[بقلمي] بمناسبة قرب شهر رمضااااااان نبي تجهيزاتكم ...اتفضلي بالدخووول

[احلى ولاء]

اللهم صل على محمد وآل محمد وعجل فرجهم



متباركين بالشهر وبقدوم شهر رمضان
حبيت فتح هالمووضوع للفائدة لي ولخواتي المبتدئااات ونبيها من اصحاب الفائدة والخبرة

ويش تجهيزاتكم للمطبخ قبل شهر رمضان


مثلااا
فكرت اني ابرز سنبوسة جبن لاني ما استغني عنه من احين واحطه في الفريزر وسبرنغ رول
مكسرات ابرزها عشان يسهل علي استخدامها للاسكريمات والطبخاات

وسويت الي لسته باغراض رمضااااااااان عشان اشتريهم حبيت نتبادل الخبرااااات وكل وحدة اتحط شنوووو الاغراض اللازمة لرمضااااان
والرئيسية
مثل طحين الكباااااب..............الخ
نبي تفاعل

[ام يقين]

مشكورة أختي على الموضوع
فعلا لازم نبرز الينا هالأشياء من وقت علشان نكسب الوقت في الشهر الفضيل وعلشان حزة الحزة بس نطلعهم ونقليهم مثل السمبوسة بأنواعها ( الجبن ، الخضرة، البطاطس ) والسبرنغ رول
حتى ممكن نلف ورق العنب من قبل بس لازم مانحط فيه طماطم عشان ما يخترب
وبعد نقدر نقطع خضراوات صالونة اللحم ( ما فيه بيت يستغني عن الثريد ) ونحطها في أكياس ونجمدها


مع تحياتي .....................

ام يقين

[احلى ولاء]

حبيت انزل اليكم الاشياء الضرورية لشهر رمضان
واغلب الاشياء متوافرة عندي بس حبيت انزلها لكم وللفائدة
وفي اغراض وايد اني ما استخدمها .....
دعوااااااااااااتكم الحلوة...


الاغرااااااض:

شربت .... ملك المائدة في رمضان
طحين كباب
معكرونة
صلصل
صلصة صويا
وملح الصويا
ورق سنبوسة
وسبرنغ رول
جبن قواطي وكيري
سكر
فطر
ذرة
نخج اخضر
خل وليمون
دارسين
حليب نيدو
وحليب مركز
قيمر
ودريم ويب ماتحلى الايسكريمات الا به
جيلي ابرد على القلب في هالحر
شوربات كنور
زيتون اخضر واسود وشرائح
فانيلا
شوكولا للطبخات
بودرة شوكولا
بهارات
دهن الشي الرئيسي للقلاي
كريم كرميل
تمر ..... سجلته لكم بس اني ما اكله فمستغنية عنه
طحين بالخميرة وطحين عادي للمعجنات
حليب مراعي
زبد
شعيرية
بلاليط
حب هريس ....... سجلته لكم اني ما اعرف اسوي هريس لكن ينفع للشوربات
بف باستري
المنيوم
ورق شفاف
ورق نشاف
كاسات بلاستيك وصحون
فول سوداني
خميرة
ساقو
نارجيل مطحون
وسمسم
عسل
زعفران
ماء ورد
ماء لقاح
هيل
حبة البركة
بيكنغ باودر
مكسرات
نشا


واذا ذكرت شي بحطه لكم

تحياتي
احلى ولاء



الموضوع من تعبي وتجميعي ومجهودي
أمانة اللي تنقل الموضوع لمنتدى ثاني تذكر المصدر

[احلى ولاء]

مشكورة ام يقين على الافكاااااااار وعلى المرور والرد
والله يعطيش العافية وبانتظار افكارش الحلوة

[احلى ولاء]

اربعة ايام ومحد فكر ادش احط رد
معقولة محد جهز لرمضااااان

[عاشقة العتره الطاهره]

