,, معكرونـة الدجـاج البيضـاء بطـريقتـي ,,

[*_القطوة_*]

السلام عليكم بنــات

شخبــاركم ؟؟

مثل ماوعدتكم راح أحط لكم معكرونة الدجاج البيضه بطريقـتــي

مابي أطول عليكم وهاذي الطريقة بالصور وبالتفصيل الممل

تفضلــوا


المقاديــر:






1 دجاجة كيلو
2 كيس معكرونة
4 ماجي
2 علبه مشروم ( فطر )
فليفله مقطعة اصابع
4 جزر مقطع اصابع
4 علب قيمر
2 علبة ذرة حلوة >> ادري في الصورة بس واحد ههههه بس ماصورت الثاني نسيت
3 بصل مقطع جوانح حجم متوسط
1 ملعقة طعام فلفل اسود



نوضع الدجاجه بعد التنظيف في ماء مغلي ويوضع في الماء قليل من الكركم والملح حتى تنضج جيداً



نوضع في الطنجرة البصل حتى يذبـــل وبعدها نوضع الجزر حتى يليــن شووي



وهني اضفنــا الفليفل والمشروم والذره والماجي والفلفل الاسود وبعدها ناخذ قليل من ماء الدجاج المغلي وانضيفة على الخلطة



هني بعد ما نضجت الدجاجه .. تفتفتها مثل الصوره هههههههه مادري شنو المصطلح الصح واضفته على الخلطة




وهني بعد ما اضفت المقادير كلها حطيت القيمر



وبعد ما فحنا المعكرونة في الماء المغلي وجهز

حطيت المعكرونة في الخلطة وتميت اخلطة عالشان يتوزع

وبعدها خلاص بندي الفرن واخلطي المعكرونة عدل لانه حلاتها مو ناشفة :d19:


في خطوة واهي يوم افوح المعكرونة نسيت ماصورتها :d20:

وملاحظه : يمكن اضافة جبن الموزريلا في الخلطة ولبروكلي واتصير مثل الباستا حلوووة :d10:

مجهود شخصي وما أحلل اي وحده من محبات النقل ان تنقله لصالحها بدون ذكر المصدر
حقوق الطبخ محفوظه لدى قطوتنا في منتدى نور فاطمة (ع)

ههههههههههههه

:d41:

واتمنى تعجبكم

هني وعافيه


ولي تعجبها الطريقة ياريت تدعيلي ربي يقضي حوائجي
واذا استاهل التقييم لا تنسووني

11