قصة مديرة مدرسه>>>مضحكه

[فراشة المنتدى]

السلام عليكم ورحمة الله وبركاته
تدور القصة

حول مديرة مدرسة عزباء غابت عن المدرسة يومين

ولما عادت

لمدرستها قابلتها المدرسات سلامات وينك

يامديرة؟

قالت:

باركولي تزوجت

قالوا: مبروك

يامديرة ولكن منهو زوجك؟

قالت: بصراحة

زوجي هو زوج إحداكن!!

المدرسات

تكفين علمينا أي وحدة منا؟

قالت المديرة:

والله ما أعلمكن

المهم لزموا عليها فقالت:

أنا ماني متكلمة اللي تبي تعرف

هل هو زوجها وإلا لا

تجيب بكرا معها خمسمية ريال وإذا جات توقع تحط الخمسمية

على الطاولة واللي آخذ خمسميتها فهي ماهو زوجها

واللي أخلي خمسميتها على الطاولة ولا آخذها فهو زوجها

عيب علي أتزوج

زوجها وآخذ بعد منها خمسمية ريال

وافقن المدرسات على الطريقة

ويوم جاء بكرا وكل وحدة مزهبه معها الدراهم

جات الأولى والثانية والثالثة والرابعة حتى العاشرة

والمديرة تاخذ الدراهم

يوم جات المدرسة

الـ 11 وبدت المديرة تأفف .. المهم حطت الدراهم

على الطاولة وقالت لها

تكفين خذيها يالمديرة

قالت المديرة:

اعذريني قالت المدرسة: كأنها قليلة؟ وحطت ألف بدال الخمسمية

قالت المديرة:

أووووووووووووه معليش أثرك أنتي جواهر

والله إني آسفه غلطت

يوم تنفست المدرسة وقالت الحمدلله يعني بتاخذين الفلوس

المهم أخذتها المديرة

ودخلو بقية

المدرسات حتى الـ 23 والمديرة تلعب بأعصاب

كل وحده

وفي النهاية

تاخذ الخمسمية

المهم باقي مدرسة وحدة فقط ماجت يوم اتصلو عليها المدرسات

هاه وينك ياأستاذه

قالت: والله

اني تعبانه وماني جايه

قالت المدرسة الغايبة:هاه من صار زوجها اللي متزوج المديرة؟

قالوا: لين الحين مابين شي والمديرة عيت تاخذ الفلوس

لين نحضر كل المدرسات

( يلعبون عليها بس يبونها تجي عشان يتطمنون إنها هي لأنه مابقى إلا هي )

وقالوا المدرسات:

لازم تجين تكفين

المهم جات

تسحب رجليها بالقوة ويوم جات تدخل المدرسات

كل وحده مبسوطة أنها ماهي هي

وبدوا يسمن

على المدرسة الـ 24 عشان ماتنصدم

دخلت المدرسة

الأخيرة غرفة المديرة وحطن باقي المدرسات

أيديهن على قلوبهن

وحطت المدرسة

الخمسمية على الطاولة وضفتها المديرة

يوم طلعت

لقوها عادية وما صار شي وفلوسها أخذتها المديرة

قالوا: يابنات

فيه وحده منكن ماخذت المديرة دراهمها ؟

قالوا: لا والله

كلنا أخذت دراهمنا

ودخلوا المدرسات

على المديرة وقالوا أخذتي الفلوس من كل المدرسات

تلعبين علينا

!! منهو

زوجك !!

قالت المديرة:

المهم الدراهم ( 12000 ريال ) ماراح ترجع

وأنا والله

لا تزوجت ولاشي لين الحين عزوبية ووالله

كنت مريضة هاليومين

ولكني اطلبكن

قبل شهر تدفعن على مية ريال نصلح المصلى

ولا وحدة

منكن دفعت .. قلت والله لأدفعكن 500 ريال

نصلح المصلى

ونشتري مصاحف وقف للمسجد

قالوا المدرسات

بردها الله بالعافية فداك الدراهم ولو تبين

زود عطيناك

هو صدق بس رجالنا ماتزوجوا علينا

المرأه تدفع فلوس الدنيا كلها ولا يتزوج زوجها عليها

عمل الخير موجود في نفس المسلمة ولكن يحتاج إلى إيقاظ في بعض الأوقات

تحياتي لكم