بِـسْـمِ اللّهِ الـرَّحْـمـنِ الـرَّحِـيـمِ

اَللّـهُمَّ صَلِّ عَلى مُحَمَّد وَآلِهِ الاْوصياءِ الْمَرْضِيِّينَ، وَاكْفِني ما اَهَمَّني مِنْ اَمْرِ الدُّنْيا وَالاخِرَةِ يا اَرْحَمَ الرّاحِمينَ

يسلموو خيتوو و يعطيك ربي الف عافيه

دًٍمًتُِِّْمً بٌَِخٌِيَرٌٍ ،،

نْسٌِِّآلكَمً خٌِآلصٍْ آلدًٍعًٍآء




تحيـــــــــــــــــــ عاشقة آل البيت(ع) ــــــــــــــــــاتي

[أم حسين]

مشكووورة " أحلى ولاء " على الموضوع ..

و الله يعطيج العافية على وضع قائمة المشتريات ..

و إن شاء الله تستفيد منها الأخوات ..

بس حبيت أنوه لشي ..

في الكثير من الأخوات اللي يغالون في شراء أغراض الشهر الكريم ..

و ينتهي الشهر و كثير من الأغراض ما استخدموها و تكون نهايتها ـ تكرمون ـ الزبالة !!!

بالنسبة لي تعلمت درس من السنوات اللي راحت كنت اشتري جميع أنواع الطحينات و بما إني أطبح لوحدي يعني أطبخ لي و لزوجي بس ..

فمعظم الطحينات ما استخدم منها إلا القليل و بالنهاية تسوس و تنزمي و أنا ما استخدمتها فحرام !!

فالسنة قررت إني ما أخذ إلا سميد لأني من محبي البسبوسة و الخنفروش و طحين عادي للقيمات و المعجنات ..

اما الكباب و الهريس أمي و عمتي ما يقصرون كل مرة وحدة تطرش لينا ..

و أكثر شي كثرت من اغراض الحلويات ( قيمر ، دريم ويب ، بسكوت قهوة الصباح ، جبن كيري ، حليب مركز ،... ) ..

لأني راح استخدمهم كثير خصوصاً أوقات التجمعات مع أهل زوجي أو أهلي ..

فخلاصة الكلام إنّا نحاسب في الشراء فنأخذ على قدر الكمية اللي راح نستخدمها خلال الشهر الكريم ..

و بلغنا الله و إياكم جميعاً لصيام الشهر الفضيل و قيامه ..

[نور فاطمة]

بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ

يعطيك العافية أختي أحلى ولاء على الطرح القيم ..
أفكاركم جميلة أختي أحلى ولاء & أم يقين & أم حسين أن شاء الله أنطبقها ,,
و جزاكِ الله خير ,,
و الله يبلغنا وياكم شهر رمضان الكريم ..

تحياااتي

[ام الكوثر]

اللهم صل على محمد وال محمد

الله يعطيكم العافيه على الموضوع وان شاء الله الكل يستفيد منها

انا مع قائمة اختى احلى ولاء في القائمة شهر رمضان

وازيد عليها القهوه والشاي اسود وشاي اخضر ونعناع

والسقوه وعصيرات واحب انا اخذا المانجو والفرواله والباقي الفاكهه اللي نشتريه نسوي منها
العصر لان زوجي من محبي العصير الطبيعي

اما اختى ام حسين فعلان على الطحين انا مثلا اخذ طحين خاص الكل معجات وغيره
وطحين اخر اهل زوجي يحبون يسون فيه اللقيمات الطحين يجبونه من البحرين

والله يغيد شهر رمضان علينا بالخير

[nono moon]

شكرا لك أختى احلى ولاء للموضوع
للحين ما سويت شي لشهر رمضان
لف سمبوسه جبن (اساس وجوها على مائدة الإفطار)
وما لفيت ورق عنب
ولا شي شرينا من الأغراض