[بقلمي] عودة مع الدلوعة قمري وحبايبها وصديقاتها .. ( الجزء 3 ) ..حياكم.. فرفشووو..

[خادمة قائم آل محمد]

اللهم صل على محمد وآل محمد

اخواتي الغاليات السلام وأجمل التحيات أرسلها من قلوبنا الى قلوبكم الرائعة . وكل عام وأنتم بألف خير .. وبعد

النجاح الذي حققه الجزئين (دلع قمري.. والفضل لله عز وجل وسداد اهل البيت عليهم السلام ودعواتكم لنا

وكلامكم وتشجيعكم وافادتكم وانفعالاتكم المتميزهـ .. لقد عدت مع حلة جديدة وأجمل ان شاء الله تنال على

اعجابكم ولدي الثقة بذلك....

ياالله أخواتي الغاليات .. يبيله سهرة مع دلع حبيبتكم قمري (خادمة سلطان العصر) عجل- ومزاج راااآيق .. اهم

شي العيال مو موجودين >> ناوية على شي قمري .. هههههههههه...

اختي حبيبتي الفاطمية ...!!

لن تندمي على المتابعة ..!!

وين استكانة الشاي .. وكوب القهوة ؟؟!

يلااااا....

1

2

3

تؤبشوني .. يا لبي ألبكوووم .. رمضان كريم.. شووو ما عرفتوني .. آنا ريري حبيبة قلب ماي هازبيند << لووووول ردينا ههههههه
الحمد لله يؤبر ألبي ماي هازبيند بيحبني لا هلأ .. لبست حجاب .. انجن على حالي بزيادة
اي لاكاااان ..صرت أحلى وأصغر وأثأل<<قصدها أثقل ..

اختي الغالية..
الفاطمية ..لاحظي حجابها بنفسج غامق ينور الوجه ..لا تتقيدين في الحجاب الاسود ..لبسي
البنفسج أو الكحلى(الارزق الغامق) أو الاخضر كلهم حلوين وتضفي على الوجه جمال
ورونق راآآائع

هاااااي حبيباتي شخباركم؟؟
آنا قمري .. غيرت شكلي ..بعد الغثا اللي حصلته من دراستي
الصصصعبـة..

الموووهيممم!!
بعد المعاناة قلت أبي أغير شكلي .. شرايكم حطيت ماسكات عسل وزيت زيتون ومايونيز على شعري نص ساعة وبعدها أغسله شوفي شلون يلق لق شعري وقصيته طبقات وحركات
غااارت مني بنت جيرانا الدعلة المليقة عرفتوهاااا؟!

اختي الغالية اشرايج بتسريحة وقصت شعر قمور (خادمة سلطان العصر) طبعا أكيد عجبتج ..لا تقولين الحين ماكو مناسبة
ولا حفلة ولا ..ولا.. خليج علطول ستايل وشكلج كل شوي يتغير جدام زوجج عشان ما يمل .. حتى لو ما تكلم ..حلاتها تجي الفكرة منج..أو على الاقل
سوي مفاجأة له .. لا تنسين الدلع والحركات بشعرج جدام زوجج الغالي .. مرة يمين .. مرة يسار ..ههههههههه.. صوووح ولا مو صوووح؟؟

مع كوب نسكافيـه ...
طيراااان .. قمورة على ممكلتها الجميلة...

شرايكم بغرفتي.. ؟؟ وااااو
صوووح << بدينا بالاستهبال ههههههههه...

ترى غيرت كل مزاجي بسبت انتهائي من الشقا.. أقصد
الدراسة .. عشان جذي الغرفة بمنتهى الدلع والانوثة خصوصا هاللون أصلاااان.. غرامي

بعد ساعة من جلوس قمري أمام جهاز اللابتوب .. جائت رنة غريبة فجأأأأة!!
كحح كحححح << اشرقت قمري بالقهوة.. ما تسوى عليها
وانكبت على اللابتوب .. هههههههههه..
لا لا.. الرنة مو طبيعية وكأنها تحمل من وراء السماعات خبر غير شكل!! يا ترى
شنو الخبر يا قمري؟؟؟
بالحلقات الياية نعرف >> حمااااااس هههههههه

رن

تررررن!!

