[بقلمي] فاطمة الزهراء عليها السلام هل كسر ضلعها؟

[شوق العيون]

لاويتي الزمن يخسى الزمن لاواج **واصرعتي الوكت من لزمة المحزم


وشربتي القهر كاس المذلة وطاح ** واكتبتي اعله كبره ميت من الهم


يا فاطم يكوكب نازل اعله الكاع ** ربّج بيج نزّل آيته واقسم


إبشر يا محمد انا اعطيناك ** كوثر يا محمد بيهه تتوزم


صلّي البارئك وانحر يبو الزهراء ** ابتر شانئك والخالفك يندم


ومن صرت وعليج اتنزّلت أملاك ** رادت هالملائك بيج تتكرم


واكبرتي وربيتي ويالمصايب ذيج ** وبعام الحزن شفتي الحزن ملتم


يا اعظم صبر هد صبره صبر الكون **يلّي اكبال صبرج يا صبر اعظم


ودّعتي الحنون الوالد المختار ** وانفتحت عليج ابواب من الهم


هم غصبة فدك هم بيعة الكرار ** واخبار الخلافة وغدرة ابن العم


وهم سقط الابن وهم ضربة البسمار ** ومو كسر الضلع خلاّهه تتألّم


بس الألّماهه القوم قوم البين ** باكت بالسقيفة جهود للخاتم


قومك معدلت قسمه ونصفت


ولا الآلك تره اهتمّت ونصفت


قريش اليوم تتنعّم وانه اصفيت


كسيرة ضلع بعدك يالشفيه


يا باب الشؤم يا غدرة البسمار ** مالك ما تهزّك ضربة الزهره


ما شفت اللعين الراد يفجع بيك ** هاي الدنيه كلهه بعصرة الحرّه


ما جاك الخجل ما ردّك الي صار ** وانته ابخشبتك ضلع النبي اتعصره


لاجنك خشب والخشب اصل النار ** ودومك بالكلوب اتهيّج الجمره


من كسر الضلع والمحسن الي طاح ** لحسين الشهيد وعيلته اليسره


شلت حسين طوعا وي جميع الروس ** والمحسن عصرته وطاح من زغره


أستنتج إذاً إنّك خصم للدين ** وجروحك غميجه وما اظن تبره


لاجن من خشب منبر صُنع لحسين ** والخاطر المنبر تنجى بالعَبره



مــــــــأجورين