خطوات تنظيف وتهوية وتعقيم الرضاعات ( بالصور )

[بنت الهدى]

هذي طريقة وحدة من الامهات لتعقيم المراضع و اني نقلتها لكم

السلام عليكم ورحمة الله وبركاته

مرحبـــــــــــــــــــاً أمهـــــــــــــــــــــــــــــــــات ...

اليوم جايبة لكم خطوات تنظيف وتعقيم الرضاعات الخاصة بي ...

أولا : عند الاستيقاظ من النوم أغسل الرضاعات جيدا بالماء الحار قدر ماتتحملي ..
طريقة الغسل .....

أقوم بتفكيك الرضاعة جزء جزء يعني الحلمة عن الحلقة عن الغطاء والزجاجة ..ثم أغسل جزء جزء على حدة بصابون فيري مخفف جدا يعني اضع قطرتين في ماء حار قرابة لتر ثم اضيف قليل منه للرضاعة وأبدأ بتنظيفها بالفرشاة الخاصة الكبيرة للزجاج والصغيرة للحلمات ..

على فكرة لاتقولوا الصابون مو زين خطر لا انا أخففه جدا ، وطبعا لازم يستخدم الصابون لأن الحليب فيه دهون وتسبب روائح إذا استخدم الماء فقط ..

ثانياً : بعد مانتهي من الغسيل لكل جزء أقوم بتهويتة الرضاعات كيف باستخدام الاستاند الخاص فيهم واتركهم ساعة او ساعتين على الأقل بتقولوا راح احتاجهم لترضيع طفلي عادي خذي واحدة ورضعية واذا خلصت اغسليها ورجعيعيها على الاستاند وهذي صورتة طبعا اللي عندي شكله غير عدد الأعمدة اكثر ولونه سماوي اخذته من سماء...

ثالثاً : أقوم بتعقييم الرضاعات بعد التهوية تكون الرائحة زالت وبعدين أعقمهم من الجراثيم عن طريق الغلي وأنا أفضل طريقة الغلي حيث أفكك أجزاء الرضاعة الحلمة والحلقة والغطاء والزجاجة واضعهم في ماء حلو ..ماء الشرب واغليهم عشر دقائق في قدر مخصص لغلي الرضاعات فقط يعني شريت قدر جديد ولا استخدمه نهائيا للطبخ فقط لغلي الرضاعات واحرص على تغطية القدر اثناء الغلي وهذا مذكور في علب الحليب عند الغلي بقدر يغطى....

ثالثاً : أكون مجهزة مناديل واستخرج الرضاعات من القدر واقلبهم حتى يجفوا خمس دقائق مو أكثر ..

رابعاً : أعيد تركيب أجزاء الرضاعة كل رضاعة واغلقها جيداً ثم احتفظ بهم داخل الثلاجة ..حتى اليوم الثاني أعيد الخطوات السابقة ...

باقي اليوم متى مااحتجت الرضاعة استخدمها واغسلها وانشفها بالقلب خمس دقائق على المنديل بعد كذا ارجعها للثلاجة ..يعني ماسوي تللك الخطوات إلا مرة واحدة في اليوم ..

هذي الطريقة اللي استخدمتها لعيالي الاثنين والحمدلله مطمئنة جدا على صحة عيالي ..

إذا أعجبتكم طريقتي طبقوها تراها سهلة ولا تحسبوها طويلة ومعقدة عادي جدا امشي على الخطوات وانتي راح تتعودي اهم شي انك تطمني على الرضاعات انها معقمة ومتهوية زين ..

وفي شي مهم جدا انا اقوم بتغيير الحلمات كل شهرين ....او إذا لاحظت فيها شي ..
والمهم اني استخدم رضاعات زجاج وحاليا استخدم شيكو وحلمات بيضاء وش اسوي أخاف يطلعوا لنا بشي ثاني بعد الله يستر طبعا بعد ماكنت أستخدم بيجون زجاج للأسف وكنت أحبها ..

انتهى الموضوع ..
منقول للأستفادة