صيدلية المنتدى

[سر المكنون]

حاضري،،،،،،،،ن

[ام عيسى]

يعطيج العافية

[سر المكنون]

الله يعافيج ام عيسى
تسلمين ع مرورك الطيب

[حروف فاطم]

.. السَلام عليكمُ !

.. اهلينْ لجَميعْ الـاعضَاء ..

.. الموضوعْ واضحِ من عِنوانـَه !

.. تكفونْ بسألكم اللي عنده خلفيه عن تنظيف الاسنان من الجير يتفضل ويفيدني ..

.. كم سعره بالمستشفيات الخاصه ؟!


.. ؤهل هو مفيد للاسنان وله نتيجه مرضيه ..

.. والسؤال الكبير صحيح انه يعور ؟! { }


.. تكفوون لاتبخلون علي [ ]


.. افيدوني جزاكم الله كل خير لاني بسويه باقرب وقت !

[سر المكنون]

المشاركة الأصلية كتبت بواسطة جنة الخلود

.. السَلام عليكمُ !

.. اهلينْ لجَميعْ الـاعضَاء ..

.. الموضوعْ واضحِ من عِنوانـَه !

.. تكفونْ بسألكم اللي عنده خلفيه عن تنظيف الاسنان من الجير يتفضل ويفيدني ..

.. كم سعره بالمستشفيات الخاصه ؟!

.. ؤهل هو مفيد للاسنان وله نتيجه مرضيه ..

.. والسؤال الكبير صحيح انه يعور ؟! { }

.. تكفوون لاتبخلون علي [ ]

.. افيدوني جزاكم الله كل خير لاني بسويه باقرب وقت !

اهلين و سهلين جنة الخلود,,,


اولا: نقلت الموضوع الى هنا
لان اي سوال او استفسار عن شيء طبي يكون
عادة في هذا الموضوع,,,,

ثانيا: اما عن الجواب عن سوالج,,

من الافضل ازالة الجير كل 6 اشهر للاشخاص الي يتراكم عندهم بسرعه,
اما الشخص العادي فكل سنه,,

ازالة الجير عمليه عاديه ليس لها ألام ولا شيء
و بالعكس بعد الانتهاء تحسين بالانتعاش في الفم,,,

و ايضا تحسين ان اسنانج صج نظيفه , بالاضافة ان تراكم الجير
لمدة طويله قد يسبب اضرار في اللثه و الاسنان ع المدى الطويل,,,

اما عن الاسعار, فأكثر اطباء الاسنان عندهم تنظيف الاسنان
بس ملاحظه تلميع الاسنان يختلف عن تنظيف الاسنان من الجير,,

و السعر المتعارف لتنظيف الاسنان هو 15 د.ب


و اي استفسار اخر حاضرين

[ثلج ونار]

سلام عليكم

اختي العزيزة سر المكنون حبيت اشكرش على هذا الموضوع المفيد جدا وايضا على اشرافك على هذا القسم وابرازه بأحسن صوره لنستفيد منه

انا حبيت استفسر عن دوا عندي اسمه I-brofen تبع اطفال.. بغيت اعرف هو حق شنو بالضبط وهل عادي استخدمه بدون وصفه والا خلاص اتخلص منه!!
سؤال ثاني بغيت تعطيني اسم دواء مفيد للكحه عند الاطفال ودواء للبلاعيم من الصيدلية ..لاني تعبت اروح المركز مايفيد دواهم وولدي كل يومين وجوه البلاعيم.. وريحه نفسه تتغير .. والدكتور هالمرة قال لي ان اللوز عنده كبيرة.. فهل في شي مفيد في هالحاله؟؟ تجيه اوقات مايرضى ياكل كلشش بسبب هالبلاعيم..

