مشكوورة خيوو على هالموضوع الي نستفيد منه
بنسبة لي اودي بنتي اسبوعيا ممشى الاستقلال لانها تحبه واوديها البحر موتها شي اسمه بحر
واوديها عين عذاري كل اسبوعين او في الشهر مرة العابهم حلوة للأطفال في هالسن
وبالنسبة لكوين تقصد العاب الكبااااار
بس في صالة مكيفة ويا هالحر والجاهل ياخذ راحته ولا تفطسين من الحر ولا شي اني اودي بنتي على طول اهناك اهو اول ما تدخلين في قسم الى المطاعم الجهة الثانية الى على ايدش الييمين صالة العاب للاطفال وفوقها العاب كمبيوتر العااااااااب حلوة ومسلية والجاهل ياخذ راحته والدخول مجاني ...
واودي بنوتتي مملكة الاطفال العابهم مناسبة
والالعاب الي في الدانة اني مااحسهم مناسبين وما اروح الا ازعاج وزحمةو احين ما اروحه..
ومحمية العرين استانست بنتي راحت ويا اخواني استانست حدهاااا لو بدها ما ترجع
والعاب الي في مطعم مرمريز هدوء ومافي احد وتاخذين راحتش وبنتي اسانست حدها
وهذلين الي اذكرهم واروحهم اكثر شي واذا ذكرت مكان بقول .....

موفقة بإذن الله ... لكِ مني أجمل تحية .

قصدج العاب اليهالو هههههههههههههههههههههههه اي اها

وفي بعد مارينامول فيهااالعاب حلوه خ خ خ امه الدانه حدث ولا حرج كرييييييهه ولا اطيق اروحها العابها صوتها تبط الراس

أحلى ولاء ..

أسعدتني إطلالتكِ هنا ..

و اشكر لكِ المشاركة ..

و بالنسبة لعين عذاري أنا بعد أقصد الصالة المخصصة للأطفال و إن شاء الله لي روحة مع كتكوتي عمّا قريب ..

و شلون الدخول مجاني ؟!!!! يعني ما في رسوم على الدخول ؟!!

العاب مرمريز حلوة و ولدي بعد يستانس فيهم ..و احلى ما في الأمر إنها توفر علينا طلعتين فتصير 2 في 1 >>> العاب و مطعم :d10:

اهذاني اني بحط صور حق عذاري في موضوع وجوفيه خيو

أم عيسى ..

اشكر تواجدكِ الكريم ..

كوين ..

مشكورة عيوني m11111

شفت صور كثيرة لعين عذاري و منتظرة اشوفها على الطبيعة :d21:

احم احم

توي شايفة الموضوع ههه

عاد اسم الله علينا ديرتنا حلوة .. ماعندا الا جم محل الواحد يروحهم .. للاسف خصوصوا في الصيف الواحد يتحير وين يروح كل مكان حرر

اني مثل كل الي قالوهم.. لين بنروح مجمع نوديه مارينا مول او شكازولو الدانة او ماجك ايلاند او السيتي.. وهالايام ابوه لين متعاير يوديه السيتي ويتأجر ليه سيارة ويعتبرها لعبه ههههه

البحر والحدائق يحبهم بس فيه حساسية واخاف اوديه اي وقت خصوصا في الشمس مايسوى كلش مع انه يحب يروح ويا ولاد عمومه
اخوي وداه من قبل ارض السنافر الي في الرفاع مرتين المكان ماعجبني مو حليو بس زين يعني العابها رخيص وقوي للجهال الصغار .. خيوو الي تسأل عنه يصير لاصق في مطعم تكة ابل جان تعرفينه.. اني ماعرف اوصف بس اخوي قال ليه ان صوبه كلش
نيمو بارك وديته هالمرة مرة وحده بس عقب ماسمعت عنه.. مكان حلوو بس مافيه العاب واجد ..

وارض الصغار وين تصير؟؟

أم عبادي ..

هلا فيج و مشكووورة على المشاركة ..

و بالنسبة لأرض الصغار مرة وحدة وديت حسون .. و هي في الرفاع بجنب البريد ..

يسلمووووووووووووو

عالطرح

الحينمااقدر اجاوب

لاني بعدي ماصرت ام

اذا صرت بجااااااااااااااوب

لاتحذفوه ههههههه


شـكــ وبارك الله فيكِ ـــراً لك ... لكِ مني أجمل تحية .

هداتي ولاتي ..

أختي ممكن تشاركينا بالأماكن الترفيهية اللي يروحوا لها خواتج الصغار او اولاد اخوانج أو خواتج إذا عندج ..

و إن شاء الله الموضوع يستمر و يضل لما تصيري أم و تجي تقولي لنا عن الأماكن اللي تأخذي النونو لها :d10: