بقلمي : تعلمي واستفيدي من تجارب الفاطميات الشخصية

[أم محمـد]

اقتباس:
المشاركة الأصلية كتبت بواسطة فداء تراب نعل ابي تراب
شو اني اشوف اللازم المرأه ماتعوف البيت لأن مثل ما نقول تزود الطين بله شتكولين ؟؟؟؟؟


بالفعل عزيزتي أحسنت ِ
هذا الحل المفروض يكون ما مطروق ومن ضمن الحلول الي تفكر بيها الزوجة
واني ضد خروج المشكلة من حيز الزوجين وحيز الغرفة المغلقة عليهم
وأكيد ضد خروج الزوجة من منزلها زعلانة لا يوم ولا شهر ولا ساعة فهذا مو من عاداتنا وتقاليدنا الاسلامية
واعتقد الزوجة لازم تكون متساهلة وتطلب بتساهلها رضا زوجها ورضا الله عنها بنيتها هذه


ودائما اذكر هذا النص من كتاب السيد سامي خضرة :

أن قاطعك زوجك لا تُقاطعيه ,, وأن جانبك لا تجانبيه ,, هذه هي سُنة ائمتنا , ولا تدخلي أحدا وسطا بينكما فهذا قد يُساعد على سوء التفاهم اكثر وفضح الاسرار وافتقاد الخصوصية .
......
وحل أي مشكلة يكون بالاستماع والتصبر ولا تتعصبي لهواك ولا تُعاندي ولا تظني أن الحق دائما معك , أو أنك تهدفين أن تنتصري على زوجك !!
ثم أن كثير من الخلافات تبدأ صغيرة فلننته منها وهي كذلك , ولا نزيد عليها مبالغين بكثرة النقاش والجدال والتعليق والرد والتحدي .

[ورده القطيف]

موضوع مفيد نستفيد منه مشكوره صاحبته

# روحي فداك ياحسين عجبني كلامش ويشب
هالي كنت بأقوله

[منتظرة للميثاق الأصدق]

حبيت الموضوع وبشده

تجربتي" (ذكر ناد عليا مظهر العجائب ...."

انا طالبه في المرحلة الثانويه ..ومن المعروف ان هالمرحله لابد من التركيز والمذاكره اول بأول
...يعني اي درجه تنقص تأثر على المستوى التحصيلي .
المهم ...
قبل شهر كان عندي اختبار فيزياء والكل يعرف ان هالمادة فيها مايسمى " الصعوبه المخيفه" هههه
طبعا ما فتحت الكتاب ف البيت ابدا ... وبما اني انا البنت الكبيرة كنت مع الوالده ف المستشفى الله يحفظها
وفي ليلة الاختبار دعيت ربي يوفقني ف الاختبار وقعدت اردد "ناد عليا مظهر العجائب ....."...وشفت منام غير واضح .
رحت للمدرسه وخبرت البنات اني مافتحت الكتاب لان عندي ضروف ,نصحتني اقرب صديقه لي اني شوي اطلع على الاشياء المهمه ف الكتاب وقبل الاختبار اردد " ناد عليا مظهر العجائب..."
لكن من ناحيه ثانيه وحدة من البنات المنافسات لي ف الصف تقولي اني مارح افلح ف الاختبار واحسن لي ما اتعب نفسي ...الصراحه ماكنت اعرف شو قصدها هل المقصود المزااح او ....الله اعلم

سويت الي قالتلي اياه صديقتي ...
والمفاجأه اني حليت كل الاشئله بنموذجيه تاااااامة .. انا استغربت من نفسي
بعد يومين ف طابور الصباح نادوا اسمي اني اعلى درجه ف اختبار الفيزياء الاول ...
هذي اول يصير معي هالموقف .


سبحان الله ..

اخواتي الفاطميات هناك دروس عديد تعلمتها من هذا الموقف :

اولها ... ذكر علي عباده لاتنسي تقولي " ناد عليا مظهر العجائب تجدة عونا لك في النوائب وكل هم وغم سينجلي بولايتك يا علي ياعلي ياعلي.."" بكل نيه صافيه

2- طلبي من الوالده تدعيلج ... دعاء الام مستجاب

3-حاول تختاري احسن الصديقات وسمعي نصيحتهم


الله يبعدكم عن كل سوء ....

تحياتي

[نور العترة]

السلام عليكم
في تجربة في الصلاة على محمد وآل محمد ,, \لبت لأخوي يتزوج بعد مانذرت صلوات على محمد وأل محمد
بعد شهر تقريبا طلب نخطب له على طول مادورنا اول بيت كان النصيب المهم يوم جات الموافقة امي قبلها احلمت
قالت لها وحدة ادي النذر اللي عليك ترى وافقوا خبرتني الحلم قلت لها اني نذرت له الله استجاب دعائي
مافي مره طلب لأحد الا استجاب دعائي ببركات الصلاة على محمد اللهم صل على محمد
الان اخبركم فضلها في قضاء الحوائج تيسير الامور
قضى الله لنا ولكم حوائجنا بحق محمد وآل محمد
نسالكم الدعاء

[منار الزهراء]

أخواتي الغاليات ترددت كثيرآ في كتابة تجربتي
طبعا من ظمن تجارب لكن تجربة وحدة عاشت معاي سنين طويلة وهي انه زوجي كان يريد ان يتزوج باخرى يعني مو وحدة محددة وكان كل فترة يجيني بمبرر وبدات من اول طفل ولحد يتوقع كنت مقصرة باي جانب وطبعا ماكو امراة ماتقصر لكن مو التقصير اللي يستوجب الزواج
وكنت ولله الحمد صبورة ومجاهدة من الطراز الاول بالنسبة للنساء الحولي
وماكان احد يشجعه على الزواج لااخ ولااخت ويكللولة متلكة مثلها لانها صابرة
شلون صابرة تحملت مرارة العيش والام الحياة بشتى الميادين
اضافة للمطاردات البعثية من بيت الى بيت بحيث كان خالي الله يرحمه يقللي كلما انوي ازورك يكلولي تحولو لبيت اخر ماطول عليكم حتى خارج العراق طلعت وكان هو بكل هذه الظروف يريد يتزوج لان دائما يكول حققت نجاح بعائلة اريد احقق نجاح بعائلة ثانية
المهم ماطول السالفة اني طول سنين مقتنعة لدرجة ابحث له عن امراة وحتى استخير له على نساء وتطلع الخيرة جيدة لكن ماتصير القسمة واي وحدة يتقدم عليهة ترفض وبعدين مباشرة تتزوج عبالك يفتح قسمتها لكن اكثر اليتقدم لهن يعرفني فيرفضن
بصراحة كنت انظر لراحته من كل الجوانب واكله اي شي يحققلك سعادة
اني وياك
ماكنت انظر لغير امور
وكان اكثر النساء الحولي تنعتني بالمجنونة
او الحيالة
لان كان الرجال يعيروهن بية
لكن بعد ماشفت روحي تعبت على تكوين هذه الاسرة وقوامها بفضل رب العالمين
لالا..تغيرت 180 درجة
هسة نهائيا ما اتحمل حتى يتشاقة وياي بالموضوع
حتى اصدقاءه القدماء من شافوه بعد سنين استغربو ليش لسة ماتزوج لان رغم اصرارة وخطبته لاكثر من مرة

هسة ماعرف انطوني رايكم شلونهة تجربتي
وطبعآ هذه قطرة من بحر لان اكو ميتسولفن عالهواء
جاوبوني ليش تغيرت ؟

[دموع واهات الزهراء]

حبيبتي منار الزهراء

واقعا كلامك احزنني وافرحني في نفس الوقت

احزنني لان مثلك زوجة المفروض زوجها ما يفكر يتزوج عليها مع احترامي لزوجك

وافرحني لان الحمد لله زوجك لم يتزوج

واما سؤالك لماذا تغيرت ؟؟؟؟؟؟؟؟؟؟

حبيبتي ماكو زوجة بالدنيا تتقبل وجود زوجة ثانية تشاركها في زوجها

حتى وان وافقت وحتى لو كانت هي التي تخطبها بيدها له

هذا كلام لا يصدقه عقل !!!!!!!!!!!!!!!!!!!!!!!!!

ولسبب جدا بسيط لان الزوج عزيز والله سبحانه وتعالى يدخل ويجعل المودة والرحمة والحب بين الزوجين

من اول ليلة زواج

وحتى لو قلت لاني احبه واريد سعادته وما اقدر ان ارفض له طلب

صدقيني لو تزوج حقا لندمتي طوال حياتك

والحمد لله انك غيرتي رأيك ...هههه

وانا برأيي انك تغيرتي بسبب تمسكك ببيتك وزوجك ولقد تنبهتي ان هذا الزواج سوف يهدم كل ما بنيتيه

خلال هذه السنوات والحمد لله انك تغيرتي وغيرتي رأيك

ابقي صامدة وتمسكي اكثر واكثر ببيتك وزوجك

ولا تفكرين اذا تزوج زوجك راح تسعدينه صدقيني

ان الرجل يفكر ان الزواج سعادة ولا يعرف ما هي الخسائر التي تترتب على هذا الزواج

الا اذا تزوج ولكن لا يعترف مهما كان انه سوف يهدد بيته ويزعزع سعادته وسعادة اولاده

وهذا حال كل الرجال

حياتي اتمنى لك السعادة والتوفيق في حياتك ومع زوجك وانشاء الله تقضين حياة سعيدة الى اخر العمر

وانشاء الله زوجك يشيل هذه الفكرة من راسه نهايا ولا يفكر بيها بحق الحسين عليه السلام

تقبلي تحياتي ودعواتي لك من القلب

[™╝ йaωяa2]

مرحبا

هاي اول مشاركة لي بالمنتدى

عجبني الموضوع واااااااااااااااااااااايد


جدا مهم ومفييييد

عندي تجارب كثيرة تعلمت منها

ومثل ما يقولون الحياة تجارب

حبيت اشاركم تجربتي

بعنوان مشاكل النقاشات الحادة

كنت اعاني من مشاكل مع اهلي وعائلتي في حال طرح موضوع وتم النقاش فيه باختلاف الراي

كنت انفعل مع الراي المعاكس لي واعصابي تتوتر

وفي اغلب المرات الاقي كلمات تجرحني او تضايقني من اقرب الناس لي في حال النقاشات الحادة

ومرة من المرات صار نقاش بسيط على تجمع عائلي معتادين عليه وبعض الافراد اعتذرو والبعض الاخر تم مصر على حضور الكل وقلت كلمة واحدة كل شخص على راحته لا نجبر احد

وهذه الكلمة اثارت المعتذرين وقامو بهول الكلمات علي وووووو

وبعد فترة من باب المزح فتحنا موضوع انا واخوتي مع بقية العائلة ونفس الحال سمعنا هول من الكلمات التي اصدمتني بمعنى الكلمة


منها تعلمت انه مالي دخل باي شخص واكلم الكل بحدود وما ادخل باي نقاش حاد ولا مزح

حفاظا على كرامتي وماء وجهي

لانه بعض الناس لا يحترم مشاعر الاخرين وبالمقابل ذاته لا تمس

[أم محمـد]

أللهم صلِ على محمد وأل محمد وعجل فرجهم

السلام عليكم

أحسنتم عزيزاتي على نقل تجاربكم ومساعدتنا لبعض في محاولة الاستفادة منها

عزيزتي منار الزهراء ,, حقيقة أختي أني من المتابعين لردودك ومواضيعك ودائما تعجبني وبشدة

واسمحيلي اعلق على تجربتك ,,

عزيزتي اول شئ بالتجربة أني اهنيج لان تعاملتِ ويا الموضوع برجاحة عقل كبيرة
وما حاولتي تتعاملين ويا الموضوع بغيرة أو حسد أو احساس بالظلم من قبل زوجج
وان كان رأي المفروض التغيير ورا هاي السنوات ما يصير وما ينفع تغيرين رايج
يعني كان افضل لو كان الرفض بسنين الزواج الاولى وبعدين تقتنعين وتوافقين
أفضل من موافقتك لسنوات وبعدين يجي الرفض
ليش تغيرتِ وليش رفضتِ ماكو وحدة بيننا ممكن تجاوبج ,, لان بس أنتِ تعرفين السبب
وانتِ الوحيدة اللي ممكن تجاوبين على هذا السؤال
وبشكل عام أني مو ضد الزواج الثاني
واعرف حالات متزوجين باكثر من زوجة والزوجات عايشين مستقرات وبنفس المنزل
يمكن أني مو ضدها لان ما مجربتها ويمكن عندي نوع من الاطمئنان اني ما أتوقع اجربها
ما أعرف
بس انصحكم بقراءة هذا الكتاب بعنوان
تعدد الزوجات ,, كرامة أم خيانة . للسيد سامي خضرة

http://www.samikhadra.org/books/cont...iles/wifes.htm

كتاب مميز كما أغلب مؤلفات السيد وكتيباته
يناقش قضية الزواج الثاني والثالث والتعدد بشكل عام من وجهة نظر اسلامية

