من مطبخي صينية خضار على الطريقة الصينية مع الرز والسمك

[عبق الحسين]

صينية الخضار المشكلة على الطريقة الصينية هي طريقة صحية جدا للمواد المكونة منها لفائدتها الغذائية والصحية والمغذية في نفس الوقت وتعلمتها من احدى صديقاتي هنا في لندن ولقد اعجبتني طريقتها لسهولتها وطعمها اللذيذ وبتقدري تقديمها مع اي طبق اخر بس انا عملت معه رز ابيض وسمك مثل العادة طبعا
الكمية هي حسب حجم العائلة وهيدي الكمية لشخصين

المكونات:
جزر
فطر فريش مش معلب
هليون
بروكلي
ملفوف (كرومب) صغير جدا
وانت اذا حبيت تضيفي اي نوع خضار فريش فعادي
واللازم يكونوا كل الخضار فريش مش معلب
ذبدة
2 كوب رز
800 مليلتر ماي حار منغليه تنحطه على الرز
سمكة
بهارات
ملح




منجي للطريقة وهي اسهل مما تتصوره ست البيت وخصوصا للعاملات يعني بتقدر تحضرها بوقت لا يزيد عن النصف ساعة

منقشر الفطر ومنغسله منيح لأن هيدا فريش



بهلوقت منسلق الخضار الباقية كلها قبل ما نحط الفطر بعشر دقايق لأن الفطر الفريش بسرعة بيستوي لهيك منسلق الخضار قبل


بعد ما نحس ان الخضرة بلشت تستوي منحط الفطر معهم ليستوي


وبعد ما تستوي الخضار منصفيها بمصفاة حتى تنزل كل الماء ونتركها شي 5 دقايق للتصفى الماي كلها


وبعدها منصفها بصينية بهالشكل


منحط عليها الزبدة والملح ومنحطها بالفرن انتباه ما تحطي اي نوع من البهارات علي الصينية


هسة منبلش بلسمكة منبهرها ومنملحها طبعا قبل بساعة تتشرب الملح والبهار والحامض وهون بعد ما بهرناها ومبلش نقليها


خلينا نبلش بالرز منصول الرز ومنغسله ومنحط عليه لكل كوب رز ملعقة شاي ملح وهيك بيطلع راكز وطعمه تمام



وهون خلصت الصينية وشلتها من الفرن


وهون انقلت السمكة وحطيتها بصحنها بس للأسف نسيت صور صحن الرز بس هلق بتشوفوه على السفرة


وهاي السفرة صارت جاهزة للأكل


وهيدا اول صحن برد على طبقي اتفضلوا وعلى فكرة انا ضفتله صوص خاص بلسمك وبتلاقيه جاهز باي سوبر ماركت وفيه للدجاج وفيه للحم وهو صوص نباتي رائع



وهيدا الصحن الثاني لهو بلا صوص للي بحبه من دون صوص وهو للي بر علي ثاني واحد



وبقلكم الف صحة والف عافية
وان شاء الله عجبكم طبقي اليوم

ولا تنسوني بالدعاء اذا عملتوه وعجبكم بالذرية الصالحة