وسامحيني على كثر الاسئلة بس سؤال اخير.. اخر الفحوصات لولدي بينت ان عنده حساسية بأنفه.. مادري شنو نوعها او من شنو صراحه بس كان يحك وااجد في اذنه والدكتور كتب لي هالمرة بخاخ ودوا شراب اسمه zertic لمده 3 أشهر.. حبيت اسأل عن هالانواع من الحساسية اذا عندش معلومات عنها.. وهل البخاخ له تأثير على المدى البعيد؟؟

مشكوورة مقدماا

[سر المكنون]

المشاركة الأصلية كتبت بواسطة ثلج ونار

سلام عليكم

اختي العزيزة سر المكنون حبيت اشكرش على هذا الموضوع المفيد جدا وايضا على اشرافك على هذا القسم وابرازه بأحسن صوره لنستفيد منه

انا حبيت استفسر عن دوا عندي اسمه I-brofen تبع اطفال.. بغيت اعرف هو حق شنو بالضبط وهل عادي استخدمه بدون وصفه والا خلاص اتخلص منه!!
سؤال ثاني بغيت تعطيني اسم دواء مفيد للكحه عند الاطفال ودواء للبلاعيم من الصيدلية ..لاني تعبت اروح المركز مايفيد دواهم وولدي كل يومين وجوه البلاعيم.. وريحه نفسه تتغير .. والدكتور هالمرة قال لي ان اللوز عنده كبيرة.. فهل في شي مفيد في هالحاله؟؟ تجيه اوقات مايرضى ياكل كلشش بسبب هالبلاعيم..

وسامحيني على كثر الاسئلة بس سؤال اخير.. اخر الفحوصات لولدي بينت ان عنده حساسية بأنفه.. مادري شنو نوعها او من شنو صراحه بس كان يحك وااجد في اذنه والدكتور كتب لي هالمرة بخاخ ودوا شراب اسمه zertic لمده 3 أشهر.. حبيت اسأل عن هالانواع من الحساسية اذا عندش معلومات عنها.. وهل البخاخ له تأثير على المدى البعيد؟؟

مشكوورة مقدماا

أهلين و سهلين اختي ثلـــــــــــــــج و نار
و حاضرين دوووم :d10:’,,,

اولا: الدواء i brufen
هو دواء مسكن للالم و الاسخونه,
يعني اي وقت الطفل كانت فيه حراره او فيه اي الم
تقدرين تعطينه منه,,

ولكن يجب الانتباه الى ان لا تستخدمينه بعد الفتح
من مده طويله , و اي ادويه تفتح من الافضل الاحتفاظ فيها في الثلاجه
بالخصوص مع قدوم فصل الصيف...

ثانيا: بس حبيت أسال كم عمر طفلك؟؟
عشان اعرف اي نوع من الادويه افضل اليه ,,,
اذا اكبر من سنه تقريبا:
فافضل علاج للكحه للاطفال هو prospan مفيد و آمن
لانه عشبي , بس مافي خوف منه, وموجود في كل الصيدليات,,
اما عن الجرعه فتحدد حسب عمر الطفل...

انتفاخ اللوزتين تأتي بكثرة التعرض للالتهاب, لازم تحافضين و تحاسبين
ان ما يستبرد, لا تأكلينه الاشياء البارده, امكن طفلج حساس بسرعه يأخذ برد,
لا تلبسينه وايد اشياء الى درجه عرق الطفل, ثم يتعرض للبرد,
و لا كلش قليل الى درجه ان يضربه هواء المكيف و يستبرد,,


ثالثا: لو تعطيني اسم البخاخ زين عشان اعرف من شنو يتكون؟؟؟
اما عن الدواء zyrtec فهذا مضاد للحساسيه ,, اذا يعاني من الحساسيه يوصفونه اليه,
والحكه الي في الاذن: غاليا ما تكون حكه الي في الاذن بسبب التهاب الاذن,
ولكن بعض الاوقات تكون بسبب البلاعيم,,, وللتأكد من الافضل ان الطبيب يفحص عليه,,
وحساسية الانف ,,,, " يمكن احد من العيله عنده حساسيه مثل الربو , او اكزيما ,او حتى حساسية انف"
قد تكون وراثه في معظم الاوقات اذا كان الطفل صغير في السن.

