هوسات بحق الامام علي ع

[نور الولاية علي]

بسم الله الرحمن الرحيم

اللهم صلى على محمد وال محمد
السلام عليكم ورحمة الله وبركاته

هوسات - بحق الامام علي (ع) نحب وادي السلام وابد ما ننساه=ونحب حامي الحميه الكل وكت بحماه

>

1. نحب وادي السلام وابد ما ننساه

ونحب حامي الحميه الكل وكت بحماه

2. يحضر بالشدايد دوم من ننخاه

نحبك والله انحبك...يامن تحضر بالشدات

3. نحبك ياعلي الكرار وحبك يسري بدمانه

رضعنه امن الزغر حبك وحبك دوم غذانه

4. يحماي الحمه ابدخلك ما غيرك اليحمانه

ابدخلك والله ابدخلك... يوم المحشر ياكرار

5. يحماي الحمه بحماك وانته التحضر الملهوف

تخلصنه يحماي الجار يوم اللي نصير اصفوف

6. انته المحكمه الكبرى تخلصنه اللي يجي مچتوف

امسجل هذا امسجل...اسمه ابدفتر حماي الجار

7. اليندبك ياعلي اتحضره عقيده ثابته عدنه

انته اللي تخلصنه وغيرك ابد ما عدنه

8. نختلف ياكرار لچن حبك يوحدنه

كلمن يدخل عندك ... منكر ما يدناه

9. وسام النه شرف حبك وهذا الشرف يكفينه

نحبك واحنه بالارحام ومن حبك تغدينه

10. وندري ما تمسه النار لئن حبك ينجينه

وكلمن يلهج باسمك... يوم المحشر ما تنساه

11. علي ونعمين من اسمك حلو اسمك يحامي الجار

علي بيك استقام الدين وسيفك حارب الكفار

12. قسيم النار الجنه اليحبك ما تمسه النار

حبك نور گبره... وبسمك يلهج ياكرار

13. بس انته وابن عمك انتم سادة المخلوگ

وايمه اتنعش ياكرار انه ابحبهم صرت مشبوك

14. محبتهم فرض واجب غدت برگابنه چالطوگ

نحبهم والله نحبهم...واحنه البيهم متمسكين

15. متن يگدر يضاهيكم ومن يگدر يصل حدكم

انتم رحمه للعالم الباري خاطبه الجدكم

16. واحدكم بدر بسماه يشع بالكون واحدكم

انياله الفاز ابحبكم...هذا امخلد بالدارين

17. انه اموصي وصيتي هاي گبل لاتغمض اعيوني

الغسل ماي الفرات يكون وگبر حسين زوروني

18. وامشوا للنجف بيه ويم حيدر ادفنوني

اتبشر والله اتبشر...يللي اتجاور حامي الجار

19. ضربة حيدر اتعادل اشما تبعد الثقلين

وظلت ضربتك لليوم تدوي ابعالم الكونين

20. ابوجهه ما وگف غيرك بس انته يبو الحسنين

ابسيفك والله ابسيفك...انته اتشيد هذا الدين

21. ابخيبر من وگف غيرك يحماي الحمه ابخيبر

بيدك من قلعت الباب وصارت عالنهر معبر

22. اليهود انذهلت ابسيفك وبسيفك نظل نفخر

ابحيدر والله ابحيدر...احنه انفوز اعله الكونين

23. نحب وادي السلام مشرف ابهالكون

تشرف بعد اكثر ليه تربي اعيون

24. تشرف چي علي الكرار بيه مدفون

هذا الساقي الكوثر...هو اليحضر بالشدات

25. الدنيه اوصيك لا تمن تراهي اتزول

ما دامت الدنيه اشما تريد اتطول

26. اشما عمرت لابد على الچتف محمول

اعمالك بس اعمالك...هيه اتروح اوياك

27. يصل وادي السام اليحب لهل البيت

ابجوار المرتضى دفني انه اتمنيت

28. صرت اعله الولايه والعلي والبيت

ابدخلك انه ابدخلك...وانته التحضر يوم الضيچ

29. اريد الله ينظرك دوم بالاحسان

وينعم بالولايه اعليك والايمان

30. ومحامي ايصير الك حيدر عظيم الشأن

انيالك والله انيالك...حيدر هوه اللي يحماك