ايتها الفاطمية ساهمي في إشعال الشموع الحسينية

[تفاؤل و أمل]

اللهم صل على محمد وال محمد وعجل فرجة يا كريم

السلام على الحسين وعلى علي بن الحسين وعلى اولاد الحسين وعلى اصحاب الحسين

حال الزهراء عليها السلام يوم الاربعين

***

أجت يبجي دمعهه \\ وجابت هم ضلعهه

تعاين حال زينب

أم ويّاهه تنحب

*********

بياحاله الزجيَّـــه \\ لفت للغاضريه \\ أتريد تزور أبنهه

طلعت من كّبرهه \\ للخطوه تجرهه \\ تنوح ينوح ظنهه

أتعاين راس عالي \\ يرد للجسد تالي \\ نارأيشّب حزنهه

للجثَّه جفاهـــــــه \\ رد اليوم أجاهه \\ يواســيهه بمحنهه

أدير العين حسره ** حزن يسجب العبره

المصايب كلهه تنصَب

أم ويّاهه تنحب

*********

سمعت زينب تنوح \\ ياخويه يمذبوح \\ من اليســــر ردّيت

تراقب حــــال بتهه \\ بياحالـــه لفتهه \\ماظل والــــــي لابيت

أتحــن أبجيهــــه \\ للحادي أو وليهه \\ تنـــــادي عسه لاجيت

حاجيني يمظلوم \\ شرب الماي محروم \\ يحسين ألي أشخلّيت

شبكت كّبر لحسين ** عالخد تصب نارين

الخدر بعدك تسلَّب

أم ويّاهه تنحب

*********

سارت بين لكبور \\ أتريد الكمر والنور \\ ودَّور جفوفه

ينهرسكيته ياماي \\عله جرفك جان وفّاي \\ مشتاكّ عله شوفه

ليساره ويمناه \\ وفاهن منو ينساه \\ مارادت تعوفه

سبيَّه خذوهه كوَّه \\ الماعدهم مروَّه \\ تعرف بظروفه

جفوفه عدهه أمانه ** ماعرفت خيانه

ما ي شلون يشرب

أم ويّاهه تنحب

*********

من خطوة جدمهه \\ أمهه أتحس بألمهه\\ كّصدت علي الاكبر

ليله تلطم الراس \\ يَمَّه شهكت أنفاس \\ بعد ياحَيــــل يكّـــــدر

رمله أدَّوّر شموع \\ الخيمة عرس مفجوع \\ وينه خلَّي يحضر

يوليــدي وحيدي \\ حنَّـــه الدمه أيـــدي \\ بالسيوف موذَّر

لمَّت كل جرحهه ** بنوح وبجي يَمهه

الصبر منهه تعجَّب

أم ويّاهه تنحب

*********

أم حسين راحت \\ بدمعت عين فاحت \\ وتأن من ضلعهه

من أرض المدينه \\ مثبوره حزينــــــه \\ ماينشف دمعهــــه

أتكّلَّـــه يُمَّه يحسين \\ دمَّك وفَّــــه للديَن \\ للدنيَــــــــه فجعهه

جفوف الساقي عندي \\ يوم الحشر ودّي \\ وفاهن ماأضيعَه

بالمحشر أوافيه ** جناح الله يجازيه

أخو زينب أمجرَّب

أم ويّاهه تنحب

*********

يرضيعي يمهظوم \\ بنحر السهم مفطوم \\ رحت وراح محسن

بجّاني وبجه الباب \\ وبجه صدر أمَّك رباب \\ وباقي حضنك أيون

رحت بعمر الورود \\ الحليبـك بعد متعود \\ مكانك يمِّي أمِّن

بهل اليوم أربعينه \\ أنوحن وَي ونينه \\ كّلبي باقي ويحن

الطف قصته عجيبه ** مرَّت جم مصيبه

فراك الكّلبي عذَب

أم ويّاهه تنحب

*********