[تصميم] فواصل -تصاميم فوتو وفلاش -مخطوطات -خلفيات جوال لمناسبة استشهاد الرسول الاعظم ص

[عاشقة زينب ع]

النبي يضنونه مات ... وحنه گلناهه شهاده

همه گالوهه وفات ... گلنه مغدوره القياده
وحنه گلناهه شهاده
**************

أعظم مصآب أوفاجعه ..صابت كيان الامه
يوم أنفگد طه النبي ..أحمد رسول الرحمه
راح وحمل أكبر هظم .. بس الله يدري أبهظمه
من مثله وتحمل أذى ..من أمته الي تسمه
&&
الباطل أدعمه جهات... والله و أتماده أبعناده
تشترك بيهه جـنُـات ... گلنه مغدوره القياده
وحنه گلناهه شهاده
**************
واكبر دليل أنقدمه .. كتاب الله بيه الايه
((ألا رسولٌ قد خلت )) .. بيهه خبر ودرايه
لو موته مات أولو قتل .. ماتنفي أبدن هآيه
هاي الاشاره الواضحه .. تبين عظيم أجنايه
&&
أسهام للغدر ورمات ... نال أبو مره مراده
نفذو والله العـُتات ... گلنه مغدوره القياده
وحنه گلناهه شهاده
************
عن صادق الامه ورد .. هذا النقل مضمونه
مامنا الا ينقتل .. لو غدراً يسمونه
هذا الحديث أو مورده .. بالمصدر أيــأكدونه
اكبر دليل أومعتقد .. أن النبي يچتلونه
&&
الغدر أقبح صفات ... يبغضه اللـهُ وعباده
وهاذي بالباطل سمات ... گلنه مغدوره القياده
وحنه گلناهه شهاده
***************
عن حادثة سم النبي .. عدنه أبكتب منقوله
ألـحمى تسري أمن الرجل .. هاي أبمثل مگيوله
لا مو غريبه الخانته .. عملة غدر معموله
من زوجه مليانه حقد .. ونفس بخبث مغلوله
&&
للغدر صارت أدات ...وسنه سنوهه الاباده
هذا كيد الخائنات ... گلنه مغدوره القياده
وحنه گلناهه شهاده
***************
لمن نبينه أصدر امر.. گلوب أصبحت مرتابه
أبجيش أسامه تلتحق .. واجب فرض لصحابه
يدري أبمنيته گربت .. ويدري أبطبعهه أذيابه
أيمهد الحيدر أمر ..يستخلفه بـــــغيابه
&&
حيدر أولده الكـُمات ... هــمَّـه أسباب السعاده
نتبع أقول الابات ... گلنه مغدوره القياده
وحنه گلناهه شهاده
*************

مانفذو هذا الامر .. من حسوا أبهالمعنه
وعليهم الهادي غضب .. ومنه أستحقوا لعنه
وعن جيش أسامه أتخلفوا.. لدينه الله وجهو طعنه
وتحت السقيفه أعلنو .. بيعه رجل بايعنه
&&
أتفقوا وعينو ولات ... وطيحو الدين وعماده
وخلو المله شتات ... گلنه مغدوره القياده
وحنه گلناهه شهاده
**************

للشاعر خادم اهل البيت
محمد ابورغيف

السلام على رسول الله
السلام على حبيب الله
السلام على المسموم
السلام على المغدور

اعظم الله لكم الاجر بإاستشهاد الرسول الاعظم محمد صلوات الله عليه وآله


وبهذه المناسبه يتقدم فريق ابداع المهاجر

بالتعازي لمقام مولانا صاحب الزمان عجل الله فرجه الشريف
وللمؤمنين والمؤمنات كافة

ويقدم لكم عمله المتواضع لهذه المناسبه الاليمه ونرجوا من الله القبول

**********

فواصل

الخلفيات













تصاميم فوتوشوب وفلاشية

المقاسات 600 في 500

http://vardel.com/up/uploads/06_1313574810761.swf

http://vardel.com/up/uploads/06_1313574810762.swf

http://vardel.com/up/uploads/11_1313578907241.swf

http://im33.gulfup.com/VFJo2.swf

المخطوطات

للتحميل أضغط هنا
أو هــــــنا