ام زوجي تنام معي في نفس السرير

[نعمة الله]

انني اكتب هذا الموضوع لاقنع كل زوجه متضايقه من ام زوجها....
اخواتي اود ان اقسم لكم بالله العظيم بان كل كلمه سوف اكتبها هي حقيقه حدثت لي في يوم من الايام
اخواتي تزوجت وعمري عشرين سنه وكنت ماني داريه عن الدنيا ومقالب الحريم وحركاتهم
المهم كانت ام زوجي حرمه متسلطه سليطة اللسان يكرهها الجميع من اخوات زوجها وجيرانها واقاربها لان :d24:لسانها متبري منها:d24:
عندما تزوجت تعلقت بزوجي كاي زوجه تحب زوجها000ولكن الحب يحتاج الى تضحيات واولها المواجهه مع ام زوجي00 وكان الكل يحذرني منها00ولكنني قررت ان اكسب المعركه لصالحي
في البدايه اود ان اوضح ماهو اكثر شئ اعانني على المواجهه (بعد اعانة الله سبحانه وتعالى)
((((كنت دائما اضع ببالي لو انها كانت امي فماالذي سوف افعله بهذا الموقف)))))
الان سوف ندخل اجواء المعركه وساذكر لكم بعض المواقف البعض فقط لانها لاتعد ولاتحصى
كانت تحرص ان تدخل غرفتي بدون اذن وتاخذ بعض اغراضي وتستخدمها امامي لكي تغيضني وتجبرني على الكلام (ولكن اتخيلها امي)واصمت
كنت احرص ان لا اقفل الغرفه اذا كنت نائمه وزوجي غير موجود لانها تحب ان تفتح الباب بين فتره والثانيه(ولكن اتخيلها امي تود الاطمئنان علي)واصمت
كان يوجد داخل غرفتي حمام لمن نركب له باب لانه داخل الغرفه وضعنا عليه ستاره بشكل مرتب فقط كنت اود الاستحمام احيانا وهي موجوده بالغرفه اخذ روب الحمام واغلق الستاره واتروش عادي جدا وبعدين البس داخل الحمام(ولكن اتخيلها امي استحي اقولها اطلعي برى) المفروض هي تستحي
كنت انام الظهريه عندما يكون زوجي بالعمل واكتشف انها نامت معي بنفس السرير عندما كنت اغط بالنوم لاني اترك الباب مفتوح لها كما اسلفت سابقا وكانت حجتها ان مكيفها حار ومكيفنا ابرد 00والبيت فيه خمس مكيفات مااختارت الا غرفتي(ولكن اتخيلها امي)واصمت
كانت تقتحم غرفتي وتفتش بين ملابسي بحجه ان الشغاله مضيعه تنوره بنتها يمكن مدخلتها عندي ويشهد الله اني كنت اساعدها بعمليه التفتيش (لاني اتخيلها امي)واصمت
كانت تحاول احراجي امام الحريم عندما نجتمع ولكن اسكت لاني عارفه الناس تقول حتى لو عمتها غلطانه المفروض مايتهاوشون قدام الحريم يعني اطلع انا الغلطانه وهذا مالا ارضاه لنفسي بعد هذا الصبر الطويل
اما وجبات الاكل هذي يبيلها مجلدات لحالها لانها كل مره تغير مزاجها مره تبي الاكل مالح ومره باهت ومره تقول البهارات تسبب لي حرقان ومره الاكل ماصخ مافيه بهارات
وطبعا في كل مره اطبخ لها طبخه من جديد حسب المواصفات المطلوبه(وطبعا اتخيلها امي)ومشتهيه تاكل هالطبخه
لما ارجع من السوق اوريها اغراضي واحد واحد حتى الاشياء الخاصه (تذكرت موقف طريف بقوله لكم مره اشتريت لمعه الجسم وريتها على انها كريم عادي0 طبعا هي كل كريماتي من املاكها الشخصيه وتستخدمها متى مابغت 0وتخيلوا شلون بيكون شكلها وهي رايحه عند ناس وهي مستخدمه لمعه الجسم...؟؟
وطبعا لما جاني عيال ياسلام بدات تلقى اثاره اكثر 00عيالكم سوو وعيالكم فعلو00بذكر لكم موقف واحد 00مره ولدي كب بيبسي على الموكيت حق غرفتها00قالت انا حلفت ان البيبسي ماينمسح ولازم يتغير الموكيت كله(طبعا تبغى تنرفزني وتشوف رده فعلي) المهم ولدها عيا قال هذا جبروت مهو طلب معقول 00ورحت وغيرت موكيت الغرفه على حسابي الخاص
المهم يااخوات ان هالمعارك دامت تقريبا خمس سنوات(داحس والغبراء)
وبعدها اعلنت ام زوجي استسلمها
وصارت تفضلني على زوجات اولادها السته وصارت كل ماشافت شي جديد عند زوجات عيالها او بناتها تشتريه لي وتقول شفتهم شروه اكيد انه شي دارج هالوقت وقلت باشتريه للغاليه
وصارت تستشيرني بكل شي يخصها حتى لو عيالها قالوا لها شي ماتثق فيهم لحد ماتاخذ رايي
وصارت تدعي لكل عجوز تشوفها ان الله يرزقها بحرمه ولد مثلي
طبعا كل الناس مستغربين بما فيهم زوجي واخوانه شلون قدرت اكسب ام زوجي
واقسم بالله تقريبا تسعين بالميه من المشاكل ماكان يدري عنها زوجي لاني كنت اقول في نفسي (طيب واذا عرف بالمشكله يرمي امه بالشارع ولا يروح يهاوشها وتزيد المشكله ماتنقص وهذا الي هي تبغاه)كان مايدري الا بالمشكله الي يشوفها بعينه
والله اني اكتب قصتي مع ام زوجي لكي تستفيد منها كي عروس توها باول المشوار وماهي عارفه كيف تتصرف مع ام زوجها
منقول

