حلى سريع ولذيــذ بالصور.....

[تراتيل]

السلام عليكم ورحمة الله وبركاته
جبت لكم حلى سريع وشكله لذيذ لاني بصراحه ماجربته
يالله مااطول عليكم
الحمدلله والصلاة والسلام علىى رسول الله وعلى آله وصحبه أجمعين
المقادير :
ملاحظه:لنتائج افضل يستحسن يكون عندك الأواني الزجاجيه مثل اللي استخدمتها ، في حال ماتوفر لك ممكن تستخدمين أواني الشموع اللي تجيك صغيره ، حلاتها بصغر حجمها ، لاتغركم مبين بالصوره كبيره بينما هي عكس ذلك , حجمها مطابق تقريباً لقطر حبة الأوريو

لكميه تكفي 12 آنيه ل 12 شخص .
كيك شوكولاته ( استخدمت نصف كيكة امريكانا ) شخصيا افضل اصلح الكيكه بنفسي بس هالمره عشان التصوير استخدمت امريكانا <== خايفه تتهمونها بحب الشقاء ..( بنات مره مره تغيرت بعض الماركات عندنا يستخفون بنا .. ممكن تستخدمين بيتي كروكر , sara lee ( سارا لي ),لأن أمريكانا تغير بالحيل بس مايبين بالحلى )

12 حبة بسكوت بالسمسم ( اولكر)

( كيس أوريو واحد) أبو 6 حبات منزوع الكريمه ( يعني بيطلع معنا 12 شرحه)

حليب للتغميس

2 حبه بسكوت اوريو ( منزوع الكريمه يعني 4 شرحات )

للزينه :شوكولاته مره
الطريقه:
نقطع الكيك قطع عشوائيه ونرصها أسفل كل وعاء
نضغطها بالاصبع ( عاد مو تفعصينها لين تموت , بالراحه عليها , لأني زمان كنت أفعصها بكل جوارحي ماأدري ليه , فتصير تتعب با الاكل )

نغمس بسكوت السمسم بالحليب ونضعه فوق الكيك ( بعد مو تخلينه يسبح على كيفه ؟؟ بسكويت السمسم بسرعه يتفتت بس ذوقيه الحليب .. غمسه وحده ونزليه بسرعه )

ايضاً نغمس بسكوت الأوريو ونرصه فوق بسكوت السمسم (يستحمل الحليب حبتين ماراح ينخنق) <==== مسكين مو راضي يشرب الحليب

نخلط مقاديرصوص الشوكولاته بالخلاط الى ان يتجانس .
عارفين كلنا أن التويكس يابس , فأفضل طريقه أنك أول ماتبدين بالتحضير تخلطينه , وكل شوي دز دز دز ( مسموح التعذيب هنا )
وأحرصي أن المكونات تكون على درجة حرارة الغرفه عشان لا تتعبين بالخلط

نصب الخليط فوق كل اناء حتى نغمره

نزينه ببشر شوكولاته مره أو اي نوع شوكولاته ، بس يستحسن تكون مره عشان تعدل النكهه ، وتعطي شكل أحلى

وبالهناء والعافيه

منقووووووووول