صراع العمه والكنه

[أم محمـد]

السلام عليكم

موضوع مهم عزيزتي فعلا ..

وبعيدا عن الصراع والعمة والجنة ومنو صح ومنو خطأ

اعتقد ومع الاسف المجتمع اتبرمج على الاعتقاد ماكو عمة تحب الجنة وماكو جنة لازم تحب عمتها

مو قصدي كل العمات ممتازات وكل الجنات مثاليات ,, لا بس صعب الناس تتقبل فكرة العمة اللي تحب جنتها

حتى من تكون العمة زينة رأسا يروح التفكير اكيد الها غرض لان ماممكن تتصرف بحسن نية

بدون مقابل وكذلك العمة بالنسبة لجنتها

ونسوا اهم شغلة الدين والالتزام الديني هو اللي يحسن الخُلق

طبعا الالتزام الديني الصحيح يبعد الاطراف عن المشاكل

ومهما كان احد الاطراف سئ لازم الطرف الثاني يتصرف بحُسن خلق لاخر يوم وما يتنازل عن التصرفات الزينة

لان كل تصرف زين يلكا اثره حتى لو بعد حين ماكو شئ يضيع ورا سنة سنتين عشرة

او بالاخرة ,,كل ما الجنة تتحمل وتصبر راح يكون ثوابها اكبر

ويبقى الاساس بكل تعامل راح اعكس اخلاقي وطبعي وتربيتي

مهما يكون تعامل الناس سئ وياية لازم حُسن اخلاقي يخليني اتصرف صح

واخذ الناس على محمل حسن وافسر تصرفهم لصالحي فكيف بام زوجي

رفيق دربي وشريك حياتي وجدة اطفالي أن كُنت مع الناس جيدة بتصرفاتي يجب ان اكون معها

ممتازة لان هذا يعود بالنفع كذلك على علاقتي بزوجي

مو بقصد احط اللوم على الجنة وابري اعمة بس بحكم الجنة تكون صغيرة والعمة كبيرة ومقامها من مقام الام

وأن شاء الله نسمع رأي الفاطميات وبالذات المتزوجات

ويبقى الاختلاف بالرأي لا يفسد للود قضية

نسألكم الدعاء