و الي عندهم حساسيه في الانف...هالموسم يزيد عليهم لان الربيع
لازم تحاسبين اليه من الغبار , الدخان , الروائح القويه مثل المنظفات,
بعض الاوقات بعض الاشجار تثير الحساسيه اكثر
فمن الافضل تلاحظين اذا في بيتكم في بعض انواع من الاشجار قد تزيد من حساسيته,,

واذا في اي سؤال اخر ,, حاضرين

[ثلج ونار]

اهلين خيوو مشكورة عالرد السريع

اولا بما انش قلتين مانحتفظ فيها واجد يعني اي قد الفترة الي ممكن اعطيه منها وهي في الثلاجه لما تنفتح؟؟ لان في اشياء نقدر نعطيهم اياه بدل ماكل يوم نروح المركز على صخونة وعلى هرار..

بالنسبة لولدي فهو عمره سنة و8 اشهر حاليا.. وبالفعل انا استخدمت له من قبل بروسبان نقط بس احس الكمية كلش صغيرة حتى ماتجي بالابر هذا حسب الي مكتوب على العلبة .. وحسيت اخر مرة ماجاب نتيجه وياه فقلت يمكن المفروض ازيد بس ماحبيت اعطيه وبس

وبالنسبة للحساسية فبيت عمي تقريبا كلهم حساسية الخشم عندهم من كبارهم لصغارهم الله يبعد عنا وعنكم الشر.. كل من عمي يدخن .. وانا احاول قد ماقدر اذا فيه غبار ما اطلع وياه وماعندنا اشجار ولا شي هني وحتى بالشقة احاول مااحط بخور الا لما يكون طالع وجذي .. بس خبرش جونا بروحه كل يوم له شكل مايعرف الواحد شيسوي..
وهذا اسم البخاخ nasonex هو الدكتور كتب له واحد ثاني اسمه اظن فليكسيميت شي جذي بس الورقة حاليا مو عندي .. وقال لو ماحصلتيه خله يعطونش واحد نفسه والمركز عطونا هذا وسالت بالصيدلية قالوا لي بعد هذا احسن فتوكلت على الله واستخدمته .. حاليا حسيت انه احسن لما ينام مايشخر او ينسد خشمه بس حبيت اعرف تأثيره وجذي .. وبصراحه خايفة لاني سمعت بعض الادوية تسبب الربو على المدى البعيد او شي جذي فشنو تقولين انتي؟؟ وهالحساسية لو كانت من الوراثة ماتروح لما يكبر؟؟

مسامحه مللتششش خيووو11

[ريحانة الرسول]

مرحبا خيو سر المكنون
الله يعطيش الف عافيه

خيو وصل عندنا المرض اللي يسمونه حب اللشنيتر اول ما صار في بتي الكبيرة ووديتها الى اخصائي جلديه ووصف الينا الادويه التالية:
مضاد Zovirax 400 اربع مرات باليوم 5 ملم
aerius مرتين باليوم 5 ملم
بالاضافة الى غسول الشعر والجسم
والحمد الله بتي الحين راح عنها

لكن المشكله بتي الصغيرة انعدت وصار فيها اليوم ثااااني
ورحت المركز العادي وعطوني حقها سال للمسح اسمه كلامين ولونه ابيض وبس
اني ابي ادا فيه شيء ثاني في الصيدليه واحسن من هدا الدواء اتقولين لي ابه لانه بتي الكبيرة الصراحة استفادت من الادويه اللي كتبتها حقش فوق وبسرعه راح عنها والصراحة ادويتها كلفتنا واااايد وبالاخص المضاااااااد فياريت اتفيديني بوجود ادويه زينه عن الحكة واني قلت بستخدم اليها نفس الغسول للشعر والجسم وحتى دواء الحكة عطيتها منه البارحة 2.5 ملم ما ادري اوصل او لا

تكفين ردي علي بسرعه انا بانتظارك
والله يعطيش الف عاااااااافيه

[سر المكنون]

المشاركة الأصلية كتبت بواسطة ثلج ونار

اهلين خيوو مشكورة عالرد السريع

اولا بما انش قلتين مانحتفظ فيها واجد يعني اي قد الفترة الي ممكن اعطيه منها وهي في الثلاجه لما تنفتح؟؟ لان في اشياء نقدر نعطيهم اياه بدل ماكل يوم نروح المركز على صخونة وعلى هرار..

