دلوني لكبر حسين دلوني

[تفاؤل و أمل]

يا حادي تهيّد گبر خيي مهو بعيد *** وا لجسد عنه لا تباعدنا ولا تحيد
بنصب الماتم دم على نسل الأماجيد *** بلچت تطفى النار ولىّ دموعي تفيد
بحچي بغبنه أوياه والدمعات تبديد *** وشكي له فعل الگوم بيّه وفعلة يزيد
وتشكى لخواني وعاتب للصناديد *** چي تتركوني للوحوش بوحشة البيد

--------------------

يرعات الشيم بس لا تنشدوني *** ما واحد تمرمر بالخلق دوني
بتعفر بتربه واطلب ديوني *** خلوني أموت ويمه گبروني

واني مجرورة بحبالي
وأصب الدمع همّالي
--------------------

هاذي مشارف كربلا بانت ولگبور *** تزهر بأرواح الأطايب تسطع بنور
بس من شفتها راع گلبي وصار مفطور *** وتمثلت لي المجزرة وأفكاري تدور
هاذي ضحايا الغادرية وهذي لبدور *** وهاذي شموع اللي تفانت يوم عاشور
أهني تركته على الثرى والگلب مكسور *** وهني تراها الأعوجية داست صدور
ودوني لنور العين ودوني *** وخلوني أموت ولا تنشدوني
أرد أتودع منه على هوني *** مار يد العمر يا ناس خلوني

شخصك حاضر إگبالي
لا ما غاب عن بالي