كيكة العيد

[ام كوثر العيسى]

اللهم صل على محمد وال محمد

بناء على طلب من الاخوات اني انزل طريقة
كيكة ميلاد السيده معصومه (ع) وانا اعتذر على التاخير


والحين بتدي الطريقه


المقادير للكيكة:
4 كوب دقيق
1ملعقة كبيرة بيكن بودر
1كوب زبدة لينة
2/3 2 كوب سكر
3حبة كبيرة بيض
1 ملعقة صغيرة فانيلا
1 كوب حليب
1 كوب لبن خاثر
100 غرام شكولاتة مذابة


طبعا هذي الكيكه لها قالب خاص حتى تصير مثل المربعات




ولي ماعنده هذا القالب مومعناتها انها ماتسويها اكو طريقه حلوة وراح اعلمكم عليها لانه حتى انا ماعندي هذا القالب

اول شي نبتدي نحضر المقادير والصور راح توضح لكم








هذي المقادير وراح تلاحضون اني حاطه اربع بيضات لان البيض عندي صغير اذا البيض كبير تحطين ثلاثه حطيت الزبدة مع السكر وخلطته




هني حطيت بيضه بيضه يعني مو كلهم احطهم



هني بعد ماخلطت البيض







مثل ما واضح عندكم في الصور هذا الامنيوم او قصدير ماادري
على لهجتكم الي يغلفون فيه الاكل او حق الشوي ماادري انشاءالله فهمتو علي ناخذه ونلفه مثل حلقه تكون وحده صغيره ووحده كبيرة ونثبتهم بمشبك او لاصق مثل ماتبون




نخلت الدقيق مع البيكن بودر ورشة ملح وضفت نص الدقيق وكوب الحليب وخلطت وضفت النص الثاني من الدقيق وكوب البن الخاثر





بعد ماخلطت الدقيق قسمته الى قسمين وحطيت على قسم شوكولاته 100 غرام بعد ماسيحتها بحمام ماء






هني حطيت الخليط في القالب ورفعت الحلقات ودخلته الفرن بحرارة 180 درجه تكون ثلاث كيكات كيكتين يتشابهون والثالثه تكون مختلفه يعني كيكتين من النص سودة وكيكه من النص تكون بيضه


هني بعد ماطاعت من الفرن



وهذي الكيكه المختلفه تكون بالنص بين الكيكات المتشابها حتى تكون مربع اسود ومربع ابيض



حطيت اول كيكه وغطيتها بالكريمه بس مانكثر علشان تبين المربعات مانبي تكون مسافه عاليه بينهم





وهذي الثانيه المختلفه حطيتها فوق الكيكه الاوله




وهذي الثالثه



هني غلفتها كلها بالكريمه وزينتها وبمناسبة عيد الولايه اهديها لاخواتي الفاطميات وانشاءالله كل عيد وانتو بالف خير
اتركم مع الصور






























انشاءالله تعجبكم الطريقه وتعجبكم الكيكه وانا اعتذر مرة ثانيه على التاخير
وكل عام وانتم بالف خير لاتنسوني من صالح دعواتكم اسالكم الدعاء تحياتي لكم .