عرسان يموتوا من الضحك ويحزنوا بنفس الوقت

[بريئة وجريئة]

مواقف عرسان منها المضحك والغريب والمحزن



حركه حلوه
عريس توووه أخذ عروسته من أهلها وموديها للبيت
(طبعا كان الوقت متأخر والشوارع تقريبا فاضيه في حارتهم )
قال العريس : وش رايك اوريك حركه حلوه ؟
(قصده يفحط , ما تحمل الرجال فيه عرق التفحيط شغال !! )
قالت :لا ما يحتاج ( البنت موناقصه ترويع كافي عليها أنت !!! )
قال : إلا إلا شوفي هذي ................................
ولا صحت إلا بالمستشفى , وقضوا أجمل شهر عسل على الاسره البيضاء
(خوووووووووش شهر)



وش تبين ؟
أيضا عريس اخذ عروسته من القاعة , جو أهلها بيسوون لها موكب والعريس
رأسه وألف سيف محد يلحقهم , يابن الحلال مو عشانك عشان بنتنا !!
ولا فيه فايده , المهم أخذ زوجته وراح يتمشى فيها(مسوي فيها رومانسي)
ورجها طوال الطريق : وش تبين تتعشين؟
وهي تقول : سلامتك ما ابغى شيء
ويقول :لالالالا لازم تأكلين شيء ؟؟
وهي تقول : والله ما أبغى شيء
ويقول : لالالالالا وش هالكلام ....... ( ياخي فقعت مرارتها موناقصتك )
وأصر أنه لازم يشتري لها شىء
قالت : خلاص ببسي
(يا عمري بسيطه , والله لو منها استغل الموقف وما أوقفه إلا عند أغلى
مطعم حتى لو أكله شين)

المهم نزل الأخ يجيب لها ببسي ( وطبعا ترك السيارة شغاله عشان ماتفطس
من الحر ) ,, يوم رجع ؟؟
وين السيارة ؟؟؟؟؟؟؟؟؟ وين زوجتي ؟؟؟ وين ما وين !!!!

طبعا السيارة وأكيد البنت انسرقو
( فيه مجرم يتهيأ له سياره فخمه وبداخلها عروس كاشخه ويقول لا !!!!)




أحفظ زين
عريس دخل على عروسته وحط يده على جبهتها !!!!!!!! وبعدين سكت
ويفكر ويفكر ويحاول الأخ يتذكر الدعاء , يدورمن هنا وإلا هناك ولا لقاه
واخر شيء قال " الحمدلله الذي سخر لنا هذا وماكنا له مقرنين"
العروس ما استحملت الموقف انفجرت من الضحك !!!
(معذوره وش ذااااااا الأخ بيسافر!!! )



جدول الضرب
عرسان يسولفون لليلة العرس (داقين حنك ) , ومافيه موضوع إلا وتكلمو
عنه (طبعا هذا أول يوم والسوالف الحلوة ) ووصلو لموضوع جدول
الضرب ( أنا مدري وش اللي وصلهم له!! يبدو انه مدرس رياضيات)
قالت العروسه : تصدق حتى الآن ما حفظته ( قولي آمين الله يفشلك)
قال : ولا يهمك وجاب ورقه وقلم وجلس يعلمها ( أنواع الروااااقه )
3 في5 = 15 قولي وراي .......................... هاهاهاهاها هاهاها