بالنسبة لولدي فهو عمره سنة و8 اشهر حاليا.. وبالفعل انا استخدمت له من قبل بروسبان نقط بس احس الكمية كلش صغيرة حتى ماتجي بالابر هذا حسب الي مكتوب على العلبة .. وحسيت اخر مرة ماجاب نتيجه وياه فقلت يمكن المفروض ازيد بس ماحبيت اعطيه وبس

وبالنسبة للحساسية فبيت عمي تقريبا كلهم حساسية الخشم عندهم من كبارهم لصغارهم الله يبعد عنا وعنكم الشر.. كل من عمي يدخن .. وانا احاول قد ماقدر اذا فيه غبار ما اطلع وياه وماعندنا اشجار ولا شي هني وحتى بالشقة احاول مااحط بخور الا لما يكون طالع وجذي .. بس خبرش جونا بروحه كل يوم له شكل مايعرف الواحد شيسوي..
وهذا اسم البخاخ nasonex هو الدكتور كتب له واحد ثاني اسمه اظن فليكسيميت شي جذي بس الورقة حاليا مو عندي .. وقال لو ماحصلتيه خله يعطونش واحد نفسه والمركز عطونا هذا وسالت بالصيدلية قالوا لي بعد هذا احسن فتوكلت على الله واستخدمته .. حاليا حسيت انه احسن لما ينام مايشخر او ينسد خشمه بس حبيت اعرف تأثيره وجذي .. وبصراحه خايفة لاني سمعت بعض الادوية تسبب الربو على المدى البعيد او شي جذي فشنو تقولين انتي؟؟ وهالحساسية لو كانت من الوراثة ماتروح لما يكبر؟؟

مسامحه مللتششش خيووو11

حاضرين دوووم ثلـــــــــج و نـــــــــــــار


المده التقريبيه اذا كان الدواء محفوظ بصوره جيده شهر الى شهر و نص,
اذا كان في الثلاجه وفي مكان نظيف,
هذا بالنسبه الى الادويه العاديه, اما جميع المضادات الحيويه السائله,
من تخلص المده المعينه للشرب من تاريخ التحضير لها
يعني خلال 7 او 10 ايام خلاص تكون منتهيه الصلاحيه,
ما يصير تستخدمينها مره ثانيه,, او الانتظار الى عدوى اخرى ,, ما يجوز ,,


اما عن الشراب prospan
فأحسن في هذه الحاله تاخذين اليه شراب بدال النقط,
و ع حسب عمره تقدرين تعطينه 2.5 مل ثلاث مرات يوميا ,
هذا الدواء الزين فيه ان عشبي و زين للقصبات , بالاضافه ان ولدج فيه حساسيه
فيكون مفيد اليه , و اهم شيء ان مافي اضرار جانبيه مثل الادويه الكيميائيه.


اما عن البخاخ,
اذا اتيبين لي اسم الدواء الي كتبه نفسه الدكتور زين بعد, عشان اشوفه نفس مكون nasonex
وله لا..

المهم ان nasonexهو بخاخ وايد زين للحساسيه الانفيه, و يستخدم مره واحده في اليوم
و يكفي في اغلب الحالات من اسبوع ونصف اى اسبوعين.
بس مو زين المداومه عليه مده طويله لا steroid و هذه الماده مو من الجيد استخدامها
لفتره طويله بشكل مستمر,
بس بعد الاسبوعين من الاستخدام المتكرر, تقدرين تقطعينه و بعدين اي وقت ظهرت الحاله
عليه من جديد تستخدمينه اليه, و ع العلبه بعد مكتوب صالح الى اي قد من تاريخ الفتح...

واذا حسيتين يحتاج الى اكثر او اقل, من الافضل مراجعة الطبيب للفحص عليه ...
اما عن الحساسيه تضل و لا تروح , فمن الجيد تحاسبين اليه مثل ما قلت لج
من البدايه و هو صغير يبتعد عن الاشياء الي تثيره قدر الامكان,
اما تروح وله لا ع حسب الشخص و قابليته , في ناس تروح منهم مده من الزمن ثم تعاود
في الاربعينات, او في ناس ما تعاود, وفي اخرين تكون موسميه اليهم...
هذا ع حسب الشخص نفسه...


و الله يعطيه العافيه وما يشوف شر يارب,,,



و ما تمللت ابد, استأنس اقدم يد العون لأحد
و اي سؤال آخر حاضرين ,,,:d10: