حلو الكريمة,, من صنعيــ

[GaLbo0oSha]

السلام عليكم بنوتات حلوات

اليوم
و بالضبط قبل شوي
سويت حلو آنه تقريباً مخترعته
سميته
حلو الكريمة
لأنه يرتكز بشكل أساسي عالكريمه إلي أسويها,,
طبعاً طريقة الكريمة,, من كتيبات طبخ للأمانه
بس طريقتي باستعمال الكريمة غير عن الطبق إلي حاطينه بالكتيب

المهم
المقادير:

و هذا القيمر لأني نسيت أصوره مع الباجي

1- 1 كوب ماي بارد
2- 2 دريم ويب (كريمة بودر)
3- 1 بودره كريم كراميل
4- أوريو,, كسريه و خليه مثل البودر و عادي لو كان معاه شويه قطع كبار,,

5- لوز مكسر
6- 1 قيمر (حجمه عادي لا كبير و لا صغير) يعني تقريبا 170 جرام
7- بسكوت دايجستيف الدائري
8- كيك مثل إلي بالصوره مو شرط أمريكانا تقدرين تاخذين أي نوع ثاني و يفضل يكون بنكهه الكاكاو

الطريقة:
1- خلطي الماي البارد مع دريم ويب بالخلاط لمن تصير رغوه,,
2- ضيفي القيمر و بودره كريم الكراميل للخلطه و خلطيهم بالخلاط,, لمن يتماسك
3- خلي الكريمة إلي سويتيها,,

و روحي إخذي قوالب بلاستك صغار,, مثل ملوت التقديم,, و عندج خيارين,, الأول إنج تقطعين كيكه الكاكاو و تحطينها بالقوالب و تضغطين عليها علشان تصير بقاعه القالب,, و تقدرين تاخذين بسكوت الديجستيف و تحطينه بحليب علشان بس شوي يصير ناعم (مو وايد أوكي) و بعدين حطيه بالقالب
نفس إلي بالصوره

4- حق كيك الكاكاو إلي حطيتيه بالقالب ضيفي عليه لوز مكسر (يعطي نكهه و يقرمش),, أما البسكوت مو شرط تحطين عادي لو ما حطيتي

5- ضيفي الكريمة فوق كيك الكاكاو و اللوز و أيضاً ضيفيه على البسكوت,, و بعدين رشي رشه من بودره أوريو,, و خلصتي جذي

تقدرين تقدمينه فوراً
بس آنه أفضل لو تحطينه بالفريزر شوي علشان يبرد (راح يكون أحلى) و أبوي يقول يصير جنه برد (آيس كريم)

و عليكم بالعافية

طبعاً آنه سويته اليوم لأنه اليوم عندنا مولد ببيت خالتي,, بمناسبة مولد الإمام الحجة عجل الله فرجه الشريف
فسويت كمية كبيره (100 حبه)

و حطيتهم بالفريزر حالياً
و بســ