[بقلمي] حملة التخلص من الحفاظ >< هلموا يا أمهات><

[أم فاتي زيزي]

كوين الموضوع بيضل مفتوح انشاء الله لين تعلمين ولدش او بنتش على الحمام فاستفيدي من الحين في اقتباس الافكاار

[عاشقة العتره الطاهره]

بِـسْـمِ اللّهِ الـرَّحْـمـنِ الـرَّحِـيـمِ

اَللّـهُمَّ صَلِّ عَلى مُحَمَّد وَآلِهِ الاْوصياءِ الْمَرْضِيِّينَ، وَاكْفِني ما اَهَمَّني مِنْ اَمْرِ الدُّنْيا وَالاخِرَةِ يا اَرْحَمَ الرّاحِمينَ

يسلموو خيتوو و يعطيك ربي الف عافيه







دًٍمًتُِِّْمً بٌَِخٌِيَرٌٍ ،،



نْسٌِِّآلكَمً خٌِآلصٍْ آلدًٍعًٍآء

تحيـــــــــــــــــــ عاشقة آل البيت(ع) ــــــــــــــــــاتي

[نوراء]

موضوع جميل بارك الله فيكم أخواتي
اني ابني ما تعبني عند ترك الحفاظ اني عودته من هو سنه اول الايام البول انتن بكرامة اوقات يتبول في الصالة بعدين عملت اليه جدول من يذهب الحمام احط اليه نجمة وكل 10 نجوم اليه هدية او جولة الى مكان العاب وتعود بسرعة

[أم فاتي زيزي]

اللهم صلي على محمد وال محمد

نوراء : فعلا نظامش رائع مع طفلك راح اتبعه بس للحين ماحس انه يمكنهم السيطرة على التبول مع انه لما ادخلهم الحمام وانتو بكرامة واطلب منهم التبول يقومون بالحركة ويقولون اس اس بس يتطنزون :d35:ويضحكون واذا سالتهم تبون تسون اس يجاوبون بالنفي بس مايتبولون بالخاارج وانا بعد اسرع في تلبيسهم الحفاظ


احس وايد صعب الموضوع وخصوصا مع فاتي الحلوة ماترضى تسويها في الحمام مع انه من اشوفها تبي تسويها اركض ابها واعجز في الحمام تقول لي ماما طاحت وهي مانزلت شي وارد البسها وتقوم تسويها في الحفاظ مع اني اخليها مدة طويلة في الحمام >>>> وايد تعبتيني هالنتفة

[نوراء]

مشكورة أختي موضوعاتك روعة بارك الله فيك
اني ولدي تعود بسرعة تقريبا سنة و 3 أشهر بالتشجيع وعملت اليه جدول عندما يقضي حاجته في الحمام أكرمكم الله اضع اليه نجمة عندما اجمع اليه 5 نجوم اشتري اليه هدية أو اوديه مكان العاب

[الحوراء الأنسية]

السلام عليكم شخباركم
جيت من الاجازة الموضوع مندثر وين العزيمة
يالله ردوا
أني سافرت وفي السفر فطوم تمام التمام الله هداها ببركات السيدة ورجعنا وهي حلوة بس من داومت وهي رادة مخرطتنها الظاهر رد فعل لأني هديتها بس لا يمكن أخليها تنتصر عليي
يالله وينكم
أم حسين ها شالأخبار؟؟؟
لأي مرحلة وصلتين

[أم حسين]

الحوراء الأنسية ..

الحمد لله على السلامة و تقبل الله أعمالكم و إن شاء الله ما نسيتونا من الدعاء عند السيدة ..

و انا اقول هالبنية اختفت مرة وحدة وين راحت !!!

و يمكن فطوووم انتكست لأنها تعودت على وجودج معاها في الفترة اللي راحت ..

بس ما دام نجحتي معاها قبل لا تتركيها الحين و الله يعينج و تنتصرين عليها

و بالنسبة لي لا جديد !!!

بس هاليومين اشووف حسوني إذا جى بيسويها يصك رجايله و يجي يحضنا اني لو ابوه !!

شكله يضايق يسويها بالحفاضة أو معاه امساك ما ادري .. لأنه يقول يعورني اسأله شنو يعورك ؟؟ يقول لي بطني !!!

عموماً هو عنده هالفترة استعداد انه يتعلم ..

بس اني اللي ما عندي عزيمة !!!

أولاً انشغلت في الفترة اللي راحت و كنت احسه انه ما كان عنده استعداد قبل ..

و ثاني شي لأني أخاااف ابتدي معاه الحين و انشغل بعدين عنه في شهر رمضان و يضيع تعبي !!

فشنو تشوروا عليّ أدربه الحين لو بعد شهر رمضان ؟؟؟!!!!

[QUEEN]

المشاركة الأصلية كتبت بواسطة أم فاتي زيزي

كوين الموضوع بيضل مفتوح انشاء الله لين تعلمين ولدش او بنتش على الحمام فاستفيدي من الحين في اقتباس الافكاار

حسبي الله على ابليسش اني توني صغيره عمري 13 قصدي اعيال خوواتي مو اني هههههههههههههههههههههههههههه فضحتينه *23

[الحوراء الأنسية]

أم حسين من رأيي على الأقل لما تحسين عليه العلامات اللي تكلمتين عنها وديه
أني فطوم ساعات لين فيها الكبيرة تقول ليي بكني وأني أفهم أنها بتروح الحمام لأن إدا طاف وقت ولا ترجمتين أفعاله بعدين ما بيصير عنده ربط
وخصوصاً إنش اشتريتين ليه الكرسي مال الحمام فبيتعود إنه لعبة عادية مو شي مخصص للحمام كل ما تأخرتين عنه
في رأيي كل ما بكرتين أفضل بس قيسي مدى جاهزيتش إدا ما عندش جاهزية أجليها لبعد رمضان
والله يوفقش

[الحوراء الأنسية]

ونسيت أرد
الله يسلم حبايبش خيو
ويتقبل منا ومنكم صالح الأعمال