[محبة لاهل البيت]

مشكوره حبيبتي على القصه
هذه المراة ذكيه عجبني تعاملها وصبرها

[loole]

" اللهم صل على محمد وآل محمد وعجل فرجهم الشريف "

الله عطاهاا كثر صبرهااا
مشكورة حبيبتي عالقصة الراائعه
الله يعطيج ألف عافية
تقبلي مروري
لولي ..

[أنفاس البتول]

بعد كل صبر فرج
يسلمو

[حبي الزهراء]

لابد .. ان بعد الصبر فرج ..



كل عمه تختلف عنه أخر .. وكل وحدة وتحملها على عمتها ..


الله يكون في عون الجميع .. ويهديهم ..


شكرا اختي على النقل الموفق ..

[سيدتي الحوراء]

ونعم الكنه والله
صحيح لسى الدنيا بخير ولوخليت خربت
وفي زوجات اولاد دوا للجرح مثل مافي كذلك امهات ازواج
وكلا يحسن ويسئ لنفسه وما بعد الشده الا الفرج طال الزمان او قصر
منقول راااااااااائع تشكرين عليه

[amorah]

صدقت حبيبتي ... انا مريت بنفس تجربتك والحمد لله الحين ام زوجي تفضلني على حريم اعيالها كلهم

والكل الحين يقولون لي انتي ويش امسويه لها عشان تحبك كل هالحب ...... اكيد مسويه لها عمل ساحرتها فيه..

بس انا ولله الحمد صبرت ونلت لكنهم مالراح يستوعبون هالكلام ....... لان هم عدهم ام الزوج عدوه لهم ..ما يعتبرونها مثل امهم..

مشكوره اختي على هالموضوع الحلو وياريت الناس يشلون من بالهم انو ام الزوج عدوه لهم عشان يعيشون بحب ويعلمون عيالهم على الحب الحقيقي.. اسفه للاطاله

[جنة المجتبى]

اللهم صلي ع محمد وال محمد وعجل فرجهم
ونعم الاخلاق المحمديه
يعطيك العافيه , طرح جميل

[نعمة الله]

وفقنا الله جميعا لما فيه خير وصلاح
بارك الله فيكن حبيباتي
زيارتكن أسعدتني ...ألف شكر

[(عذاب)]

ان الله مع الصابرين