كيكة النـــوتــيلا يم يمي

[ولاية علي حصني]

كيكة النـــوتــيلا

المــــــــــــقادير..

حليب عادي او حليب بالكاكاو
نوتيلا
3 علب قشطة نستله
2 دريم ويب
باوند كيك
هيرشي للتزين

الطـــــــــر يقة..
اول شي نجهز القالب المتحرك اللي ينرفع
او قالب التشيز كيك اللي ينفتح
ونبتدي نقطع الكيك شرايح اقرب للسمك
على حسب الارتفاع اللي تحبين

بعد ما رصينا الكيك في القالب نبتدي نشربه بشوية حليب
وهنا بعد ما تشربت الكيكه بالحليب

وبعد ما انتهينا من الطبقه الاولى نبتدي نجهز الطبقة الثانية
(طبقة النوتيلا)
وهي عباره عن..
القشطة ومن ثم النوتيلا




وفي طبق ثاني نخلط الدريم ويب مع نص فنجان ماء بارد جداً
ونحركها الين تغلظ وتصير كريميه بها الشكل

ونحطها على النوتيلا



ونبتدي نحركها



اللين تستوي مزيج بها الصورة

نصب جزء منها على طبقة الكيك



ونرجع نكرر مره الثانية نرص طبقه ثانيه من الكيك

ونشربه بالحليب
ونحرص انه ما تكون فيه اي فراغات في طبقة الكيك

نحتفظ بمقدار من كريمة النوتيلا ونصب الباقي عليه
ونسويه بحيث تكون الطبقه مرتبه

نغطي القالب ونغطي الجزء اللي احتفظنا فيه من كريمة النوتيلا ونحطهم في الثلاجه
أنا عادة احب اسويها قبل التقديم بيوم بس ممكن تخلينها 4 ساعات او أقل قبل التقديم

بعد ما تتماسك وقبل التقديم بربع ساعه نطلعها من الثلاجه وتكون بها الشكل

نجيب كريمة النوتيلا ونغطي فيها أطراف الكيكة

ونبتدي نزينها بسائل الكاكاو (هيرشي)

ونقصصها وممكن تزينين الصحن والكيكة مرة ثانية بسائل هيرشي




عوافـــــــي يـــاحــلــويــن