تجهيزاتنا لعيالنا في المواليد والأخص النص من شعبان

[أم حسين]

المباخر الفخارية فكرة حلوة أم فاتي زيزي ..

و حتى الحصالات الصغيرة فكرة حلووة و أفكر إني اسويها خصوصاً إن الجهال راح يستانسون بها !!!

[عنوني]

السلام عليكم

شخباركم

اليوم يبت لكم توزيعات بنتي حق ناصفه شعبان ورمضان كان ضيق الوقت وله سويت لها شي بس لحقت سويت لها حلاوه في ورق عادي مال تغليف

والناصفه عباره عن كتبيب الحرز وهاذه طبعا حق الكباره وسويت فيه تغليف بسيط وعليه كاكوه والبطاقه لزقتها او صفحه في الكتاب

اتمنى انها تعجبكم وطبعا الأطفال كان عباره عن حلاوه في اكياس اوركنزا وصورت وياه بنتي

[عنوني]

اشوف المووضع كلش مو متحرك

ما عليه عاذررتكم

بس يله خله يتحرك شويه يحليوات

[عنوني]

هاذي صور لبس بنتي في الناصفه خذته من المحرق

على الرغم كنت ابي خلق خفيف وقلت يمكن اشوف لها خلق واخيطه فستان عادي وعليه بخنق احسن من الحر

بس شفت هاذا وانخبلت عليه حده حليوه وكشخه وعجبني وقلت دام بتي صغيره خلني اقص عليها لانه بتكبر اهيه بتقص عليه خخخخخخخ

وله شرايكم

هادي صوره اللبس كامل والحلو فيه كله طقم واحد حتى كيس الناصفه وهو صغير بس يله احسن ليها عشان تحمله



وهني صوره الكيس



وهني تفاصيل حق الطرز إليه فيه ويه الراس مال البخنق





ها شرايكم

[ثلج ونار]

موضوع حلوو

اظن عندي جم صورة مال قبل بنزلهم

عنوني يجننننننننننننننون الثياب متى اجيب بنية والعب بحسبتها بعد خخخخخ

اني السنة للحين ضرب تفكيرات وجاري عقد صفقات مني ومني بس للحين مافي قرار هههه
حتى الثياب عاد الصبيان يمللون ماعندهم شي غير فمو معورة راسي .. قلت نهاية هالشهر بروح المنامة اشوف جم حاجه واشتريت ليه ثوب ساده عادية حق المواليد بدايه شعبان
هالاسبوع بروح اصوره بثوب وصديري مطرز حق احط الصورة في بطاقة القرقاعون لان ماعنده صورة واضحه بالثوب وجديدة

مممم اللعام سويت كتاب حصن الحصين وحرز التاج في ناصفه رمضان لفيتهم بشريطه مكتوب عليها قرقاعون وعلقت فيها ميدلية شكل فانوس وكيس اروجانزا صغير فيه حلاوة والبطاقة داخل
وناصفة شعبان علب ورقية جاهزة من ايران وفيها فلوس الي من ايران عليهم صورة تشبيه الامام المهدي عليه السلام وحطيت وياهم ربية وحلاوة وعلقت فيه البطاقة بحط صورته بعد بس احصلها

[ثلج ونار]

يالله اكو حصلنا الصور بسرعه لان الهاردسك الخارجي صوبي خخخ

هذي ناصفة شعبان اللعام

ومن داخل ..


ورمضان


هاي سويته للاطفال الواجد الي يجون فيه اكل وصواية وبالونه اظن


هاي سلة وعليها شيفون حطيت فيها حلاوة وفلوس حق عماتي الكبار ونسوان عمومي

[عنوني]

حلوه توزيعاتج ام عبادي ووايد عجبتني البكسات لو احصل مثلهم

وصدق الأولاد معروفين لباسهم حق الشعبي بس تقدرين خيو تلبسينه مثلا لبس بحار إله هو وزار وفانيله حق تحت

رخيص وحلو وبعد لبس عماني وله إماراتي مع لفه الغتره بيطلع يجنن

[ثلج ونار]

العلب من ايران اذا عندش احد هناك الحين خلهم يجيبون لش حق رمضان لان فيه مكتوب عليهم اسماء الايمة كلهم اعتقد
عندهم هناك اشياء حلوة توزيعات وااجد توي بس من يومين شايفة توزيعات وحده من ايران بس ماذكر اي منتدى

والثياب عندش صورة للزي العماني؟؟ الاماراتي لبسته بس بدون الغترة لانه صغير والوزار بعد احسه صغير عليه الحين
قلت يمكن اشتري ليه البشت الي يجي فيه زيج في الطرف وفي طرف الكم لانه لبسته اول شي يوم كان صغير حده مايمشي وبعدها مالبسته الحين زين بيطلع مرتب بنروح المنامه اسبوع الجاي نجوف بعد

[أم حسين]

عنوني ..

التوزيعات شكلها كشخة بس ما تبين الصور صغيرة ..

و لبس البنوتة للناصفة حلوووو و زاهي و أكيد راح يكون عليها أحلى ..

[أم حسين]

ثلج و نار ..

التوزيعات في غاية الروووعة ..

و فعلاً البوكسات حلوووين الله يعودنا و نروح ايران و نجيب مثلهم:d10:

و فكرة الحرز و الحصن الحصين هم حلوووة و تصلح ناصفة للكبار ..

و آخر وحدة تشبه اللي اخذتهم من الأنوار بس السلة غير !!