الامام الجواد في سطور

[نور الولاية علي]

بسم الله الرحمن الرحيم

اللهم صل على محمد وآل محمد

السلام على الزهراء البتول الطاهره وعلى أبيها وبعلها وبنيها

السلام على شباب الائمه

وجوادهم الامام محمد الجواد

ورحمة الله وبركاته

خذني الى صحن الجـــواد
باب الحوائج باب المراد
في مقلتي بات السهـــاد
سهرت في ليل هـــــواك

#######

يطير الصاف اخذني وياك ونزلني عله اعتابه
تراني عاشگ من اسنين ومثلي هايمه احبابه
دمعتي اتسيح عله الوجنات مجموربلظه اغيابه
رست يمك سفن شوگي وشفتي اتقبل ابوابــه

صحنك ام روض الجنــان
يفوح مسكا مدى الزمان
هب النسيم يطري المكان
وروحي تغفو فوق ثراك

########

اسرجت مهري وتعنيتك سحاب الشوگ يحملني
مثلي انجوم تحن اعليك اطير وصبري شايلني
الجواداعليك روحي اتنوح وغده امصابك يسايرني
بعد شيخمد اجروحي وشبح حزنك يخالجنــــي

لما وصلت تلك الربـوع
محاجري سالت دمــــوع
هويت كي اوقد شمـــوع
اذ في الجوى نار لقاك

#######

الك ابعث مراسيلي بدمع ممزوج من دمي
غريب اجناحي مكسوره الك اشكي بعض همي
غفك ليل الهموم ايصيح بفراگك وگع عزمي
البعد يلهب شراييني بسهم فگدك صرت مرمي

الم قلبي عضم الخطوب
عمري تصدع منها يذوب
صبري تعدى صبر ايوب
وشاب راسي متى اراك

#######

يا نبع الكرم والجود علينه علمك اطافح
يفيض اعلينه بالحكمه مثل ومضات تترامح
مثل زخ المطر نزلـت معارف كثره تتسارح
سهام اتصيب كل عالم وعليك اعيونه تتسافح

تبكيك عيني من دمـــاء
مذ غاب نجمك في السماء
سهم الردى سهم الفنـاء
وقد اصابك دون ســـواك

########

عشت اعوام باحضانك گبتك زاهيه اگبالي
وگبت والدك موسى كواكب شعت ابالــي
چنت كلما امر حدك اسلم بيدي وخيالـي
حرمني جيرتك دهري وبس الدمع يحلالــي

مضى زمان والذكريــات
تغفو بفكري الامنــيات
متى ساسكن جنب الفرات
اسير في ركب عــــزاك


########

اذكر لمن ايصادف وفاتك يالجواد احزن
السواد الصحنك ايغطي واحس جدرانه يتفطرن
المناير تبچي لمصابك بنزف چبدتك يتاثرن
مواكب تعتني الگبرك رايات الحزن رفعن

ناح بقربك ناعي المصاب
يدمي لعيني يدمي الهضاب
بكتك حتى عين السحـــاب
وقد فجعت لما دهـــــاك

مأجورات