وان شاء الله الموفقية والراحة والسعادة للجميع

[منار الزهراء]

اقتباس:
وانشاء الله زوجك يشيل هذه الفكرة من راسه نهايا ولا يفكر بيها بحق الحسين عليه السلام
اقتباس:





أي عفية أخيتي دموع وآهات الزهراء ادعيلي لان يقول بس الموت لاسامح الله يمنعني عن هذه الفكرة وأشكر لك تعليقك على تجربتي
حبيبتي الغالية لحد الآن استغرب من تفكيري قبل هو يكلي صار عندك نضج فكري أوسع لان قبل كنت بسيطة
يمكن صدك وطبعآ هذا النضج الفكري ولله الحمد بفضل منتدانا الغالي وبحثي في شتى المجالات يعني عرفت شلون استغل الانترنت والله يبعد عني الضرة هههههههه الله ليجيبهة

حبيبتي ام محمد اشكر لك اطراءك يعمري انت الرائدة بطرح المواضيع المميزة
أختي الغالية انت مامجربة من الوحدة زوجها يريد يتزوج زوجة ثانية وهي عانت ماعانت وتعبت مثل مانقول حفرت بالصخرحتى بنت بيت ماتخيل تجي ثانية تساعدني بالحفاظ عليه
ماأتحمل تزعزع البناء لان ماكو امرأة تفرح بنجاح امرأةثانية او ماكو ند لي موغرور او اعجاب بنفسي لكن رحم الله امرئ عرف قدر نفسه, وزوجي دائمآ يصنف علي يكللي الخلقج ماخلق غيرج اكله من تلكة وحدة بطيبتي وصفاتي اني موافقة
فرحتوني من رديتو على تجربتي حبايبي

[أم محمـد]

السلام عليكم

حبيبتي منار الزهراء ,,
فعلا عزيزتي اني يمكن ما مجربة وما عايشة نفس تجربتك ومثل ما يكولون
اللي أيده بالمي مو مثل اللي ايده بالنار
ومثل ما ذكرت يمكن حتى عدم رفضي لفكرة الزوجة الثانية نتيجة قناعتي أو اطمئناني المبدئي اني مراح اجربها

بس يبقى الرفض بالسنين الاولى للزوجة ما ممكن اكول حق لان الحق ما يجي اعتراض على الشرع
بس ممكن الزوجة تكون وجهة نظرها زوجي ما عاشرني ما عرفني زين
ما شافني كأنثى كزوجة كأم كشريكة وسند بالحياة اعينه على الاخرة قبل الدنيا
ويجوز تكون حجة زواجه واهية أو مو مقنعة وان كانت حق ومشروع بالنص من الخالق

لكن بعد سنوات وبعد ما كبرت العائلة وعرفت أكون انثى واكون أم واكون سند وعون لهذا الرجال وحفرت بالصخر لهاي العائلة
وعرفني زين ما اكون خايفة من تقصيري وان تكون تجربته الثانية راح تبخس شئ من حقي على الاقل عنده
بالذات أذا كان زوجي أنسان ملتزم و واعي للدين الصحيح قولا وفعلا

ويمكن هناك من يكول كلها حجج أي سبب راح تنطي حتى السبب اللي ذكرتيه عن نجاحه بعائلة ثانية
اكيد من راح يكولج كلها حجج لو "عين زايغة "
بس هل نكدر نقسم أنو اسبابه "مو قصدي زوجج أي زوج يفكر بالزوجة الثانية "
هل نكدر نتاكد أو نقسم أنو اسبابه واهية وحججه ضعيفة
مو هذا راح يكون الباب اللي راح يدخل منه ابليس ويخلينا نرفض الشرع اللي نازل بالقران


مع هذا صح كثير رجال ما يكدرون يعدلون ويمكن او غالبا تجي الزوجة الثانية ويجوز تكون سبب للمشاكل
بس الهدوء بمناقشة الموضوع والجانب الشرعي منه شئ مهم ما يصير نهمله
واكيد الاختيار الدقيق من قبل الزوج للزوجة الثانية
وأرجع اكولج بالعافية عليج تفكيرج الهادئ والرزين بالموضوع والتجربة

الله يريح بالج عزيزتي ويسخرج لزوجج ويسخر زوجج ألج
ويرزقكم خير الدنيا والاخرة والصالح أينما كان