حلى ورررعه يم يم

[شجون الطف]

السلام عليكم

هذا

طبق حلو بارد وطعمه روعة بشهادة كل من ذاقه


والأحلى إنه سهل وماياخذ من وقتكم


نبدأ بالمقادير :


مثل ماتشوفون بالصورة








1 باوند كيك فانيليا
1 باوند كيك كاكاو
4 قيمر كي دي دي صغار أو 2 كبار
1 علبة كريمة جاهزة المراعي حجم 250 مللي أو أي نوع كريمة
رشة فانيليا
2 ظرف دريم ويب
5 ملاعق كبار كاكاو بودرة
فليك للتزيين


الطريقة :
نقطع الكيك على شكل مكعبات ونصفه بالبايريكس بشكل عشوائي نفس اللي بالصورة





نخلط مقادير الكريمة كلها مع بعض بالخلاط من غير بودرة الكاكاو





بعدين نحط نص الخليط فوق الكيك





نضيف بودرة الكاكاو فوق باقي الكريمة ونخلطها بالخلاط عدل ليما تصير جذي (تقدرين تزيدين كمية الكاكاو حسب ذوق)





نحطها فوق الكيك والكريمة بهالشكل





نزين الطبق بالفليك أو صوص الشيكولاته الجاهز حسب ذوق





نحطها بالثلاجة لما تبرد وتقدمينها باردة
( كل ما طولت بالثلاجة الكيك يتشرب بالكريمة ويصير ألذ )
هني الشكل النهائي





أتمنى تجربونها لأنها عن جد لذييييييييذة



أبي رايكم ولا تحرموني من دعواتكم وردودكم الحلوة

[تفاحة الجنان]

اللهم صل على محمد وآل محمد
ما شاء الله روعه
وتسلم ايدك
وربي يعطيك العافيه

[زهرةالورود]

روووعه يسلمووو