رن رن ..!!

ههههههههههه...

وعودة رمضانية .. تضحكم وتفرفشششش:

زينة وريوم وغالية وكوكو خوات من أب وأمين ثنتين وكلهم الاربعة صديقات قمري من الثانوية

يوم الخميس اول يوم من رمضان راحوا طلو طلة على بنت عمة قمري

3 3 3

دار الحوار الآتي:
زينة: السلام عليكم هلا والله ببنت عم قمورة صديقتنا
فرح(بنت عم قمري) :أسفرت وأنورت.. توه ما نور البيت يا هلا بجيتكم صديقات بنت عمي الغالية قمرة
غالية: النور نورج طال عمرج فروحة .. هلااااا بالزين كله .. شالكشخة ..شنو مسوية بعمرج ؟!

فرح: احممم .. استحي بنااااات.. هههههههه..
زينة (ملهوووفة) : يلا اعترفي من وين شارية الجلابية قولي لي بس آنا من وين؟ << نحاسة عيني عينك .. هههههههههه
ريم:اي والله ما شاء الله عليج فروحة كأنج أصغر مني >>بدينا بكذب النسوان هههههههه
فرح:والله زوجي ماسك علي.. شاف الشحرورة ع التلفزيون الا يبي هالشقار وهالهايلات ..
كوكو: مالت عليها طاح حظها هالشحرورة صبوحة بينها وبين القبر متر ..ههههههه
ريم: هي جت على الصبوحة بس.. شايفين البنات هالايام شعورهم كلها صفرة تقولون كل وحدة ماخذة كل الكركم
اللي بالمطبخ وحاطته على شعرها ههههههههه
فرح : هههههههه.. الله يقطع ابليسج كوكو ..الا بينها وبين القبر شعرة ولي الحين تلق لق نفس الطوفة
كوكو: احنا نسينا السوالف وما ضيفتينا يا بنت عم قمورتنا <<يا ويلي ع اللقافة هههههههه
غالية: كوكو مطيحة الميانة ..الظاهر تبي تكملها سهرة معاج فروحة
فرح: سامحوني يا الغاليات ..خذتنا السوالف وسوالفكم
واللهي ما تنمل ....أقووول لكم آنا اليوم مسوية لكم شغلات تنسيكم نفسكم
زينة: اخترب رجيمنا ..البلكونات طلعت من الحين ..هاذي اولها ..عيل شلون تاليها
الجميع(بصوت عالي) : ههههههههههههههه
ريم: كوكو شفتي شنو مهولة بنفسها ولا دراعتها شكلها غالية ..الله يعين زوجها
كوكو: وه عليج يا قلبي منو قال زوجها متضايق منها ..أصلا ما يشوف غيرها ..كاشخة جدامه 24 ساعة
يا حظها بس!!
غالية: بسكم حش وقراض بالمرة ..أمداها راحت حشيتو فيها؟؟!!
ريم: ويي نسيت نفسي.. احنا برمضان ما يصير نحش وننمم و... و...
زينة (مع ابتسامة استهزاء): هو الحش والقراض بالحريم حصري بهالشهر بس؟
كوكو: حصري فوازير ولا دراما ..هههههههههه
زينة وريم: هههههههههه... لا لا.. مسلسل مسابقات..
غالية: الا على طاري المسلسلات ..شنو تتابعون يا قليباتي؟
كوكو (بكل برود) قالت :آنا ما اتابع شي ..بس آكل هريس وحلوى شويطر ههههههههه
ريم: ويي يا غالية يا بنت الغالية من كثر المسلسلات ..الوحدة لاعت جبدها ما قمت أتابع شي ..حايسة مع العيال
غالية: يوووه فديتكم اشفيكم كليتوني بقشوري.. سألتكم بس سؤال
ريم: لا تاخذين على خاطرج غلاوي ..تبين الصدق صار لي جم سنة الحمد لله مخففة من هالتلفزيون ومتفرغة
للعبادات وختمات القرآن وهذا المفروض يصير من أول ما تزوجت بو حسن..

ومع اندماج وهذرة الحريم ومابقا شي ما قالوه << هو بقا شي غير الحش بخلق الله ههههههههه
أخيرااااان... وبعد ثلث ساعة ..جائت وهلت فرح بأحلى الاطباق
تفضلووو اسم الله ..

بعد هالسفرة .. ماكو سحور خلاص.. هههههههه

3 3 3

فاتي تتذكرونها؟؟؟؟؟
أحلى عروسة ..صديقة قمـري..
صار لها جم شهر من تزوجت .. الحمد لله عايشة عيشة هنية مع زوجها الحكيم
كل يوم طالعة معاه طلعات و وناسات .. مرة مطعم .. مرة كافيه .. مرة مشية على البحر.. مرة شاليه مع أهله
ومرات يقعدون بالبيت ويسهرون على فلم يستحق المشاهدة أو مسرحية تعلو ضحكاتهم ويغيرون الروتين الممل بعض الاحيان
بس عيب بعلها الحبيب شي واحد !! اذا زعل لا يحووشك ..يظل اسبووووع ما يكلمها .. وه وه يا حافظ اشصاير بالدنيا ..بس فتوتة
صديقة قمورة طلعت شاطرة وتفهم ..عرفت ان نقطة ضعف زوجها بطنه ..!!ولأنها شاطرة بالطباخ عرفت تراضيه اذا زعل عليها ..

اتصلت بأمها وصار الحوار الآتي:

فاتي(بقمة التوتر): آلوو مامي شلونج شخبارج؟
أم فاتي: بسم الله ! انتي شنو مقعدج لي هالحزة (الوقت) الساعة نص الليل الحين ما تأجلين كلامج لي باجر
فاتي: اول الشي الناس يسلمون هههههه
أم فاتي: السلام عليكم ورحمة الله ..كح كححح... هاااااا.. فاتي مالي خلق غشمرة يالله دخلي بالموضوع
لا تلفين وتدورين علي .. قولي لي أكيد خدامتج اليديدة انحاشت
فاتي : لا لاااا وه الله لا يقول.. يمة لا تفاولين علي بالشر مو ناقصة آنا ترى ضغطي مرتفع
ام فاتي: يمة يا بنيتي حشاشة جوفي اشفيج تكلمي..لا أطلع من سماعة التلفون << حشا رامبو .. مو أم .. ههههههههه..
فاتي: يمة انتي تخلين الوحدة تتكلم .. اول ما كلمتج استلمتيني وخليتيني مجرمة.. بالله آنا شنو مسوية مع الخدم .. الاولى رافسة النعمة
ما تبي بيتي النظيف الحلو..ملت وطلعت وانحاشت هههههههه بدون سبب
أم فاتي :لا غلطانة يا الشاطرة .. لان من قلة الشغل جننتيها بالنجرة والمراقبة والحنة والرررنة.. وفوق هذا توك متزوجة ..بالله عليج فهميني ليش مدخلتها بيتج
قبل البيبي الاول.. اكيد ماكو شغل .. واكيد انحاشت لان زوجج بو عين زايغة بدا يطالعها ويراقبها وين تروح وين تيي
فاتي : الموووهم يمة أنا راسي مصدع وحاسة ان ضغطي نزل زيادة << اووب على الكذب قبل دقيقة ضغطها مرتفع هههههههههه
ام فاتي: هاذي الحقيقة فااااتووو ولا شنو
فاتي : مااااامي .. علميني مسخنة دجاج وبعد مرق مع السمك اللي طبخيتها حق ابوي رمضان الفايت عفية تكفين الحين ضروري
ام فاتي: علمتج اياها قبل شهر .. أمداااج نسيتي ؟؟
فاتي :مامي الله يطول بعمرج ..نسيتها .. والحين زعلان علي زوجي ..أبيه يراضيني مو طايقة حالي
ام فاتي : أهاااا .. هههههههههه.. عيل جذي السالفة ..الطبخة هاذي للازمات والمزاعل << اشرايكم بالاسم اليديد!

توأم النعومة والأناقة.. تتذكرونهم خواتي الغاليات؟

دلال وجميلة
صار لهم جم سنة من تزوجو.. الحمد لله وجميلة صارت عندها بنوتة قشطة وسمتها سكينة على اسم جدتها الله يرحمها
جميلة راحت عند اختها على شاي الضحى .....

*********

جميلة : دلول وينج ما تبينين .. البنات يتزوجون بس عاد ما انقطعو من اهلهم وحبايبهم ..وينج حتى تلفون ما تتصلين
دلال : والله لاهية يا اختي يا بنت امي وابوي بشغل البيت وتعرفين ما عندي خدامة الحين والوحدة مالها خلق بالشهور الاولى من حملها الله يكون العون
جميلة :خيتي..تدرين ذاك اليوم شنو صار لي .. شي عجييب والله.. !! بس أول شي ذكري الله وصلي على محمد وآل محمد
دلال : لا اله الا الله اللهم صل على محمد وآل محمد .. شوقتيني يا بعد عمري قولي
جميلة: عيل قولي ما شاء الله
دلال : جميييلووو.. شنو ما شاء الله لا يكون عبالج آنا عيني حارة.. يلا خلصيني قولي
جميلة : هههههههه.. .. سمعي ذاك اليوم قاعدة سهرت مع بو الشباب على مسرحية (باي باي لندن).. نسيت اني مقصرة مع ربي ..استغفر الله!!
دلال :اي اي كملي << طلعت عيونها متشوووقة للسالفة هههههههه
جميلة: دخلت علطول مع بعلي بالموضوع قلت له ..انك قبل لا تجي تطق باب بيت أهلي كنت ادعي بفترة وخصوصا بصلاة الليل يرزقني رجال ولا كل الرجاجيل شهم.. شخصية.. طيب ما منه مثيل ..
دلول ههههههههه...الا ما أشوف ذاك اللي نفش ريشته علي وخشته << ديك مو زوج ههههههههههه
فرح واااايد من زود مدحي له.. وقام يتفلسف علي ههههههه .. كان أقول له يا بو سكينة تدري اني من تزوجت مع حوسة بنيتنا وطلعاتنا ووناستنا ومشاغل هالدنيا ما قمت أواضب على صلاة الليل
دلال : أكيد هو فرح لمن سمع انج راح تدعين له ههههههه
جميلة :أكيد والله .. قال مدامج يا حياتي يا دلولتي قلبج أبيض ادعي لي وادعي حق بنيتنا وعسى ربنا يسهل أمورنا..
دلال :الحمد لله ..زين انكم بديتو تصلونها وتذكرون الله خصوصا بآخر الليل الدعاء مستجاب..
جميلة: اي والله يا اختي الحمد لله رحنا ندور على بيت جديد والحمد لله لقينا بيت 3 أدوار وحديقة كبيرة جدام البيت وغير مواقف خاصة لسيارتنا وكل هذا بسعر معقول!!
دلال :ألف ألف مبروك اختي حبيبتي تستاهلين كل خير وهذا كله بفضل الله ولا تنسيني بالدعاء..

ماما جميلة ..يلا آنا مليت من التعته هني << قصدها القعدة بيت خالتها دلال..
وه بس فديتها تجنن .. خل نتعلم من دلع اليهال الحلوين

مليقة خانوم ازعلت على
ريلها << شنو اليديد ..؟! ههههههههه

طرباااااااخ << صوت الربضة للمرة المليون ههههههههه
بالشهر 10 مرات مزاعل وتطنقر عليه ههههههه
خير يا طير؟!
كل هذا عشان ما شرا لها تلفون بلاك بيري اليديد وصديقاتها كلهم شارينه
وهي يا حبها حق المظاهر حبااااه .. ويا حبها للمقارنات حبااااه ..ههههههه
خنقت ريلها بالمصاريف وغير السفرات اللبنانية علشان صبغة شعر وصبغة رمش << وصلت شهرزاد يعني؟ هههههههه
طق طققققة البعل ...!!!
انفجررر..!!
ما تحمل فعايلها..!!
وجياته للبيت قلت وقعداته كل مع ربعه والسبة فيرساتشي خانوم
اقصد أميرة خانوم ..لي ما قرر يوم من الايام يقهرها ويخليها تتعلم درس وحط بباله يتزوج
مرة ثانية ويخليها شريكة عليها
بعد اسبوعين سمعت بالخبر .. !!
أميرة .. !!
وهي بعز دلالها وترفها بحمام الهنا..!!

7

7

نزلي بعد..

7

7

اوووف !!!
هههههههههههه.. ما ينلام الرجال اذا تزوج عليج يا الهبلة ..
..أعزكم الله خواتي.. هذا حمام ولا صالون ولا كافيه ولا صالة ولا استراحة ؟؟!!!<< اختاري
الاجابة الصحيحة .. ههههههههه

المووهيم !! عرفت بالخبر من وكالة يقولون صديقاتها جميلة ودلال >>ماكو فايدة
حريم هههههههه..
يومها استخدمت سلاحها اليومي..البجي والبجي..
أتصلت بزوجها ...مارد عليها!! خذت تلفون خدامتها لولا عشان يرد ..ماكو فايدة
رجعت لمكرها ودهائها المعتاد ..أرسلت أحلى رسالة رومانسية...
في تلفونها...اكتبت:

وكيف بأنسى00أحلى أيامي معاك
وذكريات000مرت بلمح البصر
وكل دقة بقلبي تشهد لي بغلاك
أوعدك ما أنساك ولو طااااال العمر
يحسدك حتى العسل من زود حلاك
ويستحي من نور حسنك القمر
المرسلة: زوجتك أمورة >> تدلع عمرها راحت عليج هههههههه

انتظرت ..انتظرت.. انتظرت نص ساعة!! مارد!!
اشفيه ذي؟؟! علامه.. ؟؟؟!
أكيد الناس حسدتني عليه ولا طقونا عين .. جعلكم الماحي << شكو تدعين على خلق الله.. اللي فات مات مدام مليقة ههههههه

ضلت تبكي ..ابي امي ..ابي ابوي.. ابي جدي.. هههههههه .. العايلة كلها ندبتها ولكن لا حياة لمن تنادي ..!!
طاااار الرجال ونست تقول حق لولا تقفل على الفرن مجهزة صينية دجاج بالقسماط .. ومع العويل والصوت العالي والاستمرار بالبكاء.. فجأة !!!!

فجأة!!!

طااااااااخ !!!
أميرة: حسبي الله ونعم الوكيل ويش ذا الصوت !!
أكيد اسرائيل دخلت علينا << استخفت
المرة خلاص هههههههه
يا ويل حالي .. لولا وينج...؟؟؟!!!
ولا أثاري هذا الصوت رجع مرة ثانية!!

7

7

7

ههههههههههههههه..
يوووه..!! ..انفجر الفرن بوجه (لولا)!!!!

*****

مدااااام ..what happen to my face?
هراااام عليكي ماما ..أنا توني يشتري جلابية ..
وأنا يصير جااااف واااجد>> عزيزتي تبين
شامبو للشعر المتقصف
مثلا يعني؟؟ هههههههههه

أتمنى ان الموضوع نال على اعجابكم...

ترى أسمع ضحكاتكم.. ههههههههههه...:d27:

عساكم فرفشتووو .. تعلمتووو ..

من دلع..

قمري..

وحبايبها..

وصديقاتها ..

تمنياتي للجميع بحياة حلوة سعيدة

أخواتي الفاطميات ..
لا تنسوني بصالح دعواتكم بحق
هذا الشهر المبارك..

حقوق الطبع محفوظة

بقلمي:قمـري/ خادمة سلطان العصر

[ام شبر]

هههههههههههههههههههههههههه


احلى دلوع

حبيبتي خادمة سلطان العصر

عاشت الايادي

الله لا يحرمنا من دلع قمري


لكن انا ردت جدة قمري وينها ؟؟!!


ليش ما جبتيها الي ؟؟!!


بعدين تعرفين اميرة خانم ليش اتزوج رجلها عليها


لانها من كثر جلوسها على اللابتوب
بيني وبينكم هي مشتركة بمنتدى معروف

لكن ما اقول اسمه هذا سر ههههههههههه


شفتوا حتى بالحمام عندها لابتوب


تعرفون شنو صار بيها ؟؟



شوفوا صورتها


7





7





7





7






















قمورة مو صحيح هذي هي اميرة خانم



ههههههههههههههههههه

[محبة لاهل البيت]

ما شاء الله عليش حبيبتي
حبيبتي خادمة سلطان العصر

عاشت الايادي
ولله وناسه

حلوه اسوالفش انزول عليش

بس ماعرفت ليش الكمبيوتر بلحمام خوش فكره
هاهههههههه

[نعمة الله]

ما شاء الله عليك حبيبتي
منتهى خفة الدم والحلاوة
مشكووووورة على النصائح الجميلة
الله يعطيك ألف عافية

[لؤلؤة الزهراء]

عودة قمري رائعة ..

و مضحكة واجد ههههههههه ..



ربي يعطيك السعادة في دنيا و الآخرة مثلما اسعتينا ..

يسلمو ..

سوالف جميلة منك يا خادمة سلطان العصر ..

مشكورة اختي العزيزة ..

[هويتي مبهمة]

هههههههههههههههههه
ههههههههههه
ههههاي عورني بطني
هههههههه

ربي لايحرمنا من قمري

مشكورة حبيبتي ولاتنسينا من الدعاء

[جنة المشتاق]

ههههههههههههههههههههههههههههههههه
هههههههههههههههههههههههههههه
هههههههههههههههههههههه
قموره أبدااااااااااااااااااااااااااااااااااااااااع متواصل غاليتي
يعطيج الف الف عااااااااااااافية .. نصايح يديده ومفيده
الله يوفقج >_* عزيزتي

[شمعة ولاء]

ههههههه
ما شاء الله عليكي حبيبتي شو خفة الدم هاذي
هههه
مشكوره حياتي

[خادمة قائم آل محمد]

ههههههههههههههههه

هههههههههه... نسيييييت أجيب جدتها.. بس قلت هي بالمقبرة شلون أرجعها؟؟؟

استغفر الله .. الله يقطع ابليسج أم شبر...

المشاركة الأصلية كتبت بواسطة ام شبر

هههههههههههههههههههههههههه


احلى دلوع

حبيبتي خادمة سلطان العصر

عاشت الايادي

الله لا يحرمنا من دلع قمري


لكن انا ردت جدة قمري وينها ؟؟!!


ليش ما جبتيها الي ؟؟!!


بعدين تعرفين اميرة خانم ليش اتزوج رجلها عليها


لانها من كثر جلوسها على اللابتوب
بيني وبينكم هي مشتركة بمنتدى معروف

لكن ما اقول اسمه هذا سر ههههههههههه


شفتوا حتى بالحمام عندها لابتوب


تعرفون شنو صار بيها ؟؟



شوفوا صورتها


7





7





7





7






















قمورة مو صحيح هذي هي اميرة خانم



ههههههههههههههههههه

ههههههههههه .. اعرف المنتدى اللي بسبته صارت توووخمة...

سكتي واللي يرحم والديج يا الغلا... ههههههههه...

انتي متأكدة ان هاذي أميرة خانوم الدعلة؟؟؟

نورتي والله يا هلا فيج حبيبتي

[خادمة قائم آل محمد]

المشاركة الأصلية كتبت بواسطة محبة لاهل البيت

ما شاء الله عليش حبيبتي
حبيبتي خادمة سلطان العصر

عاشت الايادي
ولله وناسه

حلوه اسوالفش انزول عليش

بس ماعرفت ليش الكمبيوتر بلحمام خوش فكره
هاهههههههه

هههههههه.. يا عمري محبة لاهل البيت نورتي الصفحة كلها...

آنا شفت الحمام أعزك الله.. قلبي عورني ..ههههههههه..

أقول لج جمعي فلوس وسوي نفس الحمام .. بس مالي شغل

بزوجج..<< حيلكم بينكم هههههههههه...

أتمنى الافادة لجميع غالياتي الفاطميات...