حتى أني ما شفتها بعد التطوير :d19: |
بِـسْـمِ اللّهِ الـرَّحْـمـنِ الـرَّحِـيـمِ اَللّـهُمَّ صَلِّ عَلى مُحَمَّد وَآلِهِ الاْوصياءِ الْمَرْضِيِّينَ، وَاكْفِني ما اَهَمَّني مِنْ اَمْرِ الدُّنْيا وَالاخِرَةِ يا اَرْحَمَ الرّاحِمينَ يسلموو خيتوو و يعطيك ربي الف عافيه دًٍمًتُِِّْمً بٌَِخٌِيَرٌٍ ،، نْسٌِِّآلكَمً خٌِآلصٍْ آلدًٍعًٍآء تحيـــــــــــــــــــ عاشقة آل البيت(ع) ــــــــــــــــــاتي |
عاشقة آل البيت .. اشكر حضوركِ .. و ننتظر مشاركتي بالموضوع .. لكِ خالص دعواتي .. |
احد فيكم راح " أرض السنافر " اللي في الرفاع ؟؟ شنو نوعية العابهم ؟؟ هل هو بمستوى أرض الصغار ؟؟ يعني تصلح لسن أولادنا لفوق السنة و النص ؟؟!! و إذا ما عليكم أمر أبي الوصف m11111 |
اقتباس:
|
اقتباس:
و هذا هو المطلوب .. مشكورة حبوبة m11111.. بس محد قال لي وين تصير بالضبط ؟؟!!!!!!!!!!! الظاهر بروح الرفاع و بعسعس لين احصلها :d20: |
اني اودي ولدي نيموبارك ومحمية العرين وأماكن الالعاب الا في ستي سنتر وبعض الاحيان اوديه عين عذاري قبل كل يبغى يروح شكازولو الحين كل محمية العرين
في صالة أرض الصغار في الرفاع بعد وديتة بس ما عجبتني وااجد وارض السنافر بعد المكان صغير |
مشكورة " نوراء " على المشاركة .. و الطفل عادة يحب أكثر شي المكان المفتوح و الواسع لأن ينطلق فيه أكثر .. و بالنسبة لمحمية العرين خليتها في بالي لأن ولدي من محبي الحيوانات .. بس خووويف مو كل شي يقرب منه :d20: و نيمو بارك وين تصير ؟؟!! |
اقتباس:
|
نوراء ..
كأني عرفتها !!! مشكورة عيوني m11111 |
عذاري موب زينه حق اليهاال الصغار واصلا ما يرضون يركبونهم في كلشي لانه خطير عليهم اني رحت تكسرت تكسر وفي العاب مو سفتي مثل السفينه الي تروح وفوق وسيده بالماي اولا تطلعين مسبحه وثانيا لازم تكونين انتين مجود لانه ما في حزام ولا شي يحمي يعني ما فيها شي اوكي حق الاطفال الصغار
|
كوين ..
أنا ما رحت عين عذاري .. بس على حسب ما سمعت من الأخوات إن في صالة ألعاب مخصصة للأطفال الصغار !! |
مافي صالات خيو عذاري منتز امبطل والعابه خطيره ما تصلح لليهال كلش بيخلونهم يركبونهم قطار يورهم عذاري كلها وبس
|
غريبة مع اني اسمع كثير من الأمهات ياخذون عيالهم لعين عذاري !!!
|
مشكوورة خيوو على هالموضوع الي نستفيد منه
بنسبة لي اودي بنتي اسبوعيا ممشى الاستقلال لانها تحبه واوديها البحر موتها شي اسمه بحر واوديها عين عذاري كل اسبوعين او في الشهر مرة العابهم حلوة للأطفال في هالسن وبالنسبة لكوين تقصد العاب الكبااااار بس في صالة مكيفة ويا هالحر والجاهل ياخذ راحته ولا تفطسين من الحر ولا شي اني اودي بنتي على طول اهناك اهو اول ما تدخلين في قسم الى المطاعم الجهة الثانية الى على ايدش الييمين صالة العاب للاطفال وفوقها العاب كمبيوتر العااااااااب حلوة ومسلية والجاهل ياخذ راحته والدخول مجاني ... واودي بنوتتي مملكة الاطفال العابهم مناسبة والالعاب الي في الدانة اني مااحسهم مناسبين وما اروح الا ازعاج وزحمةو احين ما اروحه.. ومحمية العرين استانست بنتي راحت ويا اخواني استانست حدهاااا لو بدها ما ترجع والعاب الي في مطعم مرمريز هدوء ومافي احد وتاخذين راحتش وبنتي اسانست حدها وهذلين الي اذكرهم واروحهم اكثر شي واذا ذكرت مكان بقول ..... |
موفقة بإذن الله ... لكِ مني أجمل تحية .
|
قصدج العاب اليهالو هههههههههههههههههههههههه اي اها
وفي بعد مارينامول فيهااالعاب حلوه خ خ خ امه الدانه حدث ولا حرج كرييييييهه ولا اطيق اروحها العابها صوتها تبط الراس |
أحلى ولاء ..
أسعدتني إطلالتكِ هنا .. و اشكر لكِ المشاركة .. و بالنسبة لعين عذاري أنا بعد أقصد الصالة المخصصة للأطفال و إن شاء الله لي روحة مع كتكوتي عمّا قريب .. و شلون الدخول مجاني ؟!!!! يعني ما في رسوم على الدخول ؟!! العاب مرمريز حلوة و ولدي بعد يستانس فيهم ..و احلى ما في الأمر إنها توفر علينا طلعتين فتصير 2 في 1 >>> العاب و مطعم :d10: |
اهذاني اني بحط صور حق عذاري في موضوع وجوفيه خيو
|
أم عيسى ..
اشكر تواجدكِ الكريم .. كوين .. مشكورة عيوني m11111 شفت صور كثيرة لعين عذاري و منتظرة اشوفها على الطبيعة :d21: |
احم احم
توي شايفة الموضوع ههه عاد اسم الله علينا ديرتنا حلوة .. ماعندا الا جم محل الواحد يروحهم .. للاسف خصوصوا في الصيف الواحد يتحير وين يروح كل مكان حرر اني مثل كل الي قالوهم.. لين بنروح مجمع نوديه مارينا مول او شكازولو الدانة او ماجك ايلاند او السيتي.. وهالايام ابوه لين متعاير يوديه السيتي ويتأجر ليه سيارة ويعتبرها لعبه ههههه البحر والحدائق يحبهم بس فيه حساسية واخاف اوديه اي وقت خصوصا في الشمس مايسوى كلش مع انه يحب يروح ويا ولاد عمومه اخوي وداه من قبل ارض السنافر الي في الرفاع مرتين المكان ماعجبني مو حليو بس زين يعني العابها رخيص وقوي للجهال الصغار .. خيوو الي تسأل عنه يصير لاصق في مطعم تكة ابل جان تعرفينه.. اني ماعرف اوصف بس اخوي قال ليه ان صوبه كلش نيمو بارك وديته هالمرة مرة وحده بس عقب ماسمعت عنه.. مكان حلوو بس مافيه العاب واجد .. وارض الصغار وين تصير؟؟ |
أم عبادي ..
هلا فيج و مشكووورة على المشاركة .. و بالنسبة لأرض الصغار مرة وحدة وديت حسون .. و هي في الرفاع بجنب البريد .. |
يسلمووووووووووووو
عالطرح الحينمااقدر اجاوب لاني بعدي ماصرت ام اذا صرت بجااااااااااااااوب لاتحذفوه ههههههه شـكــ وبارك الله فيكِ ـــراً لك ... لكِ مني أجمل تحية . |
هداتي ولاتي ..
أختي ممكن تشاركينا بالأماكن الترفيهية اللي يروحوا لها خواتج الصغار او اولاد اخوانج أو خواتج إذا عندج .. و إن شاء الله الموضوع يستمر و يضل لما تصيري أم و تجي تقولي لنا عن الأماكن اللي تأخذي النونو لها :d10: |
| الساعة الآن